Ɓimezle ngi Yesu Kristu ZAŊ mitil di mi 12:26 - Bible en langue guiziga

²⁶ Da mbur a wuɗ le ɓa a gi gawla ɗu na, anja a sipiy, yo ar li ya misi anga na, gawla ɗu a sa ndir anga ya. Da mbur ara gi gawla ɗu na, Baha a sa ɗuvaŋ hirngaŋ.

Ɓimezle ngi Yesu Kristu ZAŊ mitil di mi 12:26 ပူးပေါင်းရင်းမြစ်များ

DIMISEY 91:15

Da ara ziliy na, i kil widi naŋ, angi bonoyo i sa ndir ava, i sa cukoŋ, i sa ɗuvaŋ hirngaŋ.

MIKUCUWULOY 27:18

Mbur makilaha uruf naŋ na, a sa zum yi naŋ, yo mbur maki slimiɗ ar buy naŋ na, a sa ɗuvakaŋ hirnga.

SLUFA VU 14:24

Amma sey gawla ɗu Kalepe, wuluk nga naŋ, naŋ pal, a ndir le ti teŋteŋ avu ya. Vurˀe, i sa ci di nga hirwuy naŋ mira puro di na, dideˀ naŋhay a sa tiɓaka hirwuy nah da taŋ.

SLUFA VU 32:11

Mizli misi vi kukur cuw malla mufunaka le, muboko ti Ezipte na, hirwuy ya muvula da Abraham, Izak waɗ Zakop na, ko mbur loŋ asi taŋ masa ci anta. Asi a cinikiy mi ti mevel purla ta.

Matiye 16:24

Dar Yesu a ɓa mizli ngi seˀeheye: «Da mbur a wuɗ ru le asi ya na, sey a pula wuluk vur hirnga naŋ, a zuɓa dum naŋ mizlira, a sipa sar ɗu.

Matiye 25:21

Buy naŋ a ɓaŋ: ‹Naŋ kuy, gawla mezle miteŋteŋ, ki gi teŋteŋ le ti gwat neˀkini. I sa puluw gwatay haɗi asi haŋ ɗike. Sawa i mumulom bumoˀ ati ya buy ɗike.›

Mark 8:34

Dar a zilo zigiduw gar ati mizli ngi seˀeheye, a ɓa taŋ: «Da mbur a wuɗ sipi ɗu le na, anja a pula wuluk vur hirnga naŋ, a zuɓa dum naŋ mizlira, a sipiy.

Ɓimezle ngi Yesu Kristu LUK mitil di mi 12:37

Gawla tayna, da buy taŋ a ndilo le, a sa luuma taŋ le titiri na, a mumulom! Gisiŋ, yi ɓukum na: A sa ka zana ngi slra, a sa cifa taŋ jojoˀ ngi zuma gwat, joˀ naŋ a so taŋ ti gwat ngi zumo.

Ɓimezle ngi Yesu Kristu LUK mitil di mi 6:46

Kum anta ki gaka gwat ya maɓukum di na ta, na ki zilikiy «Buy, Buy» vur mike?

Ɓimezle ngi Yesu Kristu LUK mitil di mi 9:23

Joˀ a ɓa mizli gar: «Da mbur a wuɗ ru le asi ya na, sey a pula wuluk vur hirnga naŋ, a zuɓa dum naŋ mizlira vur hin gar, a sipa sar ɗu.

Ɓimezle ngi Yesu Kristu ZAŊ mitil di mi 10:27

Tumuŋ ɗuwoy a cinam ˀay ɗu. Yi si na taŋ le, yo a sipikiy.

Ɓimezle ngi Yesu Kristu ZAŊ mitil di mi 13:16

Gisiŋ gisiŋ, yi ɓukum na: gawla ngi mbur anta funa buy naŋ ta. Misline kwana, anta funa mbur mislinaŋ ta ya.

Ɓimezle ngi Yesu Kristu ZAŊ mitil di mi 14:15

«Da ki ra wuɗikiy na, naɓa ɓimuɗuva ɗuwoyo, kisa jaka taŋ a hirnga.

Ɓimezle ngi Yesu Kristu ZAŊ mitil di mi 14:3

Da yi ru le a ɗiyukum li na, i sa mawa, yisa hulukum a haŋ, hã kisa ndiram angi li ya misi anga na ya.

Ɓimezle ngi Yesu Kristu ZAŊ mitil di mi 15:20

Wulkaka ɓi ya muɓukum di zleˀe na: ‹Gawla a funa buy naŋ ta.› Da a sipikiy ya le nder nder na, a sa supukum kumo nder nder aya. Da a jaka mingiɓi ɗu le a hirnga na, a sa jaka mingiɓi kum a hirnga ya.

