Ɓimezle ngi Yesu Kristu ZAŊ mitil di mi 11:25 - Bible en langue guiziga

²⁵ Yesu a ɓaŋ: «Maslikiɗ mbur mumuca i ya, yo siifa i ya. Mbur matiɓiy na, ko da a muc le kwana, a sa ndir ti siifa.

Ɓimezle ngi Yesu Kristu ZAŊ mitil di mi 11:25 ပူးပေါင်းရင်းမြစ်များ

DIMISEY 36:9

A hay ɗike, ara mbam hã fineˀ gidaŋ ti gwat ngi zum mundumoy, yo ki ra vula taŋ gwat mundum ɗikey kaɓa yam ar mizaw madiɗaŋ.

EZAYI 26:19

Mizli ɗikey mumicama, a sa moko ti siifa a muŋ, vagay taŋhay a sa slikiɗam. Kum mizli ngi ruwuyoy, puɗukom, jam salalay, asi wulngar ɗike, i wulngar ngi li minjahha, yo hirwuy a sa vula siifa da mizli mumucahay a muŋ.

EZAYI 38:16

Bumbulvuŋ, k'ada a ciki mizli ɗikeye, taŋ a sa ndiram ti siifa, yo ˀUf ɗik a sa vula taŋ gidaŋ gar. Ki sa ɗiyiy ya ya, waɗ kisa vuliy siifa.

Ɓimezle ngi Yesu Kristu LUK mitil di mi 23:43

Yesu a mbiɗaŋ di: «Gisiŋ, yi ɓuw na: Dana dana, i sa ra cifam cuwa aciki Buymisemuŋ.»

Ɓimezle ngi Yesu Kristu ZAŊ mitil di mi 1:4

Siifa a bo ti vaŋ, yo siifa i li minjahha ngi mizli.

Ɓimezle ngi Yesu Kristu ZAŊ mitil di mi 14:19

Neˀ nga mbuŋ ka na, duniya anta sa puriy mata. Amma kumo, kisa purikiy, y'ada ti siifa. Yo kumo kwana, kisa ndiram ti siifa ya.

Ɓimezle ngi Yesu Kristu ZAŊ mitil di mi 14:6

Yesu a ɓaŋ: «Yi jiviɗ, yi ɓi mikaslsla, yo yi siifa. Ko mbur maru ng'avi Baha gu anta, sey a bi ti vi ya.

Ɓimezle ngi Yesu Kristu ZAŊ mitil di mi 3:16

«Naŋ kine, Buymisemuŋ a wuɗ duniya le haɗi, hã a vulo Mangal naŋ kirmalay, ɓa mbur gar mitiɓaŋ le na, a zizi ta, amma a lum siifa ngi sete.

Ɓimezle ngi Yesu Kristu ZAŊ mitil di mi 3:36

Mbur matiɓa Mangala na, naŋ ti siifa ngi sete. Mbur macina mi da Mangala ta na, anta sa lum siifa ta, amma Buymisemuŋ a sa ndir ti himaˀ a hirnga naŋ.»

Ɓimezle ngi Yesu Kristu ZAŊ mitil di mi 5:21

Naŋ kine, Cine maslikiɗa mumucahay waɗ naŋ mavula taŋ siifa na, naŋ kanah ya, Mangala kwana, a vul siifa da mbur naŋ muwuɗ le gar.

Ɓimezle ngi Yesu Kristu ZAŊ mitil di mi 5:26

Cine naŋ ti gidaŋ ngi vula siifa da mizli, naŋ kanah ya, a vula gidaŋ da Mangala ɓa a vula siifa da mizli.

Ɓimezle ngi Yesu Kristu ZAŊ mitil di mi 6:35

Yesu a ɓa taŋ: «Yi ɗaf mavul siifa. Mbur maso ng'avi ya na, may anta sa jaŋ mata wãˀ. Mbur matiɓiy na, yam anta sa gaŋ mata ndiɗaˀ.

Ɓimezle ngi Yesu Kristu ZAŊ mitil di mi 6:44

Ko mbur maso ng'avi ya gu anta, sey da Baha mislino ya muso di le far. Ya i sa slikiɗaŋ ti wuzla mumucahay ar hin ngi dirba wãˀ.

