Ɓimezle ngi Yesu Kristu ZAŊ mitil di mi 13:14 - Bible en langue guiziga

¹⁴ Ani wurenna, da ya Kumani, yo ya Buy tuwa, yi bunukum saraya le na, anja kumo kwana, sey ki bunam sar ngi cil kumoy aya.

Ɓimezle ngi Yesu Kristu ZAŊ mitil di mi 13:14 ပူးပေါင်းရင်းမြစ်များ

Ɓimezle ngi Yesu Kristu ZAŊ mitil di mi 11:2

I Mariya mipa urdi da sar ngi Buy Yesu, yo naŋ mutukuɗaŋ di ti himac hirnga zleˀe tuwa. Lazar misi jiji na, i sukum naŋ.

SLRA 20:35

Buy Yesu ti hirnga naŋ a ɓi: ‹Mbur mavul gwata, a mumul fine mbur mavulakaŋ gwat ti vulo.› Ɓa i wulkaka mingiɓi hana, yo ɓa i jinaka hĩhĩyahaya na, sey ti gi slra gǝr gǝr kahana, yi bugukum di le ar gwat gar.»

ROMAHAY 12:10

Anja ki wuɗam vu haɗa ar wala kumo kaɓa sukumuŋhoy mawuɗam vu ar wala taŋ. Hurdumom hirdam, anja ko wa gar a ɗuva hirnga da cala.

ROMAHAY 12:16

Nguɓam ˀay kuy kuy ar wala kumo. Anja ki huhumom vu kum ta, ko gwat ngi gi mupuɗaw ta kwana, tiɓaka, gaka si. Anja ki gam kaɓa kum i misi si na mijileŋhey ta.

KORENTIHEY MUDUMBUŊ 12:3

Vurˀe, i ɓukum na, da mburo, naŋ ti ˀUf ngi Buymisemuŋ na, ɓa a ɓi: «Yesu i minisa le» na, a ɓi ta. Yo da mburo, naŋ anta ti ˀUf Mipal ta na, ɓa a ɓi: «Yesu i Buy» na, a ɓi ta.

KORENTIHEY MUDUMBUŊ 8:13

Vurˀe, da gwat ngi zumo, a hizigiɗa sukum ɗu ng'ar mungra na, zuwen ya mazum useˀ mata wãˀ si, ɓa sukum ɗu a diɗ ng'ar mungra ta.

KORENTIHEY MUCUW NAŊ 10:1

I ya Pol ti hirnga ɗu maɓukum ti hina hirnga ati gi mezle ngi Kristu. Da y'ada a wuzla kum vuna hiti taˀ taˀ na, yi mbur muluɓ luɓ haɗi, amma da ya kileŋ avu kum na, yi mbur mutuwaˀ haɗi.

KORENTIHEY MUCUW NAŊ 8:9

Naŋ kine, mezle ngi Buy Yesu Kristu miga ndra di na, ki sinaka le: naŋ misi zlili zleˀe na, a tiri misi murga vur kum, ɓa a gukum zlili ti murga naŋ na.

GALATAY 5:13

Sukum ɗuwoy, kumo, Buymisemuŋ a zulu kum, ɓa ki lumam hirnga kum. Na so na, luuma hirnga kum na, anja a tiri i ɓi ngi ji mi, ɓa ki gam di gwat ngi dumvu kum mawuɗ ta, amma pulaka vu kumo da wuɗavu, ɓa ki jinam vu ar wala kumo.

FILIPIHEY 2:11

ɓa mizli gar a tilam mi, a ɓam: «Yesu Kristu i Bumbulvuŋ», ɓa ngi ga dudok da Cine ndra Buymisemuŋ.

TIMOTE MUDUMBUŊ NAŊ 5:10

Anja mizli a sinaka le, i ngwas magi slra mezle, a gila ziri naŋhaya le kuy kuy, a tiɓi mulakay le a hay naŋ, a bun sar ngi mitiɓihey le. Mizli muroko ar bonoyo, a jina taŋ le, a gi sukwi ngi gwat mezlehey le gar.

HEBEREY 12:2

Ɗuvukum hiri taˀ angi Yesu, maga ɓa i tiɓam na, zle avu zli virzi naŋ hã vu kiɗa mi naŋ. A ɓusa le ɓa a dirakaŋ angi dum mizliraŋ, manja mesem. Vur a ɗuva dibiɗ naŋ le taˀ angi mumul, muwakaŋ di vu, yo a cifi le joˀ tir vay hazum ngi janga ngi Buymisemuŋ.

PIYER MUDUMBUŊ NAŊ 4:1

Ani, ki sinaka le, Kristu a si bonoy le ar dumvu naŋ. Kumo kwana, juwam vu ngi si bonoy ti wuluk mupurla kaɓa nah ya. Mbur misi bonoy le ar dumvu naŋ na, a wunkam le ati mungra wãˀ,

PIYER MUDUMBUŊ NAŊ 5:5

Naŋ kanah ya, kum gawlahay, hinam hirnga a mbuŋ mizli micawwahaya. Ar jumoˀay kum gar ar wala kum na, kaka hina hirnga ɓaˀ avu vu ka zana, asi a tohoko na: «Buymisemuŋ a cici kaŋ kaŋ avu mizli mahuhumom vu hoyo, amma a ga mezle da mizli mahinam hirnga a mbuŋ naŋ.»