Ɓimezle ngi Yesu Kristu ZAŊ mitil di mi 17:24

Baha, mizli ka muvuliy taŋ na, yi wuɗ ɓa taŋ kwana, a ndiram ati ya ar li ya misi anga na ya, ɓa a singilaka dudok ka muvuliy di na, asi ki wuɗ ya le zle ti duniya mizli virzi t'aruŋ.

Ɓimezle ngi Yesu Kristu ZAŊ mitil di mi 21:22

Yesu a mbiɗaŋ di: «Da ko yi wuɗ le ɓa a ndir ti siifa hã ti ya masa mawa tekeɗe kwana, a cuw ka le kwa? Ka, ka sipiy!»

ROMAHAY 1:1

I ya Pol, gawla ngi Yesu Kristu. Buymisemuŋ a ziliy ɓa yi tiri mislin naŋ, a winiy ngi tila mi ti Ɓimezle mubo baɗ ava.

ROMAHAY 14:18

Mbur maga slra ngi Kristu ti jiviɗ misi kanah na, a cira hiri da Buymisemuŋ, yo mizli a ngilam di wuy ma.

KORENTIHEY MUCUW NAŊ 4:5

Naŋ kine, ndra matilam mi na, ti ndra tehhe a muŋ ta. Amma i tilam di i mi ti Yesu Kristu, Buy ndra. Yo ndra, ndra matilam mi: «Ndr'i gawla kumoy» na, asi Yesu vuna.

KORENTIHEY MUCUW NAŊ 5:8

Haˀaw, ndr'anta zluwunam ta wãˀ. I hĩyãka le ɓa i pulaka li cifi ngi dumvu ndra hana, ɓa i ra cifam aciki Bumbulvuŋ.

GALATAY 1:10

Ani wurenna so na, i pur di i jiviɗ ɓa i mizli mangilam ti ya wuy kwa, malla Buymisemuŋ kwa? Yi pur di i jiviɗ ngi cira hiri da mizli kwa? Da yi pur di i jiviɗ ngi cira hiri da mizli na, naɓa yi gawla ngi Kristu mata.

FILIPIHEY 1:23

A giy le welele ti ka ti ka gar. I wuɗ le haɗi ɓa i pula hirwuy hana, ɓa i ra cifi avu Kristu. Gwat ya mahĩyã haɗa wãˀ na, i nah so.

KOLOSOY 3:24

Sinaka sin le, Bumbulvuŋ a sa wurkukum minjeˀe. Buy kumo, i Kristu, kum i migi slra naŋhay.

KOLOSOY 4:12

Epafras, mbur ngi hay kum na, a jukum haŋ le ya. Naŋ, mbur migi slra ngi Yesu Kristu nah na, ko anta pula cika vu ti diradibiɗ vur kumo mbak le ta, ɓa ki ndiram zlak gidaŋ gidaŋ, manja hereweɗ, mizli mujuwam vu le ngi gi gwat Buymisemuŋ muwuɗ le gar.

PIYER MUCUW NAŊ 1:1

I ya Simoŋ Piyer, gawla ngi Yesu Kristu, yo mislin naŋ, matuhukum ɗerewol hana da kum mulumam tiɓi mupuɗaw ka ngi ndra, tisi jeŋŋe ngi Buymisemuŋ ndra ati ngi Milih ndra Yesu Kristu na.

ZAŊ MUDUMBUŊ NAŊ 5:3

Wuɗa Buymisemuŋ na, sey da i ra jaka ɓimuɗuva naŋ a hirnga. Ɓimuɗuva naŋ na, i gwat ngi jijir ti jijir ta.

ZUDE 1:1

I ya Yude, gawla ngi Yesu Kristu. Ya sukum ngi Zak matuhukum ɗerewol hana da kum mizli, Cine ndra Buymisemuŋ muzulukum, muwuɗukum, yo miwi vu ti kum da Yesu Kristu na.

ƁIMUNJUYO 14:4

Mizli tayna, ko a hiryaka vu taŋ ti hin ti ngwasaya ta, taŋ ngbuˀo ngbuˀo kine. A ra sipaka tumuŋ ng'ar li naŋ maru gar. A mbuɗo hirnga taŋ le ti wuzla mizli, taŋ i muvula mudumbuŋ dumbuŋhoy da Buymisemuŋ, waɗ da tumuŋ.

SAMUYEL MUDUMBUŊ NAŊ 2:30

Vurˀe, ya Bumbulvuŋ Buymisemuŋ, ngi Israyel a ɓi na, yi ɓuw le zleˀeŋ: «Hay ɗik ati hay ngi dideˀ ɗike, kisa ndiram kum i masayay a mbuŋ ɗu, hã ngi sete. Ani wurenna i ɓuw na, a gi kanah mata. Asi, yi ɗuva hirnga da mizli maduvikiy hirnga, amma mizli mahirsikiy na, a sa hirsaka taŋ ya.