Ɓimezle ngi Yesu Kristu ZAŊ mitil di mi 11:19 - Bible en langue guiziga

¹⁹ Yudehey haɗa a soko ng'avi ti Marta ati Mariya, ɓa a tikinaka taŋ ar li tuwuy sukum taŋ mumuc na.

Ɓimezle ngi Yesu Kristu ZAŊ mitil di mi 11:19 ပူးပေါင်းရင်းမြစ်များ

ZLI VIRZI 37:35

Ziri naŋ mizilehey ati mongosohoy gar a soko, ɓa a tikinakaŋ ar li tuwuyo, amma a ngum taˀa tuwuyo ta na si, asi a ɓi na: «I sa ra luuma mangal ɗu ar li ngi mizli mumucahaya, ti tuwuy aruŋ na si.» Dar ara tuwa mangala.

SAMUYEL MUCUW NAŊ 10:2

Akẽh na, Davit a ɓi na: «Hanun mangal ngi Nahas na, yi sa gaŋ mezle haɗa kaɓa cine migiy di da ya na ya.» Dar Davit a slin mizli naŋhay ɓa ara tikinakaŋ a taˀa tuwuyo vur muc ngi cine na. Joˀ gawla ngi Davitey ara ndilam ar hirwuy ngi Amoŋhoyo.

ƁI NGI HIN GAR MUDUMBUŊ NAŊ 10:12

Migi vurum miwirwirey ngir walahaya, ara hiloko vagay ngi Sawul ati ziri naŋhaya, a ram taŋ nga Yabes. A ra dikaka tesl taŋhay asi widis mazilaka terebente ngi Yabes, dar a gam dalyam hin tarnaˀ.

Ɗerewol JOP 2:11

Ngama ngi Jopoy makir, a cinaka na, mendere a gi le avu Jopo, a soko, mbur gar baɗ ti ngi hirwuy naŋ ti ngi hirwuy naŋ: Elifas a so ti Temaŋ, Bildat a so ti Suha waɗ Sefar kwana, a so ti Naˀama. A ngiɓamˀay ɓa ara tuwam jom ati Jopo, yo ɓa a tikinakaŋ ɓa a taˀa tuwuyo.

Ɗerewol JOP 42:11

Sukum naŋ mizile ati mongosohoy, waɗ mizli misinakaŋ zlezle zleˀe gar na, a soko nga pur naŋ. A zumam ɗaf bummoˀ a hay naŋ. A bigakaŋ wuɗ taŋ mawuɗakaŋ, yo a tislakaŋ mevel vur bonoy Bumbulvuŋ migaŋ di na gar. Dar mbur gar a vulaŋ gwat ngataraŋ, suloy ngi ɓiri bara pal waɗ dangwa ngi ɓiri tapasl tapasl pal.

TILA MI 7:2

Ru ng'ar hay ngi vagaya, a funa ru ng'ar hay ngi muguzlumo le. Asi hay ngi vagaya, i kiɗa mi ngi mbur gar, anja mizli misi ti siifahay gar na, a sinaka kuy kuy a mevel taŋ.

EZAYI 51:19

Bonoy zlaɓ zlaɓ cuw, a ndilukum le sar cuw, ani masa gukum kiita naŋ i waka? I moˀore ati hirya gwat, yo may ati vurum, na masa jukukum didak i waka?

TUWUY 1:16

Ya matuwuy na aseˀeŋ, hiri ɗu ara budug tuwuy. Asi mbur ngi tikin ɗu ɓa i taˀa tuwuyo, mbur ɓa a vuliy gidaŋ na, naŋ kileŋ avu ya. Ziri ɗuwoyo, a zizam le avu ya, asi mesene ɗu, naŋ gidaŋ haɗa.

TUWUY 1:2

Vur duvuɗ gar na, a ro ar li tuwuy, kwala ceɗ ceɗ ti tuwuy. A wuzla ngama naŋhay gar na, ko mitikin naŋ ɓa a taˀa tuwuy anta. Cil naŋhay gar a vulakaŋ le ngi ji, a tiram mesene naŋhay le.

TUWUY 1:21

Mizli ara cinam niˀic ɗu vuna ngbaŋ: amma ko mbur mitikin ɗu, ɓa i taˀa tuwuyo, anta, mesene ɗuwoy gar ara cinaka ɓi ngi bonoy ɗu na, ka miga ɓa i si bonoyo, ara mumulom di: hin ka muɗuva na, ki ga le ɓa a ndilawa. Anja taŋ kwana, a ndiram kaɓa ya vuna ya.

