Ɓimezle ngi Yesu Kristu ZAŊ mitil di mi 12:32 - Bible en langue guiziga

³² Nga ya na, da a sa zuɓikiy le baɗ ti ruwuyo nga muŋ na, i sa ɗiɗa mizli gar ng'avi ya.»

Ɓimezle ngi Yesu Kristu ZAŊ mitil di mi 12:32 ပူးပေါင်းရင်းမြစ်များ

SAMUYEL MUCUW NAŊ 18:9

Neˀ na, Absalomo naŋ a mihiri ngi gawla ngi Daviteye. Absalomo, naŋ gilaˀ zleˀe ar zungu. Widis madidiɗa ada, mihaŋ naŋhaya slikac slikac arleˀe, waɗ zungu tuwa, ara ci ti Absalomo koh ti seˀeŋ. Akẽh na, hirnga ngi Absalom a ci kik a wuzla mihaŋ ngi widis madidiɗa tuwa, mbak Absalomo a ndir tindraŋ a muŋ. Amma zungu ngisi virizi naŋ, a cuh gwaɗ naŋ.

DIMIS MIMEZLE 1:4

Jiy haŋ kaw, kulukum cuwa. Buy ɗu ci ti ya nga viŋ ɗiki. Juɗukum mececẽleŋ, mumulukum asi mezle ɗik na. Gukum muguzlum ngi wuɗa vu ɗik mundum fineˀ mbaazla na. Ziri mongosohoy mawuɗam ka haɗa na, naŋ kaslsla.

EZAYI 11:10

Ti hin nah na, dideˀ ngi Zese a sa ndir kaˀ kaɓa drapo da mizli. Mizli gar a sa cufuɗam kuti ava. Dudok ngi Buymisemuŋ a sa wucuɗ ar li naŋ masa cifi ara.

EZAYI 49:6

A ɓiy: «Ɓa ki tiri gawla ɗu, ki mo ti Israyeley mindiram ti siifa, yo ɓa sukwi ngi Zakopo, ki slikiɗaŋ deŋ a muŋ na, i hana tewle ta. Amma yi cufuw le hĩˀĩ, ɓa ki tiri li minjaha ngi sukwi ngi mizli gar, yo ɓa ɓi ɗu ngi lahavu na, a ndil hã ar hirwuy mikiɗ mi.»

Ɗerewol OZE 11:4

I ra ɗiɗa taŋ ti mezle, kaɓa ji ngama ngi mbur titiraŋ, mujumo ndra ati taŋ i wuɗa vu. I gi ti taŋ, kaɓa mazuɓam zuŋ gaza gumbaˀ a didak, i vulaŋ gwat ngi zumo.

SLUFA VU 21:9

Moyis a ɗiyi kaw ti ɓiri gaza, a luwa law avu ɓamtal. Da kaw muhumbuɗ mbur le, a ɗuva hiri le avu kaw ngi ɓiri gaza nah na, a laha hutuŋ naŋ le.

Ɓimezle ngi Yesu Kristu ZAŊ mitil di mi 1:7

Naŋ a so i migi sedewo, ɓa a ɓa ɓi ngi li minjahha vuna, ɓa mizli gar a tiɓam ti seˀeŋ.

Ɓimezle ngi Yesu Kristu ZAŊ mitil di mi 12:34

Zigiduw a mbiɗaŋ di: «I cinam ar ɗerewol ngi ɓimujuwa na: Mesi a sa ndir caˀa. Na, ki ɓi: a sa zuɓaka Mangal ngi mburo nga muŋ mbri mbri maka? Mangal ngi mbur vuna i waka?»

Ɓimezle ngi Yesu Kristu ZAŊ mitil di mi 18:32

A gi kahana ɓa ɓi Yesu miɓa zleˀe na, a gi muduba. I ɓi naŋ mibiga taŋ wala ngi muc naŋ, naŋ masa muc di.

