Ɓimezle ngi Yesu Kristu ZAŊ mitil di mi 12:29 - Bible en langue guiziga

²⁹ Zigiduw misi akẽh micinaka na, a ɓam: «I ndisl ngi vuŋ.» Mekelemey a ɓam: «I modro miɓaŋ.»

Ɓimezle ngi Yesu Kristu ZAŊ mitil di mi 12:29 ပူးပေါင်းရင်းမြစ်များ

Ɗerewol JOP 40:9

Kˀada ti gidaŋ kaɓa ya Buymisemuŋ kwa? ˀAy ɗik ada cin ka buc nga ya Buymisemuŋ kwa?

BI NGI ISRAYELEY 19:16

Ngi miprik prik, ngi hin mimakir naŋ tuwa na, a cinam ndisl ngi vuŋ, ara wucuɗ, gazlavaya titim titim a hirnga muwã, waɗ a cinam tulum mazil mi. Mizli ngir walahaya gar a jijikam.

BI NGI ISRAYELEY 20:18

Israyeley gar a cinam vuŋ mandisl, waɗ ˀay ngi tulum, taŋ gar a puraka wucuɗ ngi vuŋ le, waɗ muwã mangisi, a zlaka a jijikam kirkir ti zluwuno, a cicam zar zar avu muwã.

EZEKIYEL 10:5

hã hurum ngi kirpasl ngi kerubeŋheye, a cin sesẽŋ a mamay, a cin kaɓa ˀay ngi Misi Gidaŋ wãˀ mira ɓi.

SLRA 9:7

Cil naŋhay, taŋ maram bumoˀ na, a cicam, zluwun a hila taŋ mi siriw. T'ada cinam ˀay ngi mbur ɓula, amma ko anta puram mbur ta.

ƁIMUNJUYO 11:19

Dar hay ngi Buymisemuŋ a wun a muŋ, hã akoti ngi jumoˀaya, a pur ar hay naŋ. Ar nah na, vuŋ a wucuɗ a wucuɗ, ˀay ka ngi mbur a cin, vuŋ a ndisl a ndisl, hirwuy a wus hiɓik hiɓik waɗ yam a po ti gidaŋ.

ƁIMUNJUYO 14:2

I cin ˀay kaɓa ngi mbur paɗ ti muŋ, kaɓa hurum ngi mubuliy madiɗa, kaɓa vuŋ mandisl ti gidaŋ haɗi. Yo ˀay ya micina na, a cin kaɓa dimis mazlaka ti gujuvuroy.

ƁIMUNJUYO 6:1

Dar i pur hiri ma na, tumuŋ a turo sluruɓ mudumbuŋ ngi wuzla mitarnaˀhay tuwa. I cin na, a wuzla gwat misããmi mumufaɗaya, mudumbuŋ a til mi kaɓa ndisl ngi vuŋ, a ɓi: «Sawa!»

ƁIMUNJUYO 8:5

Modro a zuɓa gandaf ngi zluma mukuturɓuy tuwa, a naha ti zayvu ngir li gi mikuli a mbuŋ Buymisemuŋ, a hiziga nga ruwuy. Angi nana, vuŋ a ndisl, ˀay a cin, vuŋ a wucuɗ, hirwuy a wus hiɓik hiɓik.