TUWUY 1:9

Dili a pur ndim ndim avu patari naŋ, gwat masa lumaŋ na, a wulka ɓaˀfar le ta. Naŋ mihĩhĩy na, kay a zumaŋ hirnga le, ko mbur ngi tikin naŋ ar li tuwuy anta. Dar a ɓi: «Aw Bumbulvuŋ ɗu, pura, a tikikiy ˀay le, mesene ɗu a lum bugawla le ar ya.»

TUWUY 2:13

Aw Zeruzalem ɗu Mimezle, i gi sedewo wana ar ka aruŋ maka? I sa wa ɓi ɗik ati ɓi wana aruŋ maka? I sa ɓuw di i ɓi wana ngi tikin ɗike, ɓa ki taˀa tuwuyo ka? Siyoŋ walahay Mimezle. Kay, hiryi mulumuw na, naŋ haɗa kaɓa firndiw ngi mubuliy. Mambuluw gu i waka?

Ɓimezle ngi Yesu Kristu LUK mitil di mi 10:39

Sukum naŋ mongoso ada, a zilaka Mariya. A cifi le avu Buy Yesu, ara cine mingiɓi naŋ.

Ɓimezle ngi Yesu Kristu LUK mitil di mi 10:42

Gwat mizlir ngi gi na, naŋ purla si. Vay mimezle na, i Mariya muwuna, anta sa tiɓakaŋ di ta.»

Ɓimezle ngi Yesu Kristu ZAŊ mitil di mi 1:19

Mizli madiɗa ngi Yude ngi Zeruzalemey a slinoko masayay ati levihey ɓa a cufuɗaka Zaŋ: «Ka ki waka?»

Ɓimezle ngi Yesu Kristu ZAŊ mitil di mi 11:1

Mbur ada, i misi jiji, a zilaka Lazar ar walahay Betani. Mariya ati sukum naŋ Marta, taŋ ar walahay nah vuna.

Ɓimezle ngi Yesu Kristu ZAŊ mitil di mi 11:31

Yudehey a roko hay ati Mariya, ara tikinakaŋ ɓa a taˀa tuwuyo. Taŋ mupuraka naŋ mislikiɗ kutum, ara bi tuwa na, a sipakaŋ. Taŋ a waka kaɓa aru nga tuwuy a mizivi.

Ɓimezle ngi Yesu Kristu ZAŊ mitil di mi 11:33

Yesu mupura Mariya ati Yudehey musoko aseˀe tuwa matuwam na, a jijik, a gaŋ lesle welele.

Ɓimezle ngi Yesu Kristu ZAŊ mitil di mi 11:36

Yudehey a ɓam: «Puraka, a wuɗaŋ zleˀe haɗi!»

Ɓimezle ngi Yesu Kristu ZAŊ mitil di mi 11:45

Mizli haɗa a wuzla Yude tayna musoko avu Mariya, yo mupuraka gwat Yesu miga na, a tiɓaka Yesu le.

Ɓimezle ngi Yesu Kristu ZAŊ mitil di mi 11:8

Mizli ngi seˀehey a ɓakaŋ: «Kumani, wureˀ ani aka, Yudehey a supukuw ɓa a kuyupukuw ti ɗugur. Ani ki wuɗ ki mi nga diga ma mbrike?»

ROMAHAY 12:15

Mumulom ati mizli muroko mumulomo, tuwam ati mizli muroko tuwama.

KORENTIHEY MUCUW NAŊ 1:4

A sõhõ ndra tuwuy ar bonoy gar, ɓa a tiri ti ndra ter ngi sõhõ tuwuy ngi mizli muroko angi bonoy gara ma, ti gidaŋ ndra malumoko di ti vaˀa vuna tehhe.

TESALONIKEY MUDUMBUŊ NAŊ 4:18

Vulam gidaŋ ar wala kumo ti ɓi misenna so.

TESALONIKEY MUDUMBUŊ NAŊ 5:11

Vurˀe, kutam vu ar wala kumo kuy kuy, yo jinam vu ar wala kumo, kaɓa kum magaka zleˀe na si.

SAMUYEL MUDUMBUŊ NAŊ 31:13

A cikila tesleye, a dikaka taŋ asi widis ada, a zilaka Tamaris a Yabes. Akẽh na, a gam dalyam hin tarnaˀa.