Ɓimezle ngi Yesu Kristu ZAŊ mitil di mi 11:52 - Bible en langue guiziga

⁵² Anta muc vur Yudehey tew ta ma, amma ɓa ngi kuso ziri ngi Buymisemuŋhoy mizliɗam hirnga gar, ɓa a tiram purla.

Ɓimezle ngi Yesu Kristu ZAŊ mitil di mi 11:52 ပူးပေါင်းရင်းမြစ်များ

ZLI VIRZI 49:10

Ganday ngi buyo naŋ anta lih asi haŋ ngi Zuda ta, yo ganday ngi jigina mizli, naŋ anta lih asi sar naŋ ta, sey tapas buy ngi ganday vuna misa so le, i mbur misi mizli gar masa cinakaŋ mi.

DIMISEY 22:15

Gidaŋ ɗu a tiki le, kaɓa yam mahisiki, hirzlik ngi vu ɗuwoy gar a wuzluram le. Mevel ɗu a tiri le kaɓa tebeɗ, ara luwusl a kwacay ɗu.

DIMISEY 22:27

Mihina hirngahaya, ara zumam, hã a mbam, mizli masipaka Bumbulvuŋ, ara hunumakaŋ: Anja a mumulom, yo a ndiram hutuŋ subur!

DIMISEY 72:19

Gaka sise ngi caˀa da Bumbulvuŋ misi ti dudoko! Anja hirwuyo gar a nihi ti dudok naŋ! Amin, haˀaw, anja a gi kanah gisiŋ!

EZAYI 49:18

Zuɓa hiri, pur gun gun hirnga ɗike ɗi: ziri ɗikey ara kusom cek, ara soko ng'avi ka. Ya Bumbulvuŋ i ɓi na, kaɓa ya misi ti siifa gisiŋ na, haˀaw, kisa ka taŋ lat lat avu vu kaɓa gwat ngi wuya, kisa juwa taŋ a dingiriŋ kaɓa mangasl ngi mbur mujuwa kanda naŋ le.

EZAYI 49:6

A ɓiy: «Ɓa ki tiri gawla ɗu, ki mo ti Israyeley mindiram ti siifa, yo ɓa sukwi ngi Zakopo, ki slikiɗaŋ deŋ a muŋ na, i hana tewle ta. Amma yi cufuw le hĩˀĩ, ɓa ki tiri li minjaha ngi sukwi ngi mizli gar, yo ɓa ɓi ɗu ngi lahavu na, a ndil hã ar hirwuy mikiɗ mi.»

EZAYI 55:5

Ani ka kwana, sukwi ngi mizli ka misina taŋ ta, kisa zila taŋ, yo sukwi ngi mizli ka misina taŋ ta, a sa kiloko ng'avu ka. Hana na, asi Bumbulvuŋ i Buymisemuŋ ɗiki. Haˀaw, asi Buymisemuŋ mipal ngi Israyele, a guw ɗongor le.»

EZAYI 56:8

Ya Bumbulvuŋ Buymisemuŋ, micikilo hirnga ngi Israyel muɓulahaya, i ɓi ma: «I cikilo hirnga ngi mizli le si, i sa cikilo hirnga ngi mekelemey jom ng'avi taŋ ava ma.»

EZAYI 60:4

Inga ka hiri ɓaˀ ɓaˀ, gun hirnga ɗike, pura ɗi, ziri ɗikey ara kusom gar, ara soko ng'avi ka. Ziri mizile ɗikey ara soko zle kileŋ, mizli a zuɓoko ziri mongoso ɗikeye le kaw kaw a haŋ taŋhaya.

EZEKIYEL 34:12

Ginewey mizliɗam hirnga le, mijigin masupo taŋ na, ya kwana, i sa sipa ɗuwoyo ginew kanah ya. I sa mo taŋ tir li taŋ mizliɗam hirnga ng'ara, ti hin ngi kutup misirta li le timbiɗim malla ti hin ngi vuŋ ti burkataŋ aseˀeŋ.

Ɓimezle ngi Yesu Kristu LUK mitil di mi 15:8

Malla ta ma na, da ngwasa, naŋ ti suloy kuruˀu, amma a zizi le pal asi taŋ na, a ji vu avu lampe, a fuca viŋ, a pura kuy kuy, sey da naŋ muluma le takwa?

Ɓimezle ngi Yesu Kristu LUK mitil di mi 2:32

I li minjahha masa buguw njah avu mizli ngi duniyahay keɗeɗe, yo maga dudok da Israyel, mizli ɗikey.»

Ɓimezle ngi Yesu Kristu ZAŊ mitil di mi 1:12

Amma mizli mitiɓaka so naŋ, yo mitiɓakaŋ a mevel taŋ gar na, a vula taŋ gidaŋ, ɓa a tiram ziri ngi Buymisemuŋhoy.

