Ɓimezle ngi Yesu Kristu ZAŊ mitil di mi 12:40 - Bible en langue guiziga

⁴⁰ «Buymisemuŋ a hulufo taŋ le, a tir ti hirnga taŋ le gidaŋ, ɓa hiri taŋ a pur mata, ɓa mevel taŋ a sla wala ngi ɓi mata, anja a mbuɗoko ng'avi ya ta, vur ya maɗiya taŋ.»

Ɓimezle ngi Yesu Kristu ZAŊ mitil di mi 12:40 ပူးပေါင်းရင်းမြစ်များ

BUYOY MUDUMBUŊ NAŊ 22:20

Bumbulvuŋ a ɓi: ‹Masa tikina Akap ɓa ara zla kiɗa vu ati Ramot hirwuy Galaˀata, yo ɓa a kiɗaka vagay a diga na i waka?› Mbur gar, a zil mi pal avu ngi cala.

DIMISEY 147:3

I naŋ maɗiya mizli misi didak mamuɗa taŋ, a mbuza taŋ waˀahaya.

DIMISEY 41:4

Bumbulvuŋ ara jahaŋ jah angi naŋ mutup masi bonoyo, a ndir deŋ ti deŋ ar jiji naŋ.

DIMISEY 6:2

Bumbulvuŋ, giy kiita manja mevel, yo kutiy manja himaˀ.

BI NGI ISRAYELEY 10:1

Bumbulvuŋ a ɓa Moyise: «Ci ngi hay buy madiɗa ngi Ezipte, asi muwuɗ ɓa naŋ a cicam kaŋ kaŋ ati gawla naŋhay na, i ya, ɓa i ga gwat ngi zuma hirnga mabiga y'ada a wuzla taŋ.

BI NGI ISRAYELEY 11:10

Moyis ati Aroŋ a gaka gwat migam ɗaˀ tahay tayna le cek a mbuŋ buy Ezipte, amma Bumbulvuŋ a ga ɓa hirnga ngi buy Ezipte a tiri gidaŋ na si, ko a ngum pula Israyeley a bam tisi hirwuy naŋ ta.

BI NGI ISRAYELEY 14:17

Na ya, yi sa ga ɓa hirnga ngi Eziptehey a tiri gidaŋ, ɓa a cam ng'ar mubuliy a dirba kumo. Dar yi sa biga gidaŋ ɗu angi buy Ezipte ati mizli naŋhaya gar, angi mota ngi vurum naŋhay waɗ misi pilis naŋhay.

BI NGI ISRAYELEY 14:4

I sa ga ɓa hirnga ngi buy Ezipte a tiri gidaŋ, a sa supukum. Amma i sa biga dudok ɗu ava, ti ya masa ngizla taŋ ati soje naŋhay gar na, Eziptehey a sa sinaka yi Bumbulvuŋ.» Joˀ Israyeley a gaka kanah gisiŋ.

BI NGI ISRAYELEY 14:8

Bumbulvuŋ a ga ɓa hirnga ngi buy Ezipte a tiri gidaŋ, dar a sipa Israyeleye. Ti Israyeley mabam na, a waka zleˀe kaɓa a pulam vu le.

BI NGI ISRAYELEY 4:21

Bumbulvuŋ a ɓa Moyise na: «Ti ka mira mi le nga Ezipte na, pura ɗi! gwat migam ɗaˀ tahay, ya muvuluw gidaŋ ngi gi taŋ na, kisa ga taŋ a mbuŋ buy madiɗa ngi Ezipte. Yi sa gaŋ hirnga gidaŋ ɓa a ngum ta, yo ɓa a pula mizli ɗuwoy a ram ta.

BI NGI ISRAYELEY 7:13

Gar ti nah kwana, hirnga ngi buy Ezipte a ro gidaŋ na si, a cine mi da Moyis ati Aroŋ ta, kaɓa Bumbulvuŋ miɓa tuwa.

