Ɓimezle ngi Yesu Kristu ZAŊ mitil di mi 10:11 - Bible en langue guiziga

¹¹ Ya i mijigin mezleŋ. Mijigin mezle a vula hirnga naŋ vur tumuŋ naŋhay.

Ɓimezle ngi Yesu Kristu ZAŊ mitil di mi 10:11 ပူးပေါင်းရင်းမြစ်များ

SAMUYEL MUCUW NAŊ 24:17

Davit mupura modro mangizla mizli na, a ɓa Bumbulvuŋ: «Migi mungra i ya, yo migi malambaˀa i ya. Amma mizli migeˀ ircece hanayna, taŋ a gam gwat mike? Zuwen kiɗ di i ya ati mizli ngi hay ɗuwoy si.»

DIMISEY 23:1

Dimis ngi wuzla dimis ngi Davitey. Bumbulvuŋ i mijigin ɗu, ko gwat mafucikiy anta.

DIMISEY 80:1

Dimis ngi wuzla dimis ngi Asafay. I dimis ngi wulka ɓi. I mulumo di ar ɗerewol ngi buy ngi dimisi. Dimis ngi gujuvur.

EZAYI 40:11

Naŋ kaɓa mijigin maru ti ginewey ng'ar li zum, a ska haŋ sik na, a kuso taŋ arleˀe. A hila ziri tumuŋhoyo jup a didak, yo tumuŋ misi ziri asi taŋ na, aru taŋ ti sekvu.»

EZAYI 53:6

Ndra gar zleˀe, zlaɗ lambaˀ kaɓa tumuŋhoy, mbur gar aru ti sipi jiviɗ naŋ, malambaˀ ndra gar migaka na, Bumbulvuŋ a paŋ di nga hirnga naŋ.

EZEKIYEL 34:2

«Ka mburu, ɓa ɓi ani vur mijigina Israyeley, njika taŋ di. Njika da mijigina Israyeleye, ɓa taŋ na: Ya Bumbulvuŋ, Buymisemuŋ i ɓi na: Bonoy a hirnga mijigina Israyeley, majiginam hirnga taŋ tehhe a muŋ na. Mijigineye, sey a jiginaka tumuŋhoyo takwa?

EZEKIYEL 34:23

I sa ki mijigin purla masa ru taŋ nga zumo: i gawla ɗu Daviti. Naŋ, a sa ru taŋ nga zum, a sa tiri mijigin taŋ.

EZEKIYEL 37:24

Gawla ɗu Davit a sa zum buy ar kum, mijigin purla vur kum gar. Kisa gaka gwata kaɓa sirik ɗu mawuɗo, kisa jaka ɓimujuwa ɗuwoy a hirnga, yo kisa gam taŋ slra.

MISE 5:4

Masa so ti zuy asi ruwuyo i naŋ vuna. Da mizli Asirihey misa coko le asi hirwuy ndra, ara zumaka hay ndraˀahaya na, i sa cicam mijiginey tarnaˀ, waɗ buy ngi mizli dangafaɗa, ɓa a zliram dibiɗ ati taŋ.

ZAKARI 13:7

Ka maslalam, puk pak ng'ar mijigin ɗu, waɗ ng'ar cil ɗu mupuɗaw na so. Kiɗa mijigin ɗu vagay, tumuŋhoy a sa zliɗam hirnga, yo ko ziri memeɗehey kwana, i sa zuɓa haŋ ɗu ng'ar taŋ. I ya Bumbulvuŋ misi gidaŋ wãˀ maɓi.

Matiye 20:28

Naŋ kanah ya, Mangal ngi mbur a so ɓa mizli a tiram gawla naŋhay ta, amma ɓa a tiri gawla taŋ jaka, ɓa a vula hirnga naŋ ngi mbiɗa hirnga ngi mizli haɗi.»

Ɓimezle ngi Yesu Kristu ZAŊ mitil di mi 10:2

Amma mbur maci tir mi naŋ na, naŋ i mijigina tumuŋhoy.

Ɓimezle ngi Yesu Kristu ZAŊ mitil di mi 15:13

Da mbur muvula hirnga naŋ le vur ngama naŋhay na, wuɗavu mifineˀ hana anta mata.

EFESEY 5:2

Wuɗam vu ar wala kum ar joˀ kumo, kaɓa Kristu muwuɗ ndra na. A vula hirnga naŋ ti haŋ naŋ da Buymisemuŋ vur ndra, ka gwat muvula ngi gi mikuli mazĩˀĩ ndum haɗa, macira hiri da Buymisemuŋ.

Ɗerewol TIT 2:14

Kristu a vula hirnga naŋ le ti haŋ naŋ vur ndra, ɓa ngi mbuɗo hirnga ndra tir gi gwat lambaˀ gar, yo ɓa a buna ndra celelle da naŋ, ndra mihirdam hirdam ngi gi gwat mezlehey na.

HEBEREY 13:20

Buymisemuŋ mavul zuy, mislikiɗa Buy ndra Yesu, mijigin madiɗa ngi tumuŋhoy ti wuzla mumucahay ti pumbus ngi jumoˀay ngi sete na,

PIYER MUDUMBUŊ NAŊ 5:4

Yo da Kristu, Mijigin madiɗa, misa njiko vu le ngbah na, kisa lumam loppol ngi dudok misi wucuɗ naŋ makiɗ mi ta wãˀ na.

ZAŊ MUDUMBUŊ NAŊ 3:16

Kristu a vula siifa naŋ le vur ndra, zle dana, ndra masinaka wuɗavu na, avaˀa. Ndra kwana, sey i vulaka siifa ndra vur sukum ndraˀahaya ya.

ƁIMUNJUYO 7:17

Asi tumuŋ misi a wuzla janga ngi buy na, a sa tiri mijigin taŋ, a sa ru ti taŋ ng'ar miviɗiviɗi ngi yam. Dar Buymisemuŋ a sa sohõ taŋ tuwuy ngivi hiri taŋhaya ceke.»