Ɓimezle ngi Yesu Kristu ZAŊ mitil di mi 10:16 - Bible en langue guiziga

¹⁶ Y'ada ti tumuŋ mekelemey ma, t'anta ar gezleŋ misenna ta. Taŋ kwana, sey yi so ti taŋ, a sa cinam ˀay ɗu, yo gezleŋ a sa tiri purla waɗ mijigin purla.

Ɓimezle ngi Yesu Kristu ZAŊ mitil di mi 10:16 ပူးပေါင်းရင်းမြစ်များ

ZLI VIRZI 49:10

Ganday ngi buyo naŋ anta lih asi haŋ ngi Zuda ta, yo ganday ngi jigina mizli, naŋ anta lih asi sar naŋ ta, sey tapas buy ngi ganday vuna misa so le, i mbur misi mizli gar masa cinakaŋ mi.

DIMISEY 86:9

Bumbulvuŋ, sukwi ngi mizli, ka miga taŋ gar na, a sa hurukom huruk huruk a mbuŋ ɗiki, a sa gukuw dudok ti zila slimiɗ ɗike.

TILA MI 12:11

Mingiɓi ngi mizli misi sinmijileŋheye, taŋ kaɓa ganday misi ɓiri yoŋ avu mi naŋ, mizli mutoho ɗerewoloyo taŋ kaɓa dum ngi zlavaɗ mingahay le gidaŋ gidaŋ, hana i gwat ngi vul ngi mijigin mipal kine.

EZAYI 11:10

Ti hin nah na, dideˀ ngi Zese a sa ndir kaˀ kaɓa drapo da mizli. Mizli gar a sa cufuɗam kuti ava. Dudok ngi Buymisemuŋ a sa wucuɗ ar li naŋ masa cifi ara.

EZAYI 43:6

I sa ɓa mizli vay muŋhoyo: «mikiy taŋ», yo mizli vay ruwuyoyo, i sa ɓa taŋ: ‹ki tikaka taŋ ta. Mikiy ti ziri mizile ɗuwoyo tir hirwuy mikileŋ kileŋ tayna, yo ziri diili ɗuwoyo, tir hirwuy mira kiɗo mi.

EZAYI 49:6

A ɓiy: «Ɓa ki tiri gawla ɗu, ki mo ti Israyeley mindiram ti siifa, yo ɓa sukwi ngi Zakopo, ki slikiɗaŋ deŋ a muŋ na, i hana tewle ta. Amma yi cufuw le hĩˀĩ, ɓa ki tiri li minjaha ngi sukwi ngi mizli gar, yo ɓa ɓi ɗu ngi lahavu na, a ndil hã ar hirwuy mikiɗ mi.»

EZAYI 52:10

Bumbulvuŋ ara biga gidaŋ naŋ mipala, a mbuŋ sukwi ngi mizli gar. Ko angi hirwuy mira kiɗo mi kwana, mizli a sa puraka Buymisemuŋ ndra malaha ndra.

EZAYI 56:8

Ya Bumbulvuŋ Buymisemuŋ, micikilo hirnga ngi Israyel muɓulahaya, i ɓi ma: «I cikilo hirnga ngi mizli le si, i sa cikilo hirnga ngi mekelemey jom ng'avi taŋ ava ma.»

EZEKIYEL 34:12

Ginewey mizliɗam hirnga le, mijigin masupo taŋ na, ya kwana, i sa sipa ɗuwoyo ginew kanah ya. I sa mo taŋ tir li taŋ mizliɗam hirnga ng'ara, ti hin ngi kutup misirta li le timbiɗim malla ti hin ngi vuŋ ti burkataŋ aseˀeŋ.

EZEKIYEL 34:23

I sa ki mijigin purla masa ru taŋ nga zumo: i gawla ɗu Daviti. Naŋ, a sa ru taŋ nga zum, a sa tiri mijigin taŋ.

EZEKIYEL 34:6

Ginew ɗuwoyo, a ram ti liˀi kiŋkiŋ lambaˀ a muwãhay gar, ar li miɗingir ɗingirey gar. Tumuŋ ɗuwoy a zliɗam hirnga le asi ruwuy gar, ko mbur maki slimiɗ ar taŋ malla maru ti supo taŋ anta.

EZEKIYEL 37:22

I sa tiri ti kum sukwi purla asi ruwuy, waɗ a muwã Israyeleye. Buy purla a sa cifi buy kum gar. Kum anta sa ndiram sukwi cuw mata, yo kum anta sa wunkam zumabuy wal wal cuw mata.

EZEKIYEL 37:24

Gawla ɗu Davit a sa zum buy ar kum, mijigin purla vur kum gar. Kisa gaka gwata kaɓa sirik ɗu mawuɗo, kisa jaka ɓimujuwa ɗuwoy a hirnga, yo kisa gam taŋ slra.

ZAKARI 2:11

Kum mizli Zeruzalemey, kum micifahay le hǝrǝk hǝrǝk a Babiloŋ, Sumuɗom, akum le.

Matiye 17:5

Hirak ti naŋ maɓi aruŋ vuna si na, keɗ na, gazlavay minjazlazla a so sirta taŋ. Yo ay a cino tir gazlavay tuwa: «Mbur hana i Mangal ɗu ya mawuɗaŋ haɗa, ya hĩhĩyaŋ ɓa yi winaŋ! Cinaka mingiɓi naŋ!»

