Ɓimezle ngi Yesu Kristu ZAŊ mitil di mi 1:45 - Bible en langue guiziga

⁴⁵ Filipe kwana, ara luuma Natanayele ya, a ɓaŋ: «Mbur mutohoko ɓi naŋ ar ɓimujuwa ngi Moyis ati ngi mijiviɗey zleˀe tuwa, i lumaka le. I Yesu ngi Nazaret, mangal ngi Zozef.»

Ɓimezle ngi Yesu Kristu ZAŊ mitil di mi 1:45 ပူးပေါင်းရင်းမြစ်များ

ZLI VIRZI 22:18

Sukwi ngi mizli ngisi ruwuyoy gar a sa lumam ɗuwula mi tisi dideˀ ɗikey, asi ka micina mingiɓi ɗu.»

ZLI VIRZI 3:15

I sa ga, ɓa ka ati ngwasa, ki gam mesene, ɓa dideˀ naŋhay ati dideˀ ɗikey a gam mesene. Naŋ a sa njirsluw hirnga, yo ka kwana, kisa humbuɗaŋ avu duɓuk sar.

ZLI VIRZI 49:10

Ganday ngi buyo naŋ anta lih asi haŋ ngi Zuda ta, yo ganday ngi jigina mizli, naŋ anta lih asi sar naŋ ta, sey tapas buy ngi ganday vuna misa so le, i mbur misi mizli gar masa cinakaŋ mi.

EZAYI 4:2

Ti hin nah, Bumbulvuŋ a sa vul ɗongor ati dudok da mizli, yo hirwuy a sa ga ɓa mizli Israyeley mindiram ti siifa na, hiri cira taŋ, yo a zilam slimiɗe.

EZAYI 53:2

Asi mike na, Buymisemuŋ, gawla naŋ a gil a mihiri naŋ kaɓa kalaf, sluwraŋ kaɓa slaslalak muɗuɗo kalaf ar li papala. Kuy malla gwat ngi ngilawuy, ɓa a ga ndra kuy ngi puraŋ na, anta ava ta. Ko deŋ naŋ kwana, anta kaɓa ndra mawuɗam ngi pur na ta.

EZAYI 7:14

Bumbulvuŋ vuna tihaŋ naŋ ara vulukum gwat mabigi gwat ani: Puraka, zuŋ diili a sa gi hur, a sa yi mangal mizile, dar a sa zila Emanuwel.

EZAYI 9:6

A sa ndaha gidaŋ naŋ ngi zuma buyo, a sa ga ɓa zuy a kiɗ mi ta. A sa cifi ar janga ngi buy Davite, yo a sa ru ti zumabuy naŋ, a sa cica, a tira gidaŋ gidaŋ, ti gi gwat mikaslsla waɗ ti gi jeŋŋe, zle wurenna hã ngi sete. Hana i Bumbulvuŋ misi gidaŋ wãˀ masa ga ti vula vu naŋ migǝr gǝr.

MISE 5:2

Vurˀe, Buymisemuŋ a sa pula Israyeleye mbak asi haŋ ngi mesene taŋhaya, hã ngwas misi zuŋ a kwacay na, a yi ɗagay. Akẽh na, sukum naŋhay mindiram na, a sa jumom ng'avi Israyeley.

ZAKARI 6:12

Ki sa ɓaŋ na: ‹Bumbulvuŋ misi gidaŋ wãˀa, a ɓi ani: Mbur ani, a zilaka Hilfa, a sa pus ar li naŋ micici le anga gar, a sa ndiriy hay da ya Bumbulvuŋ.

