Ɓimezle ngi Yesu Kristu ZAŊ mitil di mi 14:1 - Bible en langue guiziga

¹ Yesu a ɓa mizli ngi seˀeheye: «Anja didak a muɗukum ta. Tuɓaka Buymisemuŋ, yo tiɓikiy ya aya.

Ɓimezle ngi Yesu Kristu ZAŊ mitil di mi 14:1 ပူးပေါင်းရင်းမြစ်များ

DIMISEY 43:5

Ki lik vur mike, membezleŋ ngi vu ɗu? Ki niˀic ar ya vur mike? Zuwen ɗuva wuluko taˀ ar Bumbulvuŋ! Haˀaw, i sa gaŋ muguzlum ava ma. Naŋ milih ɗu, yo i Bumbulvuŋ ɗu ma.

DIMISEY 77:10

Buymisemuŋ a ga ndra mezle mata, a puyuk hirnga le wãˀ sukwa? Naŋ miji mevel na, anta wuluk ar ndra mata sukwa?

EZAYI 26:3

Buymisemuŋ, ki cici le zlak, ki ra vula zuy da sukwi ngi mizli, asi a vulukuw mevel taŋ le da ka.

ZEREMI 8:18

Slalak ngi tika lik ɗu anta, ara giriy a mevele haɗa.

Ɓimezle ngi Yesu Kristu ZAŊ mitil di mi 11:33

Yesu mupura Mariya ati Yudehey musoko aseˀe tuwa matuwam na, a jijik, a gaŋ lesle welele.

Ɓimezle ngi Yesu Kristu ZAŊ mitil di mi 12:27

«Wurenna, membezleŋ ngi dumvu ɗu ara muɗiy, i sa ɓi mbrike? Baha, lihiy ar pas ngi bonoy hana kini kwa? Amma, ani yi so hĩˀĩ vurˀe ma.

Ɓimezle ngi Yesu Kristu ZAŊ mitil di mi 12:44

Angi nah na, Yesu a til mi: «Mbur matiɓiy na, a tiɓi di i ya ta, amma i mbur mislino ya.

Ɓimezle ngi Yesu Kristu ZAŊ mitil di mi 13:19

I ɓukum di wurenna muduba, dumbuŋ angi gwat masa gi, yo da naŋ misa gi le na, kisa tiɓaka, i ya misi Ya yahha tuwa.

Ɓimezle ngi Yesu Kristu ZAŊ mitil di mi 16:24

Hã wurenna, ki cufuɗam gwat neˀ le ti slimiɗ ɗu ta. Cufuɗam, kisa lumam, hã mumul kum a sa gi i mumul mikaslsla wãˀ.

Ɓimezle ngi Yesu Kristu ZAŊ mitil di mi 16:3

A sa gam kahana, asi a sinaka Baha ta, ko a sinikiy ya ta ma.

Ɓimezle ngi Yesu Kristu ZAŊ mitil di mi 16:6

Ya muɓukum di na, ki ra likam haɗa haɗa a mevel kumo.

Ɓimezle ngi Yesu Kristu ZAŊ mitil di mi 5:23

ɓa mizli gar a ɗuvaka hirnga da Mangala ka taŋ maɗuvaka da Cine. Mbur maɗuva hirnga da Mangala ta na, naɓa anta ɗuva da Cine mislino di vuna ta ya.

Ɓimezle ngi Yesu Kristu ZAŊ mitil di mi 6:40

Asi gwat Baha mawuɗ na, n'anihĩ: Ko wa gar mupura Mangala le, yo mitiɓaŋ le na, anja a lum siifa ngi sete, angi hin ngi dirba na, yi sa slikiɗaŋ ti wuzla mumucahaya.»

KORENTIHEY MUCUW NAŊ 2:7

Wurenna so na, gakaŋ mezle muduba so, yo tislakaŋ mevele, ɓa a lum ndurɓo hiri mifineˀ gidaŋ, masa zizaŋ njaha hiri naŋ na ta.

EFESEY 1:15

Vurˀe, ya kwana, zle ti ya micina kum mitiɓaka ɓi ngi Buy Yesu, yo kum mawuɗam mitiɓihey gar na,

TESALONIKEY MUCUW NAŊ 2:2

da ko mbur a ɓukum le: hin ngi so ngi Yesu a ndilo le kwana, anja ki pulaka lesl kum a hiryi kutum kine ta, ko ki zluwunam ta. Mudum ta na, mbur mekelema ɓukum le, kaɓa i Buymisemuŋ minjikaŋ di, malla ko a tulukum di mi le ti til, malla ko a ɓukum le, kaɓa i tohoko ɓi naŋ le angi ɗerewol kwani.

PIYER MUDUMBUŊ NAŊ 1:21

Kum matiɓaka Buymisemuŋ na, mbele naŋ, naŋ mislikiɗaŋ ti wuzla mumucahay, yo muvulaŋ dudok, hã tiɓi kum ati njaha hiri kum, a cici angi Buymisemuŋ.