Ɓimezle ngi Yesu Kristu ZAŊ mitil di mi 13:34 - Bible en langue guiziga

³⁴ «I ɗuvukum ɓi manawayaŋ ani: wuɗam vu ar wala kumo. Anja sey ki wuɗam vu ar wala kumo, kaɓa ya muwuɗukum na ya.

Ɓimezle ngi Yesu Kristu ZAŊ mitil di mi 13:34 ပူးပေါင်းရင်းမြစ်များ

DIMISEY 119:63

Mizli mazluwunam ti ka gar, yo gwat ka mawuɗo, taŋ majaka a hirnga na, yi ngama taŋ.

LEVIHEY 19:18

Ki pulam cuwal ta, yo mbur ngisi ruwuy purla ati kum na, ki jakaŋ a kwacay ta. Sey mbur gar na, a wuɗ mbur cil naŋ kaɓa naŋ mawuɗ hirnga naŋ vuna. I ya Bumbulvuŋ.

LEVIHEY 19:34

Mbur moholoy nah na, anja ki gam di kaɓa i zuŋ ngi hay jaka, kaɓa i mbur ngi wuzla kum, yo sey ki wuɗakaŋ kaɓa ka mawuɗam vu kum vuna. Asi kum vuna kwana, ki cifam moholoyoy le zleˀe angi hirwuy Ezipte ya. I ya Bumbulvuŋ, Buymisemuŋ kum.

Matiye 5:44

Amma ya i ɓukum na: wuɗam mesene kumoy, mizli masupukum nder nder na, diram dibiɗ vur taŋ,

Ɓimezle ngi Yesu Kristu ZAŊ mitil di mi 15:17

Ɓimuɗuva ya ɓukum di na, i wuɗavu ar wala kum.

Ɓimezle ngi Yesu Kristu ZAŊ mitil di mi 17:21

Anja taŋ gar a tiram purla kaɓa ka Baha, ka mujom ati ya, ya kwana, ya mujom ati ka na ya. Anja taŋ kwana, a ndiram jom ati ndra ya, ɓa duniya a tiɓa i ka mislino ya.

ROMAHAY 12:10

Anja ki wuɗam vu haɗa ar wala kumo kaɓa sukumuŋhoy mawuɗam vu ar wala taŋ. Hurdumom hirdam, anja ko wa gar a ɗuva hirnga da cala.

ROMAHAY 13:10

Mbur mawuɗ mbur cil naŋ na, anta gaŋ malambaˀ ko neˀ ta. Vurˀe, mbur mawuɗ vu na, a gi di i gwat ɓimujuwa mawuɗ gar wãˀ.

ROMAHAY 13:8

Anja ki ndiram ti duvus ngi mbur ko loŋ a hirnga kumo ta. Sey duvus ngi wuɗavu ar wala kum tewle si. Asi mbur mawuɗ mbur cil naŋ na, a ga gwat ɓimujuwa mawuɗo le wãˀ.

GALATAY 5:22

Amma gwat ˀUf Mipal maya a hur mburo n'anihĩ: wuɗavu, mumul, zuy zuy, ɓusa ɓi, gimezle, mevel mezle, gi teŋteŋ,

GALATAY 5:6

Asi avu mbur mujum le ati Yesu Kristu na, da ko a ci le a mizawa, malla ko a ci ta kwana, i gwat mupuɗaw ta. Amma gwat mupuɗawa, sey tiɓi mabigi ti wuɗavu.

GALATAY 6:10

Naŋ kine so, da ndra mulumam haŋ le gar na, gukum mezle avu mizli gar, wãˀ naŋ na, avu sukum ndra mitiɓihey.

GALATAY 6:2

Jinam vu ti jijira gwat ar wala kumo. Kahana na, naɓa ɓimujuwa ngi Kristu na, ki gaka le.

EFESEY 5:2

Wuɗam vu ar wala kum ar joˀ kumo, kaɓa Kristu muwuɗ ndra na. A vula hirnga naŋ ti haŋ naŋ da Buymisemuŋ vur ndra, ka gwat muvula ngi gi mikuli mazĩˀĩ ndum haɗa, macira hiri da Buymisemuŋ.

KOLOSOY 1:4

Asi mike na, kum mitiɓaka Yesu Kristu, yo kum mawuɗam mizli ngi Buymisemuŋhoy gar na, i cinaka ɓi nah le,

TESALONIKEY MUDUMBUŊ NAŊ 3:12

Kum mawuɗavu ar wala kum, yo kum mawuɗam mizli gar na, anja Bumbulvuŋ a ska ng'amkbuŋ nga mbuŋ. Anja ki wuɗam vu kaɓa ndra muwuɗukum na ya.

TESALONIKEY MUCUW NAŊ 1:3

Sukum ndra misikristuhoy, sey i gaka sise da Buymisemuŋ ndrehhe vur kumo. A zlir le kanah gisiŋ, vur tiɓi kumo, ara sik nga mbuŋ nga mbuŋ, yo wuɗavu misi ar wala kum na, ara sik a mevel kumo purla purla gar.

HEBEREY 13:1

Ndiram ti wuɗavu ar wala kumo, kaɓa sukumuŋ misikristuhoy.

Ɗerewol ZAK 2:8

Ɓimujuwa a ɓi: «Wuɗ mbur cil ɗike, kaɓa ka mawuɗ vu ɗiki.» Da ki ra gam kanah na, naɓa ki gam di i gwat mezle.

PIYER MUDUMBUŊ NAŊ 1:22

Kum magaka gwat, ɓi mikaslsla maɓa na, kite ki ɗiyaka musuɗuk ngi vu kumoyo le, ɓa ki wuɗam sukum kumoyo ti kwacay cuw cuw ta. Hurdumom ngi wuɗavu ar wala kumo ti mevel purla so.

PIYER MUCUW NAŊ 1:7

Ngar sipi si na Buymisemuŋ, coko ji ngama ngi sukumuŋhoy, waɗ ng'ar ji ngama ngi sukumuŋhoyo kwana, coko wuɗavu.

ZAŊ MUDUMBUŊ NAŊ 3:11

Ɓi kum micinaka zle angi zli virzi naŋ na, n'anihĩ: anja i wuɗam vu ar wala ndra.

ZAŊ MUDUMBUŊ NAŊ 3:23

Ɓimuɗuva naŋ, n'ani: i gumbaˀam ng'avi Mangal naŋ Yesu Kristu ti tiɓi, yo i wuɗam vu ar wala ndra kaɓa Kristu miɓa ndra di ɗaˀ le.

ZAŊ MUDUMBUŊ NAŊ 4:21

Ɓimuɗuva ngi Kristu muvula ndra di, n'ani: mbur mawuɗ Buymisemuŋ na, anja a wuɗ sukum naŋ ya.

ZAŊ MUCUW NAŊ 1:5

Na, wurenna so na maˀãy ɗu, wuɗukum vu ar wala ndra. Ya matuhuw di hana, i ɓimuɗuva nawaya ta, i ɓi misi ndra mulumaka zle ar zlivirzi naŋ na.