Ɓimezle ngi Yesu Kristu ZAŊ mitil di mi 14:17 - Bible en langue guiziga

¹⁷ Naŋ i ˀUf mijeŋŋe. Naŋ na, duniya a tiɓaŋ gu ta, asi naŋ anta puraŋ ta, yo a sinaŋ ta. Amma kumo, ki sinakaŋ le, vur naŋ da ati kumo, yo naŋ da a hur kumo ma.

Ɓimezle ngi Yesu Kristu ZAŊ mitil di mi 14:17 ပူးပေါင်းရင်းမြစ်များ

MIKUCUWULOY 14:10

Ɓi mutuwaˀ misi a mevel mburo, i naŋ misina pal naŋ tewle, da mevele, naŋ ar mumul na, mbur ngi vra mamumul ati naŋ anta.

EZAYI 57:15

Ya mbur madiɗa, mifineˀ gwatay gar, mandir ngi set, yo slimiɗ ɗu mipala, i ɓi na: «Ya Buymisemuŋ, mua muŋ, ya mipal, ya misi ati mizli muroko ar bonoy, waɗ misi membezleŋ ngi vu taŋ anta mata. I wuɗ i vula siifa da mizli misi membezleŋ ngi vu taŋ anta mata, waɗ da mizli muroko ar bonoyo.

EZAYI 59:21

Ya Bumbulvuŋ i ɓi ma: «Jumoˀay ɗu, ya masa jumo ati mizli, n'ani: ˀUf ɗu misi ar kum, ati mingiɓi ɗu, ya mica a balam kum na, anta sa kirih kirah le ti balam kumo ta, ko ti balam dideˀ kumoy, ko ti balam dideˀ kum mukuturtikuturoy kwana, anta sa kirih kirah le ta ma, zle wurenna hã ngi sete.» I ya Bumbulvuŋ maɓa.

EZEKIYEL 36:27

I sa ci ˀUf nga ya a hur kumo, i sa ga ɓa ki sipaka jiviɗe kaɓa ɓimujuwa ɗu mawuɗo, yo sirik ɗuwoyo, ɓa ki jaka taŋ a hirnga, ki gam taŋ slra.

Matiye 10:20

Asi masa ɓam i kum ta, amma i ˀUf ngi Cine kum masa ɓi a hur kumo.

Ɓimezle ngi Yesu Kristu ZAŊ mitil di mi 14:16

Yo yi sa tumbulo Baha ɓa a vulukum Mijiniˀis mekelem masa ndir caˀa ati kum.

Ɓimezle ngi Yesu Kristu ZAŊ mitil di mi 14:23

Yesu a mbiɗaŋ di: «Da mbur ara wuɗiy na, a sipa mingiɓi ɗu. Baha a sa wuɗaŋ, Baha ati ya i sa soko, i sa paka hay ndra wãˀ a hur naŋ.

Ɓimezle ngi Yesu Kristu ZAŊ mitil di mi 15:26

Mijiniˀis, ˀUf mijeŋŋe, ya masa slinukum di baɗ avu Baha na, da naŋ misa so le na, i naŋ vuna masa ga sedewo ɗu.

Ɓimezle ngi Yesu Kristu ZAŊ mitil di mi 16:13

Da ˀUf mijeŋŋe misa so le na, a sa ru ti kum ar ɓi mikaslsla gar wãˀ. Asi a sa ɓi di i ɓi ngi mongoy naŋ ta, amma a sa ɓi di i ɓi naŋ masa cina, yo a sa bugukum ɓi ngi gwat masa gi gar.

Ɓimezle ngi Yesu Kristu ZAŊ mitil di mi 6:40

Asi gwat Baha mawuɗ na, n'anihĩ: Ko wa gar mupura Mangala le, yo mitiɓaŋ le na, anja a lum siifa ngi sete, angi hin ngi dirba na, yi sa slikiɗaŋ ti wuzla mumucahaya.»

KORENTIHEY MUDUMBUŊ 14:15

Ani, i sa gi mbri ska? I sa dir dibiɗ ti musuɗuk ngi vu ɗu, amma i sa dir ti lesl ɗu ma. I sa zli dimis ti musuɗuk ngi vu ɗu, amma i sa zli ti lesl ɗu ma.

KORENTIHEY MUDUMBUŊ 2:14

Mbur misi ti wuluk ngi kpak ngi vu naŋ tewle na, anta tiɓa gwat maso ti vu ˀUf ngi Buymisemuŋ ta. A pura ka ɓi ngi mibirngahay, anta sla wala nah gu ta. Asi ɓa mbur a sla wala nah, naŋ kahana kahana na, sey ti ˀUf ngi Buymisemuŋ far.

KORENTIHEY MUDUMBUŊ 3:16

Kum i hay ngi Bumbulvuŋ, yo ˀUf ngi Buymisemuŋ, a cifi le a hur kumo na, ki sinaka ta kwa?

