Ɓimezle ngi Yesu Kristu ZAŊ mitil di mi 10:12 - Bible en langue guiziga

¹² Mbur majigin ngi luuma migir na, i mijigin migisiŋ gisiŋ ta, asi tumuŋhoy inga naŋhay ta. Da a pura le kiriɓuh ara so ng'ava na, a pula tumuŋhoyo, a kil. Joˀ kiriɓuh a ja taŋ, a zliɗa hirnga taŋ.

Ɓimezle ngi Yesu Kristu ZAŊ mitil di mi 10:12 ပူးပေါင်းရင်းမြစ်များ

Matiye 10:16

«Ani i ra slinukum ka tumuŋhoy a wuzla kiriɓuhoy. Gam wer kaɓa kaway, ndiram ti mevel ngi ziri memeɗehey ka gonokoy.

Matiye 7:15

«Wam vu avu mijiviɗ misi slireye. A soko avu kumo ka tumuŋhoy, amma hur kwacay taŋ i kiriɓuh miji vuhoy.

Ɓimezle ngi Yesu Kristu ZAŊ mitil di mi 10:13

A kil vur a jigin ngi luuma migir tewle, ɓi ngi tumuŋhoy a caŋ neˀ le ta.

Ɓimezle ngi Yesu Kristu ZAŊ mitil di mi 10:2

Amma mbur maci tir mi naŋ na, naŋ i mijigina tumuŋhoy.

Ɓimezle ngi Yesu Kristu ZAŊ mitil di mi 10:3

Mijigina gezleŋ, a wunaŋ mi naŋ, tumuŋhoy kwana, a cinaka ˀay naŋ. A zila tumuŋ naŋhaya purla purla gar ti slimiɗ taŋ ti slimiɗ taŋ, a bi taŋ ng'avra.

SLRA 20:29

Yi si na le kuy kuy, a dirba ya mucuh le na, kiriɓuh miji vuhoy, a sa coko a wuzla kumo, t'anta sa wam vu ti gineweye ta.

TIMOTE MUDUMBUŊ NAŊ 3:3

Anja i mbur miwi ti mbaazla ta, i mbur muwuɗa mi ta, amma i mbur mileleŋ, anta tiri ta, yo i mbur misi may dala ta ma.

TIMOTE MUDUMBUŊ NAŊ 3:8

Mijini vuhoy a wuzla misikristuhoy kwana, anja i mizli mindilaka le ya. A ɓam ɓi dar purla, a sam mbaazla haɗi ta, a lumaka gwata ti jiviɗ malambaˀ ta.

TIMOTE MUCUW NAŊ 4:10

Asi Demas a puliy le, vur a wuɗ gwat ngi duniya hana haɗa. Aru le nga Tesalonik, Kresaŋ aru le nga Galati. Tite kwana, aru le nga Dalmati.

Ɗerewol TIT 1:7

Asi mike na, mbur madiɗa ngir Cikil ngi misikristuhoy na, a gi di i slra ngi Buymisemuŋ. Vurˀe, anja a lumam ɓi ava ngi mbiɗaŋ hirnga ta. Anja ko i mbur mahuhum vu ta, a slikiɗ himaˀ ta, a si mbaazla haɗa ta, a wuɗ kiɗa vu ta, a lum gwata ti jiviɗ malambaˀ ta.

PIYER MUDUMBUŊ NAŊ 5:2

Jiginaka ginew ngi Buymisemuŋ mupula taŋ asi haŋ kum na. Anta ti tikaˀay ta, amma asi ki ngumam le kaɓa Buymisemuŋ mawuɗo.

PIYER MUCUW NAŊ 2:3

Mizli mudubuna ɓi ngi slir tayna, ti may dala taŋ na, a sa zumukum ti mingiɓi taŋ mukoloŋ koloŋ ngi gi gilaw da mbur na. Taŋ na, migi kiita taŋ a wi vu le weˀ zlezle si, yo mizizi taŋ anta hinje ta.