Ɓimezle ngi Yesu Kristu ZAŊ mitil di mi 1:29

Li naŋ muwun na, Zaŋ a pura Yesu ara sawa ng'avaŋ, dar a ɓi: «Puraka, tumuŋ ngi Buymisemuŋ mazuɓa mungra ngi duniya.

Ɓimezle ngi Yesu Kristu ZAŊ mitil di mi 10:16

Y'ada ti tumuŋ mekelemey ma, t'anta ar gezleŋ misenna ta. Taŋ kwana, sey yi so ti taŋ, a sa cinam ˀay ɗu, yo gezleŋ a sa tiri purla waɗ mijigin purla.

Ɓimezle ngi Yesu Kristu ZAŊ mitil di mi 12:32

Nga ya na, da a sa zuɓikiy le baɗ ti ruwuyo nga muŋ na, i sa ɗiɗa mizli gar ng'avi ya.»

SLRA 18:10

Asi y'ada ati ka, asi mizli ɗuwoy ada haɗi ar walahay hana, ko mbur masa zluw ngi guw malambaˀ anta.»

ROMAHAY 3:29

Malla Buymisemuŋ vuna, i Buymisemuŋ ngi Yudehey tewle si kwa? I Buymisemuŋ ngi mizli mekelemey ta wal kwa? Kanah ta, i Buymisemuŋ ngi mizli mekelemey aya.

ROMAHAY 4:17

Naŋ kine, a tohoko na: «Yi cufuw le ki dideˀ ngi sukwi ngi mizli haɗi.» I dideˀ ndra a mbuŋ Buymisemuŋ, naŋ mitiɓaŋ na. Buymisemuŋ mavula siifa da mizli mumucahay i naŋ, yo miɓi le a ga gwat misi anta zleˀe ta, a gi na, i naŋ vuna ma.

EFESEY 1:5

Buymisemuŋ a juwa ɓi nah le a mevele daf dumbuŋ ɓa a sa tiri ti ndra ziri naŋhay naŋ migila ndra tisi Yesu Kristu. A wuɗ kahana vur a hĩyã le.

EFESEY 3:11

Buymisemuŋ a ga kahana, kaɓa wuluk naŋ, naŋ mujuwa a mevele zle ngi sete, naŋ miga gisiŋ tisi Buy ndra Yesu Kristu na.

Ɗerewol ZAK 1:1

I ya Zak, gawla ngi Buymisemuŋ waɗ ngi Buy ndra Yesu Kristu. I ra jukum haŋ, da kum mizli ngi Buymisemuŋhoy mizliɗam hirnga pal pal asi ruwuy gar.

PIYER MUDUMBUŊ NAŊ 1:1

I ya Piyer, mislin ngi Yesu Kristu, matuhukum ɗerewol hana da kum mizli, Buymisemuŋ muwunukum, kum micifam i mulakay, mizliɗam hirnga pal pal angi hirwuy Poŋ, Galat, Kapados, Azi waɗ angi hirwuy Bitini.

ZAŊ MUDUMBUŊ NAŊ 2:2

Asi naŋ, i mbur muvula hirnga naŋ ngi gi mikuli a mbuŋ Buymisemuŋ ɓa ngi zuɓa mungra ndrahay avra. I mungra ngi ndrahay tew ta, amma vur mungra ngi mizli ngi duniya gar.

ZAŊ MUDUMBUŊ NAŊ 3:1

Puraka, Cine ndra muwuɗ ndra na ɗi. Wuɗavu naŋ na, naŋ haɗi, hã a zilam ndra ziri ngi Buymisemuŋhoy. Ndr'i ziri naŋhay gisiŋ. Puraka, duniya masina ndra gu ta na, asi a si na Buymisemuŋ ta.

ZAŊ MUDUMBUŊ NAŊ 3:10

Mbur magi gwat mijeŋ ta, yo mbur mawuɗ sukum naŋ ta na, i zuŋ ngi Buymisemuŋ ta. Ndra maslaka wala ngi ziri ngi Buymisemuŋhoy ati ziri ngi milyamay na, avu gwat hana.

ZAŊ MUDUMBUŊ NAŊ 3:2

Yeme ɗuwoy, zle wurenna, ndr'i ziri ngi Buymisemuŋhoy, amma ndra masa mbiɗam pal na, a bigi njak wãˀ taruŋ ɓula. I sinaka le, ti naŋ masa bugo vu na, i sa bam vu ati naŋ, asi mike na, i sa purakaŋ ti hiri ndra.

ƁIMUNJUYO 5:9

A zlam dimis nawaya ani: «Ki ndila le ter ngi tiɓa ɗerewolo, ɓa ngi turo sluruɓoyo. Asi a kuɗukuw le vagay zleˀe, yo ki mbiɗa hirnga ngi mizli le ti pumbus ɗiki, ɓa a ndiram da Buymisemuŋ. Mizli muboko tisi sukwi mitaˀ taˀ gar, maɓam mi wal wal ngi wuzla mizli, waɗ ngi wuzla sukwi ngi ruwuy gar.