ZAKARI 9:9

Walahay Siyoŋ, jiɗ mececẽleŋ! Walahay Zeruzalem, ji salalay kiɗ kiɗ. Pura, Buy ɗike n'ani so ng'avu ka. I mbur mijeŋŋe, yo i bugawla, i mbur mihina hirnga, naŋ gilaˀ ar zungu, ar gawla zungu kine aruŋ

Matiye 10:3

Filip ati Bartelemi, Tomas ati Matiye mbur micikila buutu, Zak mangal ngi Alfe waɗ Tade,

Matiye 13:55

I mangal ngi mbur micira dum tuwa takwa? Mumuŋ a zilaka Mariya takwa? Zak, Zozef, Simoŋ waɗ Yude i sukum naŋhay takwa?

Matiye 2:23

Vurˀe, a ru, ara cifi angi walahay mazilaka Nazarete. A gi kahana na, ɓa ɓi mijiviɗey miɓaka zleˀe na, a gi muduba: «A sa zilaka mbur Nazaret.»

Matiye 21:11

Zigiduw a mbiɗa: «I Yesu, mijiviɗ a Nazaret, hirwuy Galile.»

Mark 14:67

A pura Piyer maniˀi vu tuwa, a singila, a singila na, a ɓaŋ: «Ka kwana, ka ati Yesu, mbur Nazaret na ya.»

Mark 6:3

I micira dum tuwa ta kwa? Mangal ngi Mariya ta kwa? Sukum ngi Zak ati Zozes, Yudas waɗ Simoŋ ta kwa? Sukum naŋ mongosohoyo, t'ada a wuzla ndra ka ta kwa?» Wuluk tayna gar, a tika taŋ le ɓa a tiɓakaŋ ta.

Ɓimezle ngi Yesu Kristu LUK mitil di mi 18:37

Mizli a ɓakaŋ: «I Yesu mbur Nazaret macuhu.»

Ɓimezle ngi Yesu Kristu LUK mitil di mi 2:4

Zozefe kwana, a pula Nazaret, hirwuy Galile, aru ng'ar walahay ngi Davit mazilaka Beteleyem, angi hirwuy Yude. Asi Zozef i muy ngi Davit, yo i dideˀ naŋ.

Ɓimezle ngi Yesu Kristu LUK mitil di mi 2:48

Taŋ mupuraka kanah na, a zuma taŋ hirnga teˀe, joˀ mumuŋ a ɓaŋ: «Mangal ɗu, ki ga ndra di kahana vur mike? Pura, ndra ati bunuko, i ra supukuw, didak a muɗa ndra le haɗa.»

Ɓimezle ngi Yesu Kristu LUK mitil di mi 24:27

Dar a biga taŋ wala ngi Ɓimutoho miɓi vur naŋ gar. A zlo di avu ɗerewol ngi Moyis, hã bal bal ti ɗerewol ngi mijiviɗeye gar.

Ɓimezle ngi Yesu Kristu LUK mitil di mi 24:44

Dar a ɓa taŋ: «Puraka, ti ya misi zleˀe ati kumo, yi ɓukum na: ‹Anja ɓi mutohoko ar ya gar ar ɓimuɗuva ngi Moyis ati ngi mijiviɗey waɗ ar ɗerewol Dimis na, sey a gi muduba.›»

Ɓimezle ngi Yesu Kristu LUK mitil di mi 3:23

Ti Yesu mizla gi slra naŋ na, naɓa vi naŋ a gi gwat ngi kukur makir. Mizli a waka zleˀe na, Yesu i mangal ngi Zozef, Zozef mangal ngi Eli,

Ɓimezle ngi Yesu Kristu LUK mitil di mi 4:22

Mizli gar a hĩyãka ɓi naŋ le, ɓi mezle mabo ti balam naŋ na, a zuma taŋ hirnga le, a ɓam: «Hana i mangal ngi Zozef tuwa takwa?»

Ɓimezle ngi Yesu Kristu ZAŊ mitil di mi 1:44

Dambalaka Filip i mbur ngi Betsayda, hirwuy ngi ti Andre ati Piyer.

Ɓimezle ngi Yesu Kristu ZAŊ mitil di mi 12:21

A kirohoko ng'avi Filip, mbur ngi Betsayda, hirwuy Galile, a cufuɗakaŋ: Buy, i wuɗam pur Yesu na ta kwa!»

