Ɓimezle ngi Yesu Kristu ZAŊ mitil di mi 13:4 - Bible en langue guiziga

⁴ Yesu a slikiɗ tir li zuma ɗafa, a cuko zana naŋ madiɗa avra, a zuɓ zana ngi is, a juwa wak a virzi.

Ɓimezle ngi Yesu Kristu ZAŊ mitil di mi 13:4 ပူးပေါင်းရင်းမြစ်များ

BUYOY MUCUW NAŊ 3:11

Akẽh na, Zozafat a ɓi: «Mijiviɗ ngi Buymisemuŋ anta aka takwa? Anja ɓa zliv i ra cufuɗaka Buymisemuŋ ava.» Mbur purla a wuzla gawla ngi buy Israyel a mbiɗaŋ di: «Mbur ada aka, i Elize, mangal ngi Safat, i gawla ngi si mevel ngi Eli zleˀe.»

Ɓimezle ngi Yesu Kristu LUK mitil di mi 12:37

Gawla tayna, da buy taŋ a ndilo le, a sa luuma taŋ le titiri na, a mumulom! Gisiŋ, yi ɓukum na: A sa ka zana ngi slra, a sa cifa taŋ jojoˀ ngi zuma gwat, joˀ naŋ a so taŋ ti gwat ngi zumo.

Ɓimezle ngi Yesu Kristu LUK mitil di mi 17:7

Mburo, da naŋ da ti gawla naŋ mahuvaŋ ar guva malla majiginaŋ ginewey, da naŋ mumo le ti ɓuh na, a ɓaŋ: ‹Aru kutum, ara zum gwat› si na, i wa a wuzla kumo ka?

Ɓimezle ngi Yesu Kristu LUK mitil di mi 17:8

Amma a sa ɓaŋ jak na: ‹Diy ɗaf, yo ka zana ngi slra ɓa ki siy ti gwat ngi zum, i sa zum, i sa si. A dirba nah, ka kwana, kisa zum, kisa si aya› takwa?

Ɓimezle ngi Yesu Kristu LUK mitil di mi 22:27

Naŋ kine, mbur mujoˀ mazum gwat waɗ mbur masaŋ di na, madiɗa asi taŋ, i waka? I mbur mujoˀ mazum ti zum na takwa? Amma ya a wuzla kumo kaɓa gawla ngi mbur.

Ɓimezle ngi Yesu Kristu ZAŊ mitil di mi 13:12

A dirba Yesu mikiɗa mi ngi buna taŋ saraya na, a ka zana naŋ madiɗa tuwa a muŋ, a cifi ng'ar li zuma ɗafa, a ɓa taŋ: «Gwat ya mugukum di hana, ki slaka wala naŋ le kwa?

KORENTIHEY MUCUW NAŊ 8:9

Naŋ kine, mezle ngi Buy Yesu Kristu miga ndra di na, ki sinaka le: naŋ misi zlili zleˀe na, a tiri misi murga vur kum, ɓa a gukum zlili ti murga naŋ na.

ZAŊ MUDUMBUŊ NAŊ 3:11

Ɓi kum micinaka zle angi zli virzi naŋ na, n'anihĩ: anja i wuɗam vu ar wala ndra.