Ɓimezle ngi Yesu Kristu ZAŊ mitil di mi 1:49 - Bible en langue guiziga

⁴⁹ Dar Natanayel a ɓaŋ: «Kumani, ki Mangal ngi Buymisemuŋ, ki buy madiɗa ngi Israyel.»

Ɓimezle ngi Yesu Kristu ZAŊ mitil di mi 1:49 ပူးပေါင်းရင်းမြစ်များ

DIMISEY 110:1

Dimis ngi wuzla dimis ngi Davitey. Bumbulvuŋ, Buymisemuŋ a ɓa buy madiɗa ɗu ani: «Cifi joˀ tir vay hazum ɗu, ɓa mesene ɗikeye, i tiri taŋ li ɗuva sar ɗiki.»

DIMISEY 2:6

A ɓi: «Ya i ca buy ɗu madiɗa le a Siyoŋ, Siyoŋ, muwã ɗu mipal.»

EZAYI 9:7

Bumbulvuŋ a ɓi ɓi ngi bonoy le da dideˀ ngi Zakopoyo, amma a mbiɗi nga hirnga zumabuy ngi Israyeley.

DANIYEL 9:25

Sina sin le, yo sla wala nah, mingiɓi mubo ɓa mizli mijahay a moko, yo waɗ ngi ndira walahay Zeruzalem hiri naŋ a muŋ, ɓa hã buy mipaŋ mal ngi vula slra a bo na, naɓa vihey ada tarnaˀ tarnaˀ makaw tarnaˀ. Ar vihey tarnaˀ tarnaˀ makaw kukur merkeɗ ngaˀ cuw na, a sa ndiraka walahay ati mohol naŋhaya a muŋ, amma a sa gi i hin mutuwaˀ.

Ɗerewol OZE 3:5

A dirba nah, Israyeley a sa sipaka Bumbulvuŋ Buymisemuŋ taŋ a muŋ, ati Buy taŋ Davit. Nga mbuŋ a sa mam ti jijik ng'avu Bumbulvuŋ waɗ ng'avu gwat ngi lum naŋ mavula taŋ di.

MISE 5:2

Vurˀe, Buymisemuŋ a sa pula Israyeleye mbak asi haŋ ngi mesene taŋhaya, hã ngwas misi zuŋ a kwacay na, a yi ɗagay. Akẽh na, sukum naŋhay mindiram na, a sa jumom ng'avi Israyeley.

SOFONI 3:15

Bumbulvuŋ mujuwu ti kiita tuwa, a pula ɓi nah le teˀe, a ɓula mesene ɗike le avra. Bumbulvuŋ, naŋ buy Israyel vuna, naŋ da ati ka, kum anta sa zluwunam ti gwat malambaˀa mata.

ZAKARI 9:9

Walahay Siyoŋ, jiɗ mececẽleŋ! Walahay Zeruzalem, ji salalay kiɗ kiɗ. Pura, Buy ɗike n'ani so ng'avu ka. I mbur mijeŋŋe, yo i bugawla, i mbur mihina hirnga, naŋ gilaˀ ar zungu, ar gawla zungu kine aruŋ

Matiye 14:33

Mizli ngi seˀehey misi angi palalam tuwa a dilkam a mbuŋ naŋ, a ɓakaŋ: «Ka ki Mangal ngi Buymisemuŋ gisiŋ.»

Matiye 2:2

Dar a cufuɗam mizli: «Buy madiɗa ngi Yudehey miyaka wurenna na, naŋ amaka? I puroko bangay naŋ le zle tisi pas ngi miprike, i soko na, ɓa i dilkam a mbuŋ naŋ.»

Matiye 21:5

«Ɓaka zuŋ diili ngi Siyoŋ na: Pura, Buy madiɗa ɗik ara so ng'avi ka! Naŋ i mbur mihina hirnga, naŋ gilaˀ ar madiya zungu, waɗ ar zinga naŋ.»

