Ɓimezle ngi Yesu Kristu ZAŊ mitil di mi 10:14 - Bible en langue guiziga

¹⁴ Ya i mijigin mezle, i si na tumuŋ ɗuwoyo le, yo tumuŋ ɗuwoy kwana, a sinikiy le.

Ɓimezle ngi Yesu Kristu ZAŊ mitil di mi 10:14 ပူးပေါင်းရင်းမြစ်များ

DIMISEY 1:6

Asi Bumbulvuŋ a si na gi gwat ngi mizli mijeŋŋeheye le. Amma gi gwat ngi misi moˀoreheye, a zizi vu.

EZAYI 40:11

Naŋ kaɓa mijigin maru ti ginewey ng'ar li zum, a ska haŋ sik na, a kuso taŋ arleˀe. A hila ziri tumuŋhoyo jup a didak, yo tumuŋ misi ziri asi taŋ na, aru taŋ ti sekvu.»

EZAYI 53:11

Ya Buymisemuŋ i ɓi na: Naŋ misi bonoy haɗa tuwa na, a sa pura dideˀ naŋhaya, hin ngi siifa naŋ a sa giɗi. Naŋ gawla ɗu, mizli a sa sinakaŋ, naŋ jeŋŋe, akẽh, a sa dubuna gi jeŋŋe da zigiduw haɗa, joˀ naŋ vuna a sa ɓusa jijira malambaˀ taŋ.

NAHUM 1:7

Bumbulvuŋ naŋ mezleŋ, ar hin ngi bonoyo, i li ɗum ngi mburu. Mizli maɗumom ava na, a ki slimiɗ ar taŋ.

Ɓimezle ngi Yesu Kristu ZAŊ mitil di mi 10:11

Ya i mijigin mezleŋ. Mijigin mezle a vula hirnga naŋ vur tumuŋ naŋhay.

Ɓimezle ngi Yesu Kristu ZAŊ mitil di mi 10:13

A kil vur a jigin ngi luuma migir tewle, ɓi ngi tumuŋhoy a caŋ neˀ le ta.

Ɓimezle ngi Yesu Kristu ZAŊ mitil di mi 10:27

Tumuŋ ɗuwoy a cinam ˀay ɗu. Yi si na taŋ le, yo a sipikiy.

Ɓimezle ngi Yesu Kristu ZAŊ mitil di mi 17:3

Da mizli a sinukuw le, Buymisemuŋ mijeŋŋe pal i ka, yo Yesu Kristu, mbur ka mislino di na, da a sinaka le na, naɓa siifa ngi sete i nah.

Ɓimezle ngi Yesu Kristu ZAŊ mitil di mi 17:8

Yo mingiɓi ya miɓa taŋ di gar na, a bo ti vu ka. A tiɓaka le, a sinaka le gisiŋ gisiŋ, yi bo ti vu ka. A tiɓaka le, i ka mislino ya.

KORENTIHEY MUCUW NAŊ 4:6

Asi Bumbulvuŋ miɓi zleˀe: «Anja li a pusluɗ njahha angi luvuŋ» na, mupusluɗ a mevel ndrahay njahha na, i naŋ vuna, ɓa i sinaka dudok naŋ mawucuɗ njahha a mihiri ngi Kristu.

EFESEY 1:17

Anja Buymisemuŋ, ngi Buy ndra Yesu Kristu, Cine misi ti dudoko, a vulukum ˀUf misi sinmijileŋ, manjikukum Buymisemuŋ, hã ɓa ki sinakaŋ kuy kuy wãˀa.

EFESEY 3:19

Yo ɓa ki sinaka wuɗavu ngi Kristu mudum hirnga ngi sinay gar na, ɓa ki naham, hã Buymisemuŋ a ndir angi kum wãˀ.

FILIPIHEY 3:8

Na, ya mapura taŋ kaɓa i zizi ti zizi na, asi i ra pur li lum madiɗa mifineˀ tayna: i si na Buy ɗu Yesu Kristu. I pula gwataya le gar avra aseˀe. I pura taŋ gar kaɓa gwat ngir kitikiley, ɓa ngi luuma Kristu.

