Ɓimezle ngi Yesu Kristu ZAŊ mitil di mi 10:15 - Bible en langue guiziga

¹⁵ Baha a siniy le, yo ya kwana, i sinaŋ le ya, naŋ kine, yi vula hirnga ɗu vur tumuŋ ɗuwoy aya.

Ɓimezle ngi Yesu Kristu ZAŊ mitil di mi 10:15 ပူးပေါင်းရင်းမြစ်များ

EZAYI 53:10

Bumbulvuŋ a wuɗ ɓa a kutaŋ kanah ti bonoyo. Naŋ muvula vu naŋ ngi gi mikuli ngi ɗiya ɓi na, a sa pura dideˀ naŋhaya, hin ngi siifa naŋ a sa giɗ nga mbuŋ, naɓa gwat Bumbulvuŋ muwuɗ na, a sa gaŋ.

EZAYI 53:8

A jaka ti gidaŋ, a gakaŋ kiita, a kiɗaka vagay, Ar hin nga naŋ na, mbur muwulkaŋ ada kwa? Haˀaw, a bam di le avra ti wuzla mizli misi ti siifahaya, naŋ mulum kiɗ na, asi slikiɗa ɓi ngi mizli naŋhay.

DANIYEL 9:26

A dirba vi tarnaˀ tarnaˀ makaw kukur merkeɗ ngaˀ cuw na, mbur mipaŋ mal ngi vulaŋ slra, a sa kiɗam pal vagay, amma ko mbur pal masa cik vu aseˀe anta. Walahay ati hay ngi Buymisemuŋ na, mizli ngi buyoy misi tumbuŋ, a sa wahaka taŋ. Mizli ngi buy tayna vuna, i himaˀ ngi Buymisemuŋ masa kiɗa taŋ, yo hã avu kiɗa mi ngi vurum kwana, ɓi micica ngi ngizla vu ada.

ZAKARI 13:7

Ka maslalam, puk pak ng'ar mijigin ɗu, waɗ ng'ar cil ɗu mupuɗaw na so. Kiɗa mijigin ɗu vagay, tumuŋhoy a sa zliɗam hirnga, yo ko ziri memeɗehey kwana, i sa zuɓa haŋ ɗu ng'ar taŋ. I ya Bumbulvuŋ misi gidaŋ wãˀ maɓi.

Matiye 11:27

Baha a vuliy gwataya le gar. Mbur masina Mangal anta, sey Cine. Mbur masina Cine kwana anta, sey Mangal ati mbur naŋ muwuɗ le ɓa a bigaŋ di.

Matiye 20:28

Naŋ kanah ya, Mangal ngi mbur a so ɓa mizli a tiram gawla naŋhay ta, amma ɓa a tiri gawla taŋ jaka, ɓa a vula hirnga naŋ ngi mbiɗa hirnga ngi mizli haɗi.»

Ɓimezle ngi Yesu Kristu LUK mitil di mi 10:21

Angi nah vuna si na, ˀUf Mipal a naha Yesu ti mumul, a ɓi: «Aw Baha, Buy ngi muŋ ati hirwuy, i ra hunumuw, asi ka muɗumo ɓi hana avu mizli misi ti sinmijileŋ jileŋhey ati mizli misi lesleye, joˀ ki njika da mizli mizlewey na. Haˀaw Baha, a gi kanah, asi ki hĩyã le.

Ɓimezle ngi Yesu Kristu LUK mitil di mi 10:22

Baha a pula gwataya le gar asi haŋ ɗu. Hana i Mangal na, mbur misina anta, sey Cine. Malla hana i Cine na, mbur misina anta, sey Mangal ati ko wa gar Mangal muwuɗ le ɓa a njikaŋ di.»

Ɓimezle ngi Yesu Kristu ZAŊ mitil di mi 1:18

Ko mbur mupura Buymisemuŋ ɗaˀ anta wãˀ. Amma Mangal naŋ kirmalay mujom ati Cine na, a biga ndra di le.

Ɓimezle ngi Yesu Kristu ZAŊ mitil di mi 10:11

Ya i mijigin mezleŋ. Mijigin mezle a vula hirnga naŋ vur tumuŋ naŋhay.

Ɓimezle ngi Yesu Kristu ZAŊ mitil di mi 15:13

Da mbur muvula hirnga naŋ le vur ngama naŋhay na, wuɗavu mifineˀ hana anta mata.

Ɓimezle ngi Yesu Kristu ZAŊ mitil di mi 17:25

Baha mijeŋŋe, duniya a sinuw ta, amma ya i sinuw le. Taŋ hanayna, a sinaka le, i ka mislino ya.

Ɓimezle ngi Yesu Kristu ZAŊ mitil di mi 6:46

Mbur mupura Baha ɗaˀ anta, sey mbur muso ti vu Buymisemuŋ na, naŋ a pura Cine le ɓula.

Ɓimezle ngi Yesu Kristu ZAŊ mitil di mi 8:55

Kumo, ki sinakaŋ ɗaˀ ta, amma ya i sinaŋ le. Da yi ɓi le i sinaŋ ta na, ɓa yi tiri misi slir le ka kum vuna ya. Amma yi sinaŋ le, i ra ja mingiɓi naŋ a hirnga.

GALATAY 1:4

I Kristu ti haŋ naŋ muvula hirnga naŋ ngi laha ndra tir mungra ndraˀahaya, ɓa a tuɓo ndra moh avu duniya magi malambaˀ hana, kaɓa Cine ndra Buymisemuŋ muwuɗu.

GALATAY 3:13

Kristu a mbiɗa hirnga ndra le avu nis ngi ɓimujuwa. Naŋ vuna a tiri minisa le ar deɗe ndra. Naŋ kine, a tohoko na: «Ko wa gar midiraka le avu dum na, i minisa le.»

EFESEY 5:2

Wuɗam vu ar wala kum ar joˀ kumo, kaɓa Kristu muwuɗ ndra na. A vula hirnga naŋ ti haŋ naŋ da Buymisemuŋ vur ndra, ka gwat muvula ngi gi mikuli mazĩˀĩ ndum haɗa, macira hiri da Buymisemuŋ.

Ɗerewol TIT 2:14

Kristu a vula hirnga naŋ le ti haŋ naŋ vur ndra, ɓa ngi mbuɗo hirnga ndra tir gi gwat lambaˀ gar, yo ɓa a buna ndra celelle da naŋ, ndra mihirdam hirdam ngi gi gwat mezlehey na.

PIYER MUDUMBUŊ NAŊ 2:24

Kristu ti haŋ naŋ, a zuɓa mungra ndraˀahaya le avu dumvu naŋ, angi dum mizliraŋ, ɓa i micam avu mungra ndraˀahaya, yo ɓa i cifam ti gi gwat mijeŋŋe. Kum mumbulom na, asi waˀa naŋhay na.

PIYER MUDUMBUŊ NAŊ 3:18

Asi mike na, Kristu ti haŋ naŋ, a muc is purla tewle vur mungra ngi mizli. Naŋ, mbur mijeŋŋe, a muc vur mizli migi gwat mijeŋ tahay, ɓa a sa bugukum da Buymisemuŋ. A kiɗaka le vagay ar dumvu naŋ, amma ˀUf Mipal, a mo di le ar siifa a muŋ.

ZAŊ MUDUMBUŊ NAŊ 2:2

Asi naŋ, i mbur muvula hirnga naŋ ngi gi mikuli a mbuŋ Buymisemuŋ ɓa ngi zuɓa mungra ndrahay avra. I mungra ngi ndrahay tew ta, amma vur mungra ngi mizli ngi duniya gar.