Ɓimezle ngi Yesu Kristu ZAŊ mitil di mi 14:16 - Bible en langue guiziga

¹⁶ Yo yi sa tumbulo Baha ɓa a vulukum Mijiniˀis mekelem masa ndir caˀa ati kum.

Ɓimezle ngi Yesu Kristu ZAŊ mitil di mi 14:16 ပူးပေါင်းရင်းမြစ်များ

Matiye 28:20

Dubunaka taŋ ɓi ya muɓukum di ɗaˀ le na gar, ɓa a jaka a hirnga. Yo ya, y'ada ati kumo vur hin gar hã avu kiɗa mi ngi duniya.»

Ɓimezle ngi Yesu Kristu ZAŊ mitil di mi 14:14

Da ki ra cufuɗam gwat avu ya ti slimiɗ ɗu na, i sa gaŋ.

Ɓimezle ngi Yesu Kristu ZAŊ mitil di mi 14:18

Y'anta sa pulukum i mutuhoy ta, i ra mo ng'avu kum.

Ɓimezle ngi Yesu Kristu ZAŊ mitil di mi 14:26

Mijiniˀis, ˀUf Mipal, Baha masa slinukum di ti slimiɗ ɗu na, a sa dubunukum gwataya pay, yo ɓi ya muɓukum di gar na, a sa so keŋ ar wuluk kumo.

Ɓimezle ngi Yesu Kristu ZAŊ mitil di mi 15:26

Mijiniˀis, ˀUf mijeŋŋe, ya masa slinukum di baɗ avu Baha na, da naŋ misa so le na, i naŋ vuna masa ga sedewo ɗu.

Ɓimezle ngi Yesu Kristu ZAŊ mitil di mi 16:22

Kum wurenna, ki ra ndurɓom hiri kanah ya, amma yi sa purukum a muŋ ma, joˀ mevel kum a sa mumul, ko mbur masa tukukum mumul nah, anta.

Ɓimezle ngi Yesu Kristu ZAŊ mitil di mi 17:15

Y'anta tumbuluw ɓa ki hila taŋ tir duniya ta, amma ɓa ki jigina taŋ avu Malambaˀvu na.

Ɓimezle ngi Yesu Kristu ZAŊ mitil di mi 17:20

«I dir dibiɗ vur taŋ pal ta, amma vur mizli masa tiɓikiy mbele mingiɓi taŋ na ya.

Ɓimezle ngi Yesu Kristu ZAŊ mitil di mi 4:14

Amma da mbur misa si yam, ya masa vulaŋ di na le na, yam anta sa gaŋ mata wãˀ. Yam ya masa vulaŋ di na, a sa tiri miviɗiviɗi ngi yam maɓul goŋ goŋ, mavulaŋ siifa ngi sete jaka.»

Ɓimezle ngi Yesu Kristu ZAŊ mitil di mi 7:39

Yesu a ɓi di i ɓi ngi ˀUf ngi Buymisemuŋ, mizli matiɓakaŋ masa lumakaŋ. Asi ti di nah na, ˀUf anta aruŋ, asi Yesu a lum dudok zleˀe t'aruŋ.

SLRA 1:4

Ngi pas numuŋ ada na, ara zumam ɗaf bumoˀ, a ɓa taŋ, anja ɓa a pulaka Zerusaleme ta, amma ɓa a kutukoko gwat Cine miɓa taŋ di di ɗaˀ tuwa. A ɓa taŋ: «I gwat kum micinaka, ya muɓukum di ti balam ɗu tuwaŋ.

SLRA 13:52

Amma mizli ngisi taŋhaya, taŋ ti mumul haɗi, yo taŋ ndus ndus ti ˀUf Mipal.

SLRA 9:31

Cikil ngi misikristuhoy misi angi hirwuy Yude, Galile ati Samari gar na, a roko zuy zuy, ara lumam gidaŋ, ara hinam hirnga a mbuŋ Bumbulvuŋ, mbele ˀUf Mipal majina taŋ, yo ara sikam nga mbuŋ nga mbuŋ.

ROMAHAY 14:17

Asi Zumabuy ngi Buymisemuŋ, i ɓi ngi gwat ngi zum malla gwat ngi si ta. Amma i gi gwat mijeŋŋe, ɓi ngi zuy, yo i ɓi ngi mumul, ˀUf Mipal mavula.

ROMAHAY 15:13

Anja Buymisemuŋ magukum ɓa ki njaham hiri njah na, a nihikum mevele ti mumul ati zuy ar kum mitiɓam na, ɓa njaha hiri kum na, a gi haɗa ti gidaŋ ngi ˀUf Mipal.

ROMAHAY 5:5

Njaha hiri na, anta gi gilaw da mbur ta, asi Buymisemuŋ a po wuɗavu naŋ le a mevel ndraˀahaya tisi ˀUf Mipal, naŋ muvula ndra di.

ROMAHAY 8:34

Mbur maga taŋ kiita gu, i waka? Anta wãˀ! Asi Yesu Kristu a muc le, yo mukuy wãˀ ma na, a slikiɗ le, naŋ da tir vay hazum ngi Buymisemuŋ, ara dir dibiɗ ar deɗe ndra.

GALATAY 5:22

Amma gwat ˀUf Mipal maya a hur mburo n'anihĩ: wuɗavu, mumul, zuy zuy, ɓusa ɓi, gimezle, mevel mezle, gi teŋteŋ,

FILIPIHEY 2:1

Jum kum ati Kristu na, ada vulukum gidaŋ kwa? Wuɗavu naŋ na, ada tusukum didak gidaŋ kwa? Kum ada jom ati ˀUf Mipala kwa? Kum ada wuɗam vu, yo kum ada puram ˀircece ar wala kumo kwa?

TESALONIKEY MUCUW NAŊ 2:16

Anja Buy ndra Yesu Kristu ti haŋ naŋ ati Cine ndra Buymisemuŋ muwuɗ ndra, naŋ mitisla ndra mevel tisi gi mezle naŋ ngi sete, yo naŋ mijina ndra ɓa i njaham hiri njah kuy kuy na,

HEBEREY 7:25

Vurˀe, Yesu, mizli makiraham ng'avu Buymisemuŋ tiseˀe na, a ndila le ngi laha taŋ wãˀ ngi sete, asi naŋ da ti siifa ndrehhe ngi tumbulo Buymisemuŋ ar deɗe taŋ.

ZAŊ MUDUMBUŊ NAŊ 2:1

Ziri ɗuwoy, ya matuhukum ɗerewol hana na, ɓa ki gam mungra ta. Amma da a sa ndilo le avu mburo, a gi mungra le na, ndr'ada ti mbur mijiniˀis asi ndra a mbuŋ Cine ndra. I Yesu Kristu, mbur mijeŋŋe.

ZAŊ MUDUMBUŊ NAŊ 2:27

Amma kumo, ˀUf Kristu muvulukum di na, naŋ da a hur kumo. Kum anta ti may ngi mbur ngi dubunukum gwat ta. Vur mike na, ˀUf Mipala, gwat gar, naŋ madubunukum di na, naŋ jeŋŋe, ko slir anta anga ta. Ndiram jom ati ˀUf Mipala so. Asi mike na, a dubunukum gwat le.

ZAŊ MUCUW NAŊ 1:2

Asi mike na, ɓi mikaslsla, naŋ da a hur ndra, yo naŋ da a ndir avu ndra ngi samadin.