BI NGI ISRAYELEY 7:3

Amma ya, i sa ga ɓa buy Ezipte a tiri misi hirnga gidaŋ. I sa gi gwat mabugam gwatay ati gwat migam ɗaˀ tahay ti vendeke a hirwuy Ezipte.

BI NGI ISRAYELEY 9:12

Amma Bumbulvuŋ ara ga ɓa hirnga ngi buy Ezipte a tiri gidaŋ na si, a ngum cine mi da le Moyis ati Aroŋ ta, kaɓa Bumbulvuŋ miɓa ɗaˀ le Moyis tuwa.

EZAYI 26:11

Bumbulvuŋ, ki puka haŋ le pak ngbaŋ, t'anta puraka ta, amma ti taŋ masa puraka wirwir ɗik ngi cika vu ar mizli na, a sa pam mesem, vu mubula hĩˀĩ vur mesene ɗikeye, a sa zumataŋ.

EZAYI 29:10

Asi Bumbulvuŋ a pukum musuwun ngi gukum vu guluɓ guluɓ le. Kum mijiviɗey, a tuɗukum hiriheye le, kum mupur ti kleŋhey, a juwukum hirngahaya le.

EZAYI 53:5

Amma naŋ, a gakaŋ waˀa na, asi mungra ndrahay, a guzuvurakaŋ na, asi malambaˀ ndrahay. Kuti ti bonoy maso ndra ti zuyo, i naŋ muluma, ndra i mbulom le, asi naŋ mulum waˀa.

EZAYI 6:10

Ga ɓa mevel ngi mizli tayna a tiri gidaŋ, disla taŋ slimiɗeye, hulufo taŋ! Anja a puram ta, a cinam ta. Anja a slaka wala ngi gwata ta. Anja a mbiɗaka mevele ta, a mbulom ta.»

EZAYI 6:9

A ɓiy ma: «Aru, ɓa mizli: ‹Ki sa cinam kuy kuy ɓula, amma kum anta sa slaka wala naŋ ko neˀ ta, kisa puram kuy kuy ɓula, amma kum anta sa sinam gwat ko neˀ ta.›

ZEREMI 3:22

Kum ziri mupulaka sipi jiviɗi, moko! ɓa i vulukum slalak ngi sipi jiviɗe.» «Ndra ani! I ra mam ng'avi ka, haˀaw, Bumbulvuŋ Buymisemuŋ ndra, i ka!

ZEREMI 5:21

Cinaka ɓi ani so, kum mizli gilaw, manja lesley, hiri ada ngbaŋ, amma kum anta puram ta, slimiɗ ada ngbaŋ, amma kum anta cinam ta.

EZEKIYEL 12:2

«Ka mburu, ka micifi joˀ na, a wuzla sukwi ngi mislikiɗa ɓihey. Hiri ada avu taŋ ngi pur ngbaŋ, amma anta puram ta, slimiɗ ada ngi cin ngbaŋ, amma anta cinam ta, asi taŋ i sukwi ngi mislikiɗa ɓihey.

EZEKIYEL 14:9

Ko i mijiviɗ ɗu, da a pula vu naŋ, a tikinakaŋ le, a mbiɗa mingiɓi nah gisiŋ na, naɓa i ya Bumbulvuŋ mitikina mijiviɗ nah vuna. I sa zuɓa haŋ ng'araŋ, yi sa zizaŋ avra ti wuzla Israyel, mizli ɗuwoyo.

Ɗerewol OZE 14:4

Asiri anta a laha ndra gu ta, ndr'anta sa jiɗam ar pilise ta, yo da gwat ndra migaka taŋ le ti haŋ ndra na, ndr'anta sa ɓam: ‹i Buymisemuŋ ndra ta›, asi ka na, a puraka ircece da mutuhu tisi ka.»

Ɗerewol OZE 6:1

Dar kumo ki ɓam: «Soko, i mam ng'avu Bumbulvuŋ. Miga ndra waˀa i naŋ, yo masa mbulo ndra i naŋ vuna ma, a kiɗa ndra le, a sa mbuza ndra waˀahaya.