SLRA 3:15

Naŋ kine, Buy ngi siifa, kum mikiɗaka vagay na, Buymisemuŋ a slikiɗa le a muŋ ti wuzla mumucahaya. Ndr'i sedewo naŋhay.

ROMAHAY 4:17

Naŋ kine, a tohoko na: «Yi cufuw le ki dideˀ ngi sukwi ngi mizli haɗi.» I dideˀ ndra a mbuŋ Buymisemuŋ, naŋ mitiɓaŋ na. Buymisemuŋ mavula siifa da mizli mumucahay i naŋ, yo miɓi le a ga gwat misi anta zleˀe ta, a gi na, i naŋ vuna ma.

ROMAHAY 8:2

Naŋ kine, ɓimujuwa ngi ˀUf Mipal, ɓi mavul siifa da mbur mujom ati Yesu Kristu na, a lihiy, le tivu ɓimujuwa ngi mungra ati ngi muco.

KORENTIHEY MUDUMBUŊ 15:18

Mbiɗeˀvra: mizli mumicam ar taŋ mujom ati Kristu gar na, a zizam le.

KORENTIHEY MUDUMBUŊ 15:29

Wulkam ar mizli macam ar yam ar deɗe ngi mizli mumucahay na ɗagay. Da mumucahay a slikiɗam ta gisiŋ na, a wuɗam na, ɓa a lumam mike? Taŋ macam ar yam ar deɗe taŋ na, vur mike?

KORENTIHEY MUCUW NAŊ 4:14

Buymisemuŋ mislikiɗa Buy Yesu ti wuzla mumucahay na, i sinaka le, a sa slikiɗa ndra jom ati Yesu ya, yo a sa cifa ndra jom ati kum gweˀ acikeˀeŋ.

FILIPIHEY 1:23

A giy le welele ti ka ti ka gar. I wuɗ le haɗi ɓa i pula hirwuy hana, ɓa i ra cifi avu Kristu. Gwat ya mahĩyã haɗa wãˀ na, i nah so.

FILIPIHEY 3:10

I wuɗ si na gwat mekelem ta, sey Kristu tewle ati gidaŋ naŋ mislikiɗ di baɗ a wuzla mumucahay. I wuɗ ɓa y'ada jom ati naŋ angi bonoy naŋ, yo ɓa i muc muc misi purla ati nga naŋ na ya,

TESALONIKEY MUDUMBUŊ NAŊ 4:14

I tiɓaka le, Yesu a muc le, a slikiɗ le a muŋ. Naŋ kanah ya, mizli mumucahay mitiɓaka Yesu le na, Buymisemuŋ a sa hila taŋ ti seˀeŋ.

ƁIMUNJUYO 1:18

yo ya ti siifa. Yi muc le zleˀe, amma pura, y'ani ti siifa hã ngi sete. Lakle ngi muc ati ngi li cifi ngi mizli mumucahaya, naŋ asi haŋ ɗu.

ƁIMUNJUYO 20:5

Mumuca mekelemey anta moko ti siifa ta, sey da vi durmuk mikiɗ mi le. Nah na, i slikiɗ ti wuzla mumucahay mudumbuŋ dumbuŋ naŋ.

ƁIMUNJUYO 21:4

A sa sõhõ taŋ tuwuy ngi hiri taŋhaya gar. Muc a sa gi anta mata, tuwuy ngi vagay, widi ati bonoy, a sa so anta mata. Asi gwat magalahay a susuymom le.»

ƁIMUNJUYO 22:1

Waɗ ma, modro ngi Buymisemuŋ a bigiy mizaw ngi yam ngi siifa. A wucuɗ wilik wilik kaɓa dorogal. A bo tir li cifi ngi zumabuy ngi Buymisemuŋ ati tumuŋ.

ƁIMUNJUYO 22:17

ˀUf ngi Buymisemuŋ ati ngwas a ɓam: «Sawa!» Anja mbur macina ɓi hana kwana, a ɓi: «Sawa!» Mbur, misi yam ara gaŋ na, anja a sawa. Mbur mawuɗ yam ngi siifa na, anja a lum ngataraŋ.