TIMOTE MUCUW NAŊ 1:12

Ya masi bonoy hana na, aseˀeŋ. Amma y'anta gi di mesem ta, asi i si na mbur, ya muɗuva tiɓi ɗu ar naŋ na le, yo i si na le gisiŋ, gwat naŋ mupula asi haŋ ɗu na, a wi di vu gu hã a ndila hin ngi kiita.

TIMOTE MUCUW NAŊ 2:19

Amma ɗuva virzi naŋ, Buymisemuŋ muɗuva gidaŋ gidaŋ na, naŋ da. Mingiɓi ani toh toh ava: «Bumbulvuŋ a si na mizli naŋhaya le», waɗ ma na: «Ko wa gar maɓi, naŋ i mbur ngi Bumbulvuŋ na, anja a kirih kileŋ avu gi gwat malambaˀa.»

ZAŊ MUDUMBUŊ NAŊ 5:20

I sinaka le, Mangal ngi Buymisemuŋ a so le, a vula ndra lesl le ɓa i sinaka Buymisemuŋ migisiŋ gisiŋ. Ndra mujom ati Buymisemuŋ migisiŋ gisiŋ na, mbele Mangal naŋ Yesu Kristu. Naŋ i Buymisemuŋ migisiŋ gisiŋ, yo i siifa ngi sete ma gar.

ƁIMUNJUYO 2:13

I si na li ka micifi a nga na le, i li Satan mazum buy anga. Amma k'ada zlak gidaŋ gidaŋ avu ya. Yo ka mitiɓiy na, ki ji di mi ta. Antipas, migi sedewo ɗu miteŋteŋ, ko ti taŋ mikiɗaka vagay angi li Satan micifi anga a hay kum na tekeɗe kwana, ki ji mi ta.

ƁIMUNJUYO 2:19

I si na gwat ngi gi ɗike le, wuɗavu ɗik, tiɓi ɗik, vula vu ɗik ngi gi slra waɗ ɓusaɓi ɗike. I si na le, slra muwurenna, a funa mudumbuŋ le vah vah.

ƁIMUNJUYO 2:2

Gwat ngi gi ɗik, gir ɗik mukupuyah waɗ ɓusaɓi ɗike, i si na le. Yo i si na le, k'anta pula mizli misi moˀoreheye mbak a gam ta. Mizli maɓam, taŋ i mislin ɗuwoy na, ki ci le a kwacay taŋ, ki luuma taŋ na, i misi slirey.

ƁIMUNJUYO 2:9

I si na bonoy ɗik waɗ murga ɗike le, amma ki misi zlili. Yo mizli mawaka vu taŋ ka Yudehey, dambalaka i Yudehey ta ma na, i si na le, ara jukuw ɓi. Taŋ i jum ngi mizli ngi Satanay.

ƁIMUNJUYO 3:1

«Toho da modro ngi cikil ngi misikristu ngi Sardeseye ɓaŋ na: Mbur misi ti ˀUf ngi Buymisemuŋhoy tarnaˀ waɗ wurzlaŋhay tarnaˀ ma na, a ɓi: i si na gwat ngi gi ɗike le, slimiɗ ɗik ada zil, a ɓam ka ti siifa, dambalaka na, ki mumucaŋ.

ƁIMUNJUYO 3:15

I si na gwat ngi gi ɗike le, ka yaɓ yaɓ ta, yo culok ta ma. Yi wuɗ zleˀe, anja ki tiri yaɓ yaɓ malla culoko.

ƁIMUNJUYO 3:8

I si na gwat ngi gi ɗike le. Gidaŋ ɗike, naŋ neˀkini. Gar ti nah kwana, ki ja ɓi ɗu le a hirnga, yo ko ki ji mi ti slimiɗ ɗu ta. Pura, yi wuna mizlingre le baŋ a mbuŋ ɗike, ko mbur magica gu anta.