Ɓimezle ngi Yesu Kristu ZAŊ mitil di mi 14:12 - Bible en langue guiziga

¹² Gisiŋ gisiŋ, yi ɓukum na: mbur matiɓiy na, a sa ga slra ya maga taŋ na ya. A sa gi slra madiɗa mifineˀ tayna ma jaka, asi i ra ru le ng'avi Baha.

Ɓimezle ngi Yesu Kristu ZAŊ mitil di mi 14:12 ပူးပေါင်းရင်းမြစ်များ

Matiye 21:21

Yesu a mbiɗa taŋ di: «Gisiŋ, yi ɓukum na: da kum ada ti tiɓi, kum anta wulkam cuw cuw ta na, kisa gam di i gwat ya miga da uruf hana tew ta, amma ko ki ɓaka muwã hana le: ‹Budugur ti kẽh, ara diɗ angi mubuliy› kwana, a sa gi si.

Mark 11:13

A pur ˀuruf kileŋ, miɗiɗi le tukuf, aru nga pura da zliv a lum yi avaˀa kwana. Amma ti naŋ mindil ava na, a lum sey kalaf tewle, asi i hin ngi yi ngi ˀuruf t'aruŋ.

Mark 16:17

Puraka ɗi, mizli masa tiɓam na, a sa gam cekenehey ani: a sa ɓulam setenehey, a sa ɓam ti mi manawayaŋ,

Ɓimezle ngi Yesu Kristu ZAŊ mitil di mi 14:28

Ki cinaka le, yi ɓukum: ‹I ra cuh le, yo i sa mo ng'avu kum.› Da kum ada wuɗikiy zleˀe na, anja ani ki mumulom le ti ru ɗu ng'avi Baha na, vur Baha i madiɗa fineˀ ya.

Ɓimezle ngi Yesu Kristu ZAŊ mitil di mi 16:7

Ani wurenna, i ra ɓukum ɓi mikaslsla wãˀ: ya macuh le na, i jiŋ kum. Naŋ kine, da yi cuh ta na, naɓa Mijiniˀis kumo, naŋ anta sa so ng'avu kumo ta. Amma da yi cuh le jak na, i sa slinukum di.

Ɓimezle ngi Yesu Kristu ZAŊ mitil di mi 4:37

Mizli ndrahay maɓam: ‹Mbur mekelem a zligi, mbur numuŋ a gi sifi naŋ› na, naŋ kaslsla gisiŋ.

Ɓimezle ngi Yesu Kristu ZAŊ mitil di mi 5:20

A mbiɗeˀvra: Cine a wuɗ Mangala, yo a bigaŋ gwat naŋ maga gar. A sa bigaŋ slra madiɗa mifineˀ tayna ma, hã a sa zumukum hirnga.

Ɓimezle ngi Yesu Kristu ZAŊ mitil di mi 7:33

Yesu a ɓi: «Yi zik ati kumo neˀ aruŋ ɗagay, a dirba nah, i sa ru ng'avu mbur mislino ya.

Ɓimezle ngi Yesu Kristu ZAŊ mitil di mi 7:39

Yesu a ɓi di i ɓi ngi ˀUf ngi Buymisemuŋ, mizli matiɓakaŋ masa lumakaŋ. Asi ti di nah na, ˀUf anta aruŋ, asi Yesu a lum dudok zleˀe t'aruŋ.

SLRA 10:46

Asi mike na, ara cinam mizli tayna tuwa ara ɓam ti mi taŋ misinaka ta, ara hunumaka Buymisemuŋ Mimadiɗa. Dar Piyer a zla a ɓi:

SLRA 16:18

A zla ɓi nah, a zla ɓi nah, hã a gi di hin mbeˀ mbeˀe. A funa gidaŋ le da Polo, hã a mbiɗi, a ɓa setene tuwa: «Yi ɓuw ti slimiɗ ngi Yesu Kristu, bi ti vu zuŋ hana!» Angi nah vuna si na, setene a bi le.

SLRA 19:12

hã mizli a zuɓaka kecekece ngi puya liriɓi, malla zana muwusa Pol le duk gar, ɓa a soŋhoko taŋ da misi jijiheye. Dar jiji a muɗ mi tivi taŋ, yo setenehey a bam tivi taŋ.

SLRA 2:33

Buymisemuŋ a ga Yesu le ɗongor tir vay hazum naŋ. ˀUf naŋ Mipal, naŋ miɓa ɓi naŋ ɗaˀ le tuwa, a lumo di le tivi Cine, naŋ kwana a slino di le nga hirnga ndra. Kum mapuraka ati kum macinaka wurenna na, i nah.

SLRA 2:41

Mizli mitiɓaka mingiɓi naŋ gar na, a cam ar yam. Angi hin nana, gwat ngi mizli durmuk makir mujumoko ng'avi taŋ.

SLRA 4:16

a ɓam: «I sa gaka mizli tayna mbri kpak ka? Asi mike na, cekene mubudas hana, migaka i taŋ gisiŋ, Zerusalemey gar a sinaka le. I jam di mi gu mata.

SLRA 4:33

Mislineye, a gaka sedewo ngi slikiɗ ngi Buy Yesu ti gidaŋ jak. Buymisemuŋ a ga taŋ mezle wal wal haɗa gar taŋ.

SLRA 4:4

Amma a wuzla mizli micinaka mingiɓi ngi misliney tuwa, mizli haɗi a tiɓaka le. Taŋ jom gar, a gam gwat ngi mizli durmuk zlum gu.

SLRA 5:15

Vurˀe, ara boko ti misi jijihey nga ciki jiviɗi, a hinaka taŋ angi arngawo ati kitihiney, ɓa Piyer masa cuh na, ko susuɗuk naŋ a sa ru zuwun zuwun angi mekelemey a wuzla taŋ.

SLRA 6:7

Mingiɓi ngi Bumbulvuŋ ara ndih ti gidaŋ, mizli ngisi Yesuhoy a Zerusaleme, ara sikam haɗi haɗi. Masayay haɗa, ara tiɓaka ɓi misenna.

SLRA 8:7

Asi mike na, setenehey haɗi, a bam ti hirnga mizli, a wudam ti gidaŋ, yo mizli mihilɓahay ati misi blehey haɗi a ɗiyam le.

SLRA 9:34

Joˀ Piyer a ɓaŋ: «Ene, i Yesu Kristu maɗiyuw. Slikiɗi, ɗiya cacala ɗike ti haŋ ɗike.» Angi nah si na, Ene a slikiɗ pirtaˀ.

SLRA 9:40

Piyer a bi ti mizli gar ng'avra, a huruk huruk a ruwuy, a dir dibiɗ. Dar a mbiɗi ng'avi vagay ngi ngwas tuwa, a ɓaŋ: «Tabita, slikiɗi!» Tabita a wuna hiri, naŋ mupura Piyer na, a slikiɗ joˀ.

ROMAHAY 15:19

yo tisi gidaŋ ngi cekenehey, gwat migam ɗaˀ tahay waɗ tisi gidaŋ ngi ˀUf Mipal. Naŋ kine, zle a Zeruzaleme, i ru gun gun ti tila mi ti Ɓimezle ngi Kristu kuy kuy wãˀ, hã sesẽŋ angi hirwuy Iliri.