Ɓimezle ngi Yesu Kristu ZAŊ mitil di mi 19:17

Yesu ti haŋ naŋ a zuɓa dum naŋ mizlira, a bi, a ndil di angi li mazilaka guduguzluŋ hirngaŋ «Golgota» ti mi Hebere.

Ɓimezle ngi Yesu Kristu ZAŊ mitil di mi 3:14

Moyis a luwa kawa le ar dum a muŋ a wuzlaɓuh mikirɗak kirɗaka, naŋ kine, anja a luwaka Mangal ngi mbur a muŋ kanah ya,

Ɓimezle ngi Yesu Kristu ZAŊ mitil di mi 6:44

Ko mbur maso ng'avi ya gu anta, sey da Baha mislino ya muso di le far. Ya i sa slikiɗaŋ ti wuzla mumucahay ar hin ngi dirba wãˀ.

Ɓimezle ngi Yesu Kristu ZAŊ mitil di mi 8:28

Dar Yesu a ɓa taŋ: «Mangal ngi mburo, da kum misa zuɓaka le nga muŋ na, kisa sinaka i ya misi Ya Yahha na, yo y'anta gi gwat ngi mongoy ɗu ko neˀ ta, i ɓi di i ɓi Baha mudubuniy di.

GALATAY 3:13

Kristu a mbiɗa hirnga ndra le avu nis ngi ɓimujuwa. Naŋ vuna a tiri minisa le ar deɗe ndra. Naŋ kine, a tohoko na: «Ko wa gar midiraka le avu dum na, i minisa le.»

TIMOTE MUDUMBUŊ NAŊ 2:6

Naŋ, a vula hirnga naŋ le, ɓa ngi mbuɗo hirnga ngi mizli gar. Naŋ kine, Buymisemuŋ a wuɗ ɓa mizli gar a laham. A biga tisi Yesu Kristu muvula hirnga naŋ angi hin Buymisemuŋ misla na.

HEBEREY 2:9

Amma ndra mapurama, i Yesu mima hirnga naŋ nga ruwuy ngi hin neˀ avu modrohoyo, ɓa a si bonoy, a muc vur mizli gar tisi gimezle ngi Buymisemuŋ. Vurˀe, Buymisemuŋ a tuwuɗaŋ gi dudok ati gi ɗongoro le ka loppol.

PIYER MUDUMBUŊ NAŊ 2:24

Kristu ti haŋ naŋ, a zuɓa mungra ndraˀahaya le avu dumvu naŋ, angi dum mizliraŋ, ɓa i micam avu mungra ndraˀahaya, yo ɓa i cifam ti gi gwat mijeŋŋe. Kum mumbulom na, asi waˀa naŋhay na.

PIYER MUDUMBUŊ NAŊ 3:18

Asi mike na, Kristu ti haŋ naŋ, a muc is purla tewle vur mungra ngi mizli. Naŋ, mbur mijeŋŋe, a muc vur mizli migi gwat mijeŋ tahay, ɓa a sa bugukum da Buymisemuŋ. A kiɗaka le vagay ar dumvu naŋ, amma ˀUf Mipal, a mo di le ar siifa a muŋ.

ZAŊ MUDUMBUŊ NAŊ 2:2

Asi naŋ, i mbur muvula hirnga naŋ ngi gi mikuli a mbuŋ Buymisemuŋ ɓa ngi zuɓa mungra ndrahay avra. I mungra ngi ndrahay tew ta, amma vur mungra ngi mizli ngi duniya gar.

ƁIMUNJUYO 5:9

A zlam dimis nawaya ani: «Ki ndila le ter ngi tiɓa ɗerewolo, ɓa ngi turo sluruɓoyo. Asi a kuɗukuw le vagay zleˀe, yo ki mbiɗa hirnga ngi mizli le ti pumbus ɗiki, ɓa a ndiram da Buymisemuŋ. Mizli muboko tisi sukwi mitaˀ taˀ gar, maɓam mi wal wal ngi wuzla mizli, waɗ ngi wuzla sukwi ngi ruwuy gar.