Matiye 23:7

A wuɗam sey mizli a jaka taŋ haŋ ar luuma, yo ɓa mizli a zilaka taŋ ‹Kumanihey.›

Matiye 23:8

Amma kumo, anja a zulukum ‹Kumani› ta, asi Kumani kumo, naŋ purla si, yo kumo gar i sukumuŋhoy.

Matiye 27:11

A ram ti Yesu le a mbuŋ buy miwi li, joˀ buy miwi li a cufuɗaŋ: «Ki buy ngi Yudehey kwa?» Yesu a mbiɗaŋ di: «Ki ɓa le ta kwa!»

Matiye 27:42

a ɓam: «A laha mizli mekelemeye le ɓula, amma a laha hirnga naŋ gu ta kwa? I buy ngi Israyel ta kwa? Anja a po sar wurenna tir dum mizlira, ɓa i sa tiɓakaŋ so.

Matiye 4:3

Mitikina vu a kirih ng'avaŋ, a ɓaŋ: «Da ki Mangal ngi Buymisemuŋ na, ɓa ɗugur hanayna, ɓa a tiram ɗafahay sini.»

Mark 15:32

Mesi, buy madiɗa ngi Israyele, anja a po sar wurenna tir dum mizlira, ɓa i puraka, yo ɓa i tiɓakaŋ so.» Mizli midiraka taŋ avu dum aciki naŋ tuwa, a zakaŋ aya.

Ɓimezle ngi Yesu Kristu LUK mitil di mi 1:35

Modro a mbiɗaŋ di: «ˀUf Mipal a sa so ar ka, gidaŋ ngi Buymisemuŋ Mimadiɗa a sa sirtuw ti susuɗuk naŋ. Vurˀe, mangal masa ya ka na, naŋ pal, yo a sa zilaka Mangal ngi Buymisemuŋ.

Ɓimezle ngi Yesu Kristu LUK mitil di mi 19:38

a ɓam: «Anja Buymisemuŋ a ɗuwula mi da buy madiɗa maso ti slimiɗ naŋ na! Anja muŋ andir ti zuy, yo anja dadala muŋ a lum dudoko!»

Ɓimezle ngi Yesu Kristu ZAŊ mitil di mi 1:18

Ko mbur mupura Buymisemuŋ ɗaˀ anta wãˀ. Amma Mangal naŋ kirmalay mujom ati Cine na, a biga ndra di le.

Ɓimezle ngi Yesu Kristu ZAŊ mitil di mi 1:34

Ya Zaŋ, i pura le, i ɓa le njah gisiŋ, Mangal ngi Buymisemuŋ, i naŋ.»

Ɓimezle ngi Yesu Kristu ZAŊ mitil di mi 1:38

Yesu a mbiɗi, a pura taŋ ara sipakaŋ, a ɓa taŋ: «Ki sipam mike?» A ɓakaŋ: «Rabbi, ki ra cifi amaka?» Rabbi mbiɗeˀvra Kumani.

Ɓimezle ngi Yesu Kristu ZAŊ mitil di mi 1:50

Yesu a ɓaŋ: «Ki tiɓiy vur ya muɓuw yi puruw le asi ˀuruf tewle na kwa? Ki sa pur gwat madiɗahay mifineˀ hana vuna ma!»

Ɓimezle ngi Yesu Kristu ZAŊ mitil di mi 18:37

Dar Pilat a ɓaŋ: «Na, ki buy sukwani?» Yesu a mbiɗaŋ di: «Maɓi yi buy na, i ka. A yikiy, yo yi so ar duniya ɓa ngi gi sedewo vur ɓi mikaslsla. Ko wa gar mawuɗ ɓi mikaslsla gar na, a cine mingiɓi ɗu.»

Ɓimezle ngi Yesu Kristu ZAŊ mitil di mi 4:31

Hirak ti nah na, mizli ngi seˀehey a hurdumom avaˀa, a ɓakaŋ: «Kumani, inga zum ɗagay so.»