Ɓimezle ngi Yesu Kristu ZAŊ mitil di mi 14:13 - Bible en langue guiziga

¹³ Ko mike gar, kum misa cufuɗam le ti slimiɗ ɗu na, i sa gaŋ, ɓa Cine a lum gi dudok tisi naŋ mujum ati Mangala.

Ɓimezle ngi Yesu Kristu ZAŊ mitil di mi 14:13 ပူးပေါင်းရင်းမြစ်များ

Matiye 21:22

Gwat kum masa cufuɗam gar ar dira dibiɗ ti tiɓi na, kisa lumakaŋ.»

Matiye 7:7

«Cufuɗam gwat, a sa vulukum. Sipam gwat, kisa lumam. Tilam mi ngi hay, a sa wunukum mizlingre.

Mark 11:24

Vurˀe, yi ɓukum na: Gwat gar kum macufuɗam ar diradibiɗ na, tiɓaka, kite ki lumaka le si, a sa vulukum gwat nah vuna.

Ɓimezle ngi Yesu Kristu LUK mitil di mi 11:9

Naŋ kine, yi ɓukum na: Cufuɗam gwat, a sa vulukum, sipam gwat, kisa lumam, tilam mi ngi haya, a sa wunukum mizlingre.

Ɓimezle ngi Yesu Kristu ZAŊ mitil di mi 10:30

Ya ati Baha, ndra purla.»

Ɓimezle ngi Yesu Kristu ZAŊ mitil di mi 12:44

Angi nah na, Yesu a til mi: «Mbur matiɓiy na, a tiɓi di i ya ta, amma i mbur mislino ya.

Ɓimezle ngi Yesu Kristu ZAŊ mitil di mi 13:31

Ti Yudas mibi put si na, Yesu a ɓi: «Wurenna Mangal ngi mbur a lum dudok le, yo Buymisemuŋ kwana, a lum dudok le aseˀe ya.

Ɓimezle ngi Yesu Kristu ZAŊ mitil di mi 14:14

Da ki ra cufuɗam gwat avu ya ti slimiɗ ɗu na, i sa gaŋ.

Ɓimezle ngi Yesu Kristu ZAŊ mitil di mi 14:6

Yesu a ɓaŋ: «Yi jiviɗ, yi ɓi mikaslsla, yo yi siifa. Ko mbur maru ng'avi Baha gu anta, sey a bi ti vi ya.

Ɓimezle ngi Yesu Kristu ZAŊ mitil di mi 15:16

I kum miwinikiy ta, amma i ya muwunukum. Yi slinukum ɓa ki ram, ki ra yam zingaˀa, zingaˀ mazik haɗa. Naŋ kine, gwat gar kum misa cufuɗam le avu Baha ti slimiɗ ɗu na, a sa vulukum di.

Ɓimezle ngi Yesu Kristu ZAŊ mitil di mi 15:7

Da kum ada jom ati ya, yo mingiɓi ɗu kwana, naŋ da hur a kumo na, kum misa cufuɗam gwat kum mawuɗam le gar na, kisa lumam.

Ɓimezle ngi Yesu Kristu ZAŊ mitil di mi 16:23

Naŋ kine, tapasa, kum anta sa cufuɗam ɓi neˀ avu ya mata. Gisiŋ gisiŋ, yi ɓukum na: da ki ra cufuɗam gwat avu Baha ti slimiɗ ɗu na, a sa vulukum di.

Ɓimezle ngi Yesu Kristu ZAŊ mitil di mi 16:26

Tapasa, ɓa yi ɓukum: i sa tumbulo Baha vur kum na, i ɓukum ta. Ki sa cufuɗaka Baha ti slimiɗ ɗu.

Ɓimezle ngi Yesu Kristu ZAŊ mitil di mi 16:7

Ani wurenna, i ra ɓukum ɓi mikaslsla wãˀ: ya macuh le na, i jiŋ kum. Naŋ kine, da yi cuh ta na, naɓa Mijiniˀis kumo, naŋ anta sa so ng'avu kumo ta. Amma da yi cuh le jak na, i sa slinukum di.

Ɓimezle ngi Yesu Kristu ZAŊ mitil di mi 4:10

Yesu a mbiɗaŋ di: «Anja da ki si na gwat Buymisemuŋ mavula le, yo da ki si na mbur hana maɓuw: ‹vuliy yam ngi si vuna le zleˀe› na, anja ani i ka macufuɗaŋ, ɓa a vuluw yam maɓul goŋ goŋ jaka.»