Ɓimezle ngi Yesu Kristu LUK mitil di mi 15:8

Malla ta ma na, da ngwasa, naŋ ti suloy kuruˀu, amma a zizi le pal asi taŋ na, a ji vu avu lampe, a fuca viŋ, a pura kuy kuy, sey da naŋ muluma le takwa?

Ɓimezle ngi Yesu Kristu ZAŊ mitil di mi 10:11

Ya i mijigin mezleŋ. Mijigin mezle a vula hirnga naŋ vur tumuŋ naŋhay.

Ɓimezle ngi Yesu Kristu ZAŊ mitil di mi 10:2

Amma mbur maci tir mi naŋ na, naŋ i mijigina tumuŋhoy.

Ɓimezle ngi Yesu Kristu ZAŊ mitil di mi 10:27

Tumuŋ ɗuwoy a cinam ˀay ɗu. Yi si na taŋ le, yo a sipikiy.

Ɓimezle ngi Yesu Kristu ZAŊ mitil di mi 10:3

Mijigina gezleŋ, a wunaŋ mi naŋ, tumuŋhoy kwana, a cinaka ˀay naŋ. A zila tumuŋ naŋhaya purla purla gar ti slimiɗ taŋ ti slimiɗ taŋ, a bi taŋ ng'avra.

Ɓimezle ngi Yesu Kristu ZAŊ mitil di mi 10:4

Da a bi taŋ le gar ng'avra na, a ki ɓaˀ a mbuŋ, joˀ tumuŋhoy a sipakaŋ, asi a sinaka ˀay naŋ le.

Ɓimezle ngi Yesu Kristu ZAŊ mitil di mi 10:5

Amma tumuŋhoy a sipaka mbur mulaka ta ndiɗaˀ, a kilam di jak, vur a sinaka ˀay naŋ ta.»

Ɓimezle ngi Yesu Kristu ZAŊ mitil di mi 11:52

Anta muc vur Yudehey tew ta ma, amma ɓa ngi kuso ziri ngi Buymisemuŋhoy mizliɗam hirnga gar, ɓa a tiram purla.

Ɓimezle ngi Yesu Kristu ZAŊ mitil di mi 17:20

«I dir dibiɗ vur taŋ pal ta, amma vur mizli masa tiɓikiy mbele mingiɓi taŋ na ya.

Ɓimezle ngi Yesu Kristu ZAŊ mitil di mi 6:37

Mizli Baha mavuliy taŋ gar na, a sa soko ng'avi ya. Yo mbur maso ng'avi ya na, y'anta sa hizigaŋ avra ta ndiɗaˀ.

SLRA 15:14

Simoŋ a slufo ndra di le ani: Buymisemuŋ a ki slimiɗ le diga ar zli virzi naŋ, ɓa a wini mekelemey a wuzla taŋ da naŋ.

SLRA 18:10

Asi y'ada ati ka, asi mizli ɗuwoy ada haɗi ar walahay hana, ko mbur masa zluw ngi guw malambaˀ anta.»

SLRA 22:14

Ananiyas a ɓiy: ‹Buymisemuŋ ngi dideˀ ndrahay a muɗuw le ceɗ, ɓa ki si na gwat naŋ mawuɗo, ɓa ki pura mbur mijeŋŋe na, ɓa ki cine ˀay nga naŋ maɓuw ti balam naŋ.

ROMAHAY 11:25

Sukum ɗuwoy, ɓi mikaslsla muɗum zleˀe ani, ya mawuɗ i bugukum di ɓa ki sinakaŋ, vur kum masa puraka vu kum kaɓa i misi sinmijileŋhey. Mizli mekelemey cah a wuzla Israyeleye, hirnga taŋ gidaŋ, amma a zik hã da Buymisemuŋ milaha sukwi ngi mizli mekelemeye le gar.

TESALONIKEY MUCUW NAŊ 2:13

Kum sukum ndrahay, kum Bumbulvuŋ mawuɗokum na, sey ndr'i gaka sise da Buymisemuŋ ndrehhe vur kumo. Asi Buymisemuŋ a wunukum le zle dumbuŋ, ɓa ˀUf naŋ a luhukum, ˀUf naŋ matiri ti mburo, naŋ pal, yo asi kum matiɓaka ɓi mikaslsla na.

HEBEREY 13:20

Buymisemuŋ mavul zuy, mislikiɗa Buy ndra Yesu, mijigin madiɗa ngi tumuŋhoy ti wuzla mumucahay ti pumbus ngi jumoˀay ngi sete na,

PIYER MUDUMBUŊ NAŊ 2:10

Zleˀe na, kum i mizli naŋhay ta, amma dana, kum i mizli naŋhay. Zleˀe na, Buymisemuŋ a purukum ˀircece ta, amma dana, a purukum ˀircece le.

PIYER MUDUMBUŊ NAŊ 2:25

Asi kum zleˀe ka tumuŋ mizizahay, amma wurenna, ki moko le ng'avi mijigin mukutuko musuɗuk kumoyo.

PIYER MUDUMBUŊ NAŊ 5:4

Yo da Kristu, Mijigin madiɗa, misa njiko vu le ngbah na, kisa lumam loppol ngi dudok misi wucuɗ naŋ makiɗ mi ta wãˀ na.

ƁIMUNJUYO 3:20

Cin, y'ani deŋ a miviŋ, i ra zil vu. Da mbur a cin ˀay ɗu le, yo a wuniy miviŋ le na, yi sa ci ng'avaŋ, i sa zumam cuwa. Ya ati naŋ, yo naŋ ati ya.