Ɓimezle ngi Yesu Kristu ZAŊ mitil di mi 14:8

Filip a ɓaŋ: «Buy, inga biga ndra Bunuk vuna, naɓa a kiɗa ndra may le si.»

Ɓimezle ngi Yesu Kristu ZAŊ mitil di mi 18:5

A mbiɗakaŋ di: «Yesu mbur Nazarete.» Yesu a ɓa taŋ: «I ya vuna.» Naɓa Yudas, mbur mavulaŋ ɓa a jaka tuwa, naŋ da deŋ a wuzla taŋ akẽh.

Ɓimezle ngi Yesu Kristu ZAŊ mitil di mi 18:7

Yesu a cufuɗa taŋ ava ma: «Ki ram ti sipi waka?» A ɓakaŋ: «Yesu mbur Nazarete.»

Ɓimezle ngi Yesu Kristu ZAŊ mitil di mi 19:19

Pilat a tuh gwat le avu dum misliprakka zleˀe, a ɓi a luwaka law a hirnga dum mizlira tuwa. A tohoko na: «Yesu mbur Nazaret, Buy madiɗa ngi Yudehey.»

Ɓimezle ngi Yesu Kristu ZAŊ mitil di mi 21:2

Simoŋ Piyer, Tomas mazilaka Misa, Natanayel ngi Kana, hirwuy Galile, ziri ngi Zebedehey waɗ mizli ngisi Yesu mekelemey cuw, taŋ bumoˀ.

Ɓimezle ngi Yesu Kristu ZAŊ mitil di mi 6:42

Joˀ a ɓam ma na: «Hana i Yesu mangal ngi Zozef tuwa ta kwa? I sinaka cine ati mumuŋ le ngbaŋ. Wurenna a ɓi a po sar paɗ ti muŋ mbri mbrike?»

Ɓimezle ngi Yesu Kristu ZAŊ mitil di mi 6:5

Yesu a zuɓa hiri paɗɗa, keɗ na, zigiduw haɗa ara so ng'avaŋ, a ɓa Filipe: «I sa hiɗikoko ɗaf ngi zum da mizli hanayna amaka?»

Ɓimezle ngi Yesu Kristu ZAŊ mitil di mi 6:7

Filip a mbiɗaŋ di: «Ko ɗaf ngi suloy skat cuw ɓuluˀ ɓuluˀ kwana, anta tisla taŋ ta.»

SLRA 10:38

Ki sinaka le, Yesu ngi Nazarete, Buymisemuŋ a vulaŋ gidaŋ ngi ˀUf Mipala le, a liˀi ti gimezle ar lihey gar, a mbulo mizli muroko asi haŋ ngi Satanaya le gar, asi Buymisemuŋ naŋ da ati naŋ.

SLRA 2:22

«Kum Israyeley, cinaka mingiɓi ɗu ani: Yesu ngi Nazarete, i mbur Buymisemuŋ mibiga gidaŋ naŋ le ti naŋ. Buymisemuŋ miga cekenehey, gwat migam ɗa tahay ati gwat ngi zuma hirngahay wuzla kum na, mbele naŋ. Kum ti hirnga kumo, ki sinaka le.

SLRA 22:8

Yi mbiɗaŋ di: ‹I ka waka Buy?› A ɓiy ma: ‹I ya Yesu ngi Nazaret, ka masipiy nder nder na.›

SLRA 26:9

«Ya ti hirnga ɗu, yi cik vu le zleˀe haɗi ngi hirya slimiɗ ngi Yesu ngi Nazarete ti wer mbeˀ mbeˀ haɗi.

SLRA 3:6

Dar Piyer a ɓaŋ: «Ani, dala malla ɓiri tapasl tapasl anta avu ya ta, amma gwat ya misi ti naŋ na, yi vuluw di. Ti slimiɗ ngi Yesu Kristu ngi Nazarete, slikiɗ, a ru!»