Ɓimezle ngi Yesu Kristu ZAŊ mitil di mi 4:14

Amma da mbur misa si yam, ya masa vulaŋ di na le na, yam anta sa gaŋ mata wãˀ. Yam ya masa vulaŋ di na, a sa tiri miviɗiviɗi ngi yam maɓul goŋ goŋ, mavulaŋ siifa ngi sete jaka.»

Ɓimezle ngi Yesu Kristu ZAŊ mitil di mi 5:19

Dar Yesu a mbiɗa taŋ di: «Gisiŋ gisiŋ, yi ɓukum na: Mangala, naŋ anta gi gwat ko loŋ ti hirnga naŋ gu ta, amma sey a gi di i gwat naŋ mapura avu Cine. Asi gwat Cine maga na, Mangala, a ga kanah vuna ya.

Ɓimezle ngi Yesu Kristu ZAŊ mitil di mi 7:37

Hin ngi kiɗa mi ngi muguzlum wãˀ na, i hin mufuna mekelemey gar. Yesu a slikiɗ deŋ, a zla a til mi ti gidaŋ, a ɓi: «Ko wa gar, da yam ara gaŋ na, anja a so ng'avi ya, a si.

KORENTIHEY MUDUMBUŊ 14:13

Vurˀe, mbur maɓi ti mi manja sin na, sey a cufuɗa Buymisemuŋ ɓa a vulaŋ sin ngi mbiɗa pulaˀavra naŋ.

EFESEY 2:18

Yudehey ati Yudehey ta na, ndra gar ndra makraham gweˀ ng'avi Cine ndra gu na, mbele Kristu ti jini ngi ˀUf Mipal nah vuna.

EFESEY 3:12

Ar ndra mujom ati Kristu, yo tisi ndra matiɓakaŋ na, jiviɗ ada baŋ a mbuŋ ndra ɓa i kiraham ng'avu Buymisemuŋ, manja zluwun ko neˀ.

EFESEY 3:14

Vurˀe, i ra huruk huruk ti poprok a mbuŋ Cine ndra.

FILIPIHEY 4:13

Ko mike gar na, i ɓusa gu, asi Kristu matiri ti ya gidaŋ gidaŋ.

KOLOSOY 3:17

Gwat zliv kum magaka gu ati ɓi kum maɓaka gu gar na, gaka ti slimiɗ ngi Buy ndra Yesu, ti ga sise da Cine ndra Buymisemuŋ ti seˀeŋ.

HEBEREY 13:15

Hunumukum Buymisemuŋ ndrehhe, kaɓa i gi mikuli ndra tisi Yesu, mbiɗeˀvra: zila slimiɗ naŋ ti mingiɓi ngi balam ndra.

HEBEREY 4:15

Asi mike na, masay madiɗa a mbuŋ Buymisemuŋ ndra, a ndila le ngi si bonoy asi hĩhĩy ndra. Vur a zlir ti tikiney le wal wal haɗi kaɓa ndra vuna ya, amma naŋ a gi mungra ko neˀ ta.

HEBEREY 7:25

Vurˀe, Yesu, mizli makiraham ng'avu Buymisemuŋ tiseˀe na, a ndila le ngi laha taŋ wãˀ ngi sete, asi naŋ da ti siifa ndrehhe ngi tumbulo Buymisemuŋ ar deɗe taŋ.

Ɗerewol ZAK 1:5

Amma da mbur a wuzla kumo, sinmijileŋ a kicaŋ le na, anja a cufuɗ avu Buymisemuŋ masa vulaŋ di. Asi Buymisemuŋ a vul gwat da mizli gar ti gula ti hazum, manja mbiɗi hirnga.

Ɗerewol ZAK 5:16

Da ki wuɗam le ɓa ki mbulom na, anja mbur gar a njika mungra naŋ da cala, yo mbur gar a dir dibiɗ vur cala. Diradibiɗ ngi mbur mijeŋŋe na, naŋ ti gidaŋ haɗi.

PIYER MUDUMBUŊ NAŊ 2:5

Kumo kwana, kirohoko, kum i ɗugur misi titirihey, ɓa a ndiram ti kum hay ngi ˀUf Mipal, ɓa ki tiram mijiviɗey, ngi gaŋ mikuli maciraŋ hiri tisi Yesu Kristu.

ZAŊ MUDUMBUŊ NAŊ 3:22

Yo ko mike gar, ndra mucufuɗam le ava na, a vula ndra di, asi i ra jaka ɓimuɗuva ngi Buymisemuŋ a hirnga, yo i ra gam gwat maciraŋ hiri.

ZAŊ MUDUMBUŊ NAŊ 5:14

Ndra macicam a mbuŋ Buymisemuŋ manja zluwun na, asi da i ra cufuɗam gwat avu naŋ kaɓa naŋ mawuɗ na, ada cine ndra di.