Matiye 15:14

Pulaka taŋ, i dangar miɗiɗa dangar cil taŋhay. Da dangar ara ɗiɗi dangar cil naŋ na, taŋ cuw taŋ a sa ndilam ng'ar vigiɗi.»

Mark 4:12

Vur ɓa, ko da ara puram hiri kwana, anta puram gisiŋ ta, ko da ara cinam kwana, anta slaka wala ngi ɓi ta. Vur taŋ masa mbiɗaka mevele, ɓa Buymisemuŋ a puya mungra taŋ avra!›»

Mark 6:52

Asi mike na, a slaka wala ngi cekene ngi ɗaf na ta, hirnga taŋ gidaŋ.

Ɓimezle ngi Yesu Kristu LUK mitil di mi 4:18

«ˀUf ngi Bumbulvuŋ naŋ da angi ya. Asi a winiy le ngi tila mi ti Ɓimezle da misi murgahay. A slino ya ɓa ngi tila mi ti ɓi ngi laha dangayay, ngi tila mi ti ɓi ngi wuna hiri ngi dangaray, ɓa ngi pula mizli masam bonoyo, ɓa a lumam hirnga taŋ,

Ɓimezle ngi Yesu Kristu LUK mitil di mi 8:10

Yesu a ɓi: «Ɓi muɗum vur Zumabuy ngi Buymisemuŋ na, a njukukum di le ɓa ki sinaka. Amma mizli mekelemeye, sey yi ɓa taŋ di weˀ ti wi, ɓa t'ada ngrimme ɓula, amma anta puraka ta, yo ɓa a cinam ti cin ɓula, amma anta slaka wala nah ta.

Ɓimezle ngi Yesu Kristu ZAŊ mitil di mi 12:39

A tiɓakaŋ gu ta, vur mike na, Ezayi vuna a ɓa le ma, a ɓi:

Ɓimezle ngi Yesu Kristu ZAŊ mitil di mi 9:39

Joˀ Yesu a ɓi: «Yi so ar duniya misenna ɓa ngi sli kiita, ɓa mizli mapuram tahay a puram, yo mapuramay kwana, a hulufom.»

SLRA 15:3

Cikil ngi misikristu ngi Antiyosoyo, a jinaka taŋ ti gwat ngi zuɓa mulaka. Ti taŋ macohom bal ti hirwuy Fenisi ati Samari na, a slufaka taŋ ɓi ngi mitiɓi ngi Derbeheye, a ɓaka taŋ: «Mizli Yudehey ta ngi digahaya, a mbuɗoko le ng'avi Buymisemuŋ.» Ɓi nah a vula taŋ mumul haɗi gar taŋ.

SLRA 28:26

Asi Ezayi a ɓi na: ‹A ra luuma mizli tayna, ɓa taŋ na: Ki sa cinam ti cin ngataraŋ, amma kum anta sa slaka wala ngi ɓi ta. Ki sa puram ti pur ngataraŋ, amma kum anta sa puram ta.

SLRA 3:19

Mbiɗaka mevel kumoyo so, moko ng'avi Buymisemuŋ, ɓa a puya mungra kumoy avra,

ROMAHAY 9:18

Naŋ kine, Buymisemuŋ a pur ˀircece da mbur naŋ muwuɗ le gar, yo mbur naŋ muwuɗ le ɓa a tiraŋ hirnga gidaŋ na, a tiraŋ di.

Slu cuw 29:4

A ngir ti kum wuzlaɓuh, hã vi kukur mufaɗ, ko zana kumoy a hiryam ta, yo tarak kumoy a hiryam a sar kumoyo ta.

ZOZUWE 11:20

Asi mike na, Bumbulvuŋ a juwa le a mevele, ɓa hirnga ngi mizli tayna a tiri gidaŋ. A ga kanah na, ɓa Israyeley a ngizlaka taŋ kuɗup, manja ircece, yo ɓa a ngizlaka taŋ, kaɓa Bumbulvuŋ miɓa ɗaˀ le da Moyis tuwa.