Ɓimezle ngi Yesu Kristu ZAŊ mitil di mi 11:53 - Bible en langue guiziga

⁵³ Mizli madiɗahay majuwaka a mevel taŋ, ɓa a zizaka Yesu na, i ngi pas nah vuna.

Ɓimezle ngi Yesu Kristu ZAŊ mitil di mi 11:53 ပူးပေါင်းရင်းမြစ်များ

ZLI VIRZI 37:18

Sukum naŋhay a puraka kileŋ, ɓa a sa ndilo gweˀ avu taŋ tikeˀe na, naɓa a juwam ɓi le vurˀe, ɓa a kiɗaka vagay.

NEHEMI 13:21

Yi ɓa taŋ ɗaˀ ɗaˀ le: «Kum mahinam a duba mohol na vur mikpak ka? Da ki moko le tumbuŋ ma na, yi sa jukum muduba. Cinaka cin cin le so tuwa.» Vurˀe, zle ti di nah na, ti hin ngi sabata, ko t'anta soko mata.

NEHEMI 4:16

Ti di nah na, yi ɓa mizli ani: «Mbur gar ati gawla naŋ, anja a hinam a Zeruzalem. Ti duvuɗo, pukum mijigina lihey sek le, yo ti papas kwana, ndra gar ndr'i gam slra.»

DIMISEY 113:2

Anja mizli a gaka sise da Bumbulvuŋ, zle wurenna, hã ngi sete.

DIMISEY 2:2

Buy madiɗa ngi si ruwuyoyo, ara slikiɗam ɓi ngi gi vurum. yo mizli micawwahaya, ara gam gidiɓi ar Bumbulvuŋ waɗ ar mbur naŋ muwunaŋ na.

DIMISEY 31:13

A sinikiy mata, a puyukom ti ya hirnga le, kaɓa mapuyukom hirnga ti mbur mumuca, yo ya ɓaˀ lambaˀ kaɓa holyom.

DIMISEY 71:10

Asi mesene ɗuwoy ara ɓam ar ya, mizli majiɗikiy a jumomˀay le ar ya.

ZEREMI 38:15

Zeremi a mbiɗa da buyo: «Da yi ɓuw ɓi minjah le na, naɓa kisa kiɗiy vagay takwa? Yo da i ɓuw di mi ngi kuti kwana, k'anta sa sipa ta!»

ZEREMI 38:4

Mizli madiɗa ngi slra ngi buyoy a ɓaka buyo na: «Anja mbur hana i ngi kiɗ vagay, asi ara huruɓo sojehey ati mizli gar ti mingiɓi naŋ na. Asi a wuɗ nga naŋ i cifi zuy ngi walahay ta, amma ɓa walahay a ndir ar bonoy.»

Matiye 12:14

Farisahay mubam na, a kusom ngi ngila wuy ar Yesu ɓa ngi luuma wer ngi kiɗ naŋ vagay.

Matiye 16:21

Zle tapas nah na, Yesu a zla a biga njah da mizli ngiseˀeheye, a ɓa taŋ: «Anja yi ru nga Zeruzalem ɓa ngi si bonoy haɗi a haŋ mizli micawwahay, a haŋ madiɗa migi mikulihey ati buy ngi ɓimujuwahay, ɓa a kiɗikiy vagay, amma angi hin mimakir naŋ na, i sa slikiɗ a muŋ.»

Matiye 22:46

Ko mbur pal mumbiɗaŋ di gu, anta. Zle ti hin nah na, ko mbur matum vu ngi cufuɗaŋ, anta mata.

Matiye 26:4

A ngiɓamˀay ar wala taŋ, ɓa a jaka Yesu ti wer, ɓa a kiɗaka vagay.

Matiye 26:59

Dambalaka masay madiɗahay ati mizli mingila wuyoy gar ara sipam sedewo misi slirey vur Yesu ɓa a kiɗaka vagay.

Mark 14:1

A ndir hin cuw ɓa a gaka muguzlum ngi Pak waɗ ngi ɗaf manja ˀis araŋ. Masay madiɗahay ati buy ngi ɓimujuwahay ara puram jiviɗ ɓa a jaka Yesu ti wer, ɓa a kiɗaka vagay.

Mark 3:6

A dirba nah, Farisahay a boko, a kusom kutum ati mizli ngisi Herodoy, ɓa a lumam wer ngi ziza hirnga ngi Yesu.

Ɓimezle ngi Yesu Kristu ZAŊ mitil di mi 11:47

Dar masay madiɗahay ati Farisahay a kusom ngi ngila wuy, a ɓam: «I gam mbrike? Ani mbur nah ara gi cekenehey haɗa.

Ɓimezle ngi Yesu Kristu ZAŊ mitil di mi 12:10

Zle ti nah na, masay madiɗahay a juwaka le a mevel taŋ ɓa a kiɗaka Lazara vagaya ya.

Ɓimezle ngi Yesu Kristu ZAŊ mitil di mi 7:1

A dirba nah, Yesu a bula hirwuy Galile, a ngum bula hirwuy Yude ta, asi Yudehey ara sipakaŋ ɓa a kiɗakaŋ vagay.

SLRA 5:33

Mingiɓi hana, a ja mevel le haɗi da mizli ngir kus ngi ngila wuy madiɗa tuwa, hã a wuɗam ɓa a kiɗaka taŋ vagay vagay.

SLRA 9:23

A zikam a zikam na, Yude tayna a kusom, a ngilam wuy ɓa a kiɗaka Sawulo vagay.