KORENTIHEY MUDUMBUŊ 6:19

Dumvu kum i hay ngi ˀUf Mipal misi a hur kumo, i Buymisemuŋ muvulukum di, i ngi kum ta na, ki sinaka ta kwa?

KORENTIHEY MUCUW NAŊ 13:5

Kum vuna, puraka mevel kumo ti haŋ kum tehhe a muŋ. Kum mitiɓam na, kum ada sipaka kwa mbrike na, bigaka so. Malla Yesu Kristu naŋ da a hur kumo na, ki sinaka ta kwa? Sey da ɓi ngi Kristu kum mitiɓaka na, ki ndilaka bigi naŋ ta far.

KORENTIHEY MUCUW NAŊ 6:16

Hay ngi Buymisemuŋ ati kuliheye, a jumom arleˀe mbri mbrike? Asi ndra, ndr'i hay ngi Bumbulvuŋ misi ti siifa, kaɓa Buymisemuŋ vuna miɓi: «I sa cifi ti hay ɗu a wuzla taŋ, yo i sa liˀi a wuzla taŋ. I sa tiri Buymisemuŋ taŋ, yo taŋ a sa tiram mizli ɗuwoy.»

GALATAY 4:6

Buymisemuŋ, ɓa ngi biga, kum i ziri naŋhay na, a slino ˀUf ngi Mangal naŋ le nga mevel ndra, i ˀUf matil mi: «Baba, aw Cine ndra!»

EFESEY 2:22

Ar kum mujom ati naŋ na, kumo kwana, kum jom ati mizli mekelemeye, kum i ɗugur ngi ndira hay, ɓa ki tiram hay ngi Buymisemuŋ masa cifi ara tisi ˀUf naŋ.

EFESEY 3:17

Anja a ga ɓa Kristu a cifi a hur kumo tisi tiɓi kum na, ɓa ki diram virzi hǝɗ hǝɗ wãˀ, yo zlak kuy kuy ar wuɗavu ngi Kristu.

KOLOSOY 1:27

Buymisemuŋ a wuɗ ɓa mizli naŋhay a sinaka ɓi muɗum nah na, i ɓi madiɗa, yo naŋ ti dudok haɗa a wuzla mizli duniyahaya. Mbiɗeˀvra: Kristu a wuzla kum, kum minjah hiri asi dudok naŋ na vurˀeŋ.

TIMOTE MUCUW NAŊ 1:14

Gwat mezlehey mupulukuw taŋ asi haŋ ɗik na, ja taŋ ti jini ngi ˀUf Mipal misi a hur ndra na.

ZAŊ MUDUMBUŊ NAŊ 2:27

Amma kumo, ˀUf Kristu muvulukum di na, naŋ da a hur kumo. Kum anta ti may ngi mbur ngi dubunukum gwat ta. Vur mike na, ˀUf Mipala, gwat gar, naŋ madubunukum di na, naŋ jeŋŋe, ko slir anta anga ta. Ndiram jom ati ˀUf Mipala so. Asi mike na, a dubunukum gwat le.

ZAŊ MUDUMBUŊ NAŊ 3:24

Mbur maja ɓimuɗuva naŋ a hirnga na, naŋ jom ati Buymisemuŋ, yo Buymisemuŋ kwana, naŋ jom ati naŋ aya. Ndra masinaka Buymisemuŋ, naŋ da jom ati ndra na, mbele ˀUf naŋ muvulo ndra di na.

ZAŊ MUDUMBUŊ NAŊ 4:4

Kumo so na, ziri ɗuwoy, kum i mizli ngi Buymisemuŋhoy, ki paka hirnga le da mijiviɗ misi slir tayna, asi ˀUf misi a hur kumo, naŋ gidaŋ haɗa fineˀ misi ar duniya.

ZAŊ MUDUMBUŊ NAŊ 4:6

Amma ndra, ndr'i ngi Buymisemuŋhoy. Mbur mawuna mevele ɓa a si na Buymisemuŋ na, a cine mingiɓi ndra. Mbur ngi Buymisemuŋ ta na, naŋ anta cine mingiɓi ndra ta. Ndra masinaka ˀUf ngi ɓimikaslsla ati ˀuf ngi zizavu na, avaˀa.

ZAŊ MUDUMBUŊ NAŊ 5:7

Migi sedewohoyo, taŋ makir:

ƁIMUNJUYO 2:17

Mbur misi ti slimiɗ macin na, anja a cine ɓi ˀUf Mipal maɓa da cikil ngi misikristuhoyo. Mbur mulum bugawla le na, i sa vulaŋ man muɗumoŋ, i sa vulaŋ ɗugur bara, yo ar ɗugur nah na, a tohom slimiɗ nawaya le anga nguɗ nguɗu. Mbur misina slimiɗ nah anta, sey mbur micakaŋ di le.»