Ɓimezle ngi Yesu Kristu ZAŊ mitil di mi 1:34 - Bible en langue guiziga

³⁴ Ya Zaŋ, i pura le, i ɓa le njah gisiŋ, Mangal ngi Buymisemuŋ, i naŋ.»

Ɓimezle ngi Yesu Kristu ZAŊ mitil di mi 1:34 ပူးပေါင်းရင်းမြစ်များ

DIMISEY 2:7

Ya buy madiɗa, i sa til mi ti ɓi micica, Bumbulvuŋ a ɓiy na: «Ki mangal ɗu, i yuw le nga dana.

Matiye 11:27

Baha a vuliy gwataya le gar. Mbur masina Mangal anta, sey Cine. Mbur masina Cine kwana anta, sey Mangal ati mbur naŋ muwuɗ le ɓa a bigaŋ di.

Matiye 16:16

Simoŋ Piyer a slaŋ di: «Ki Kristu, Mangal ngi Buymisemuŋ misi ti siifa.»

Matiye 17:5

Hirak ti naŋ maɓi aruŋ vuna si na, keɗ na, gazlavay minjazlazla a so sirta taŋ. Yo ay a cino tir gazlavay tuwa: «Mbur hana i Mangal ɗu ya mawuɗaŋ haɗa, ya hĩhĩyaŋ ɓa yi winaŋ! Cinaka mingiɓi naŋ!»

Matiye 26:63

Amma Yesu naŋ teˀteˀe. Joˀ masay madiɗa a ɓaŋ: «I cufuɗuw ti slimiɗ ngi Buymisemuŋ misi ti siifa, ɓa ndra di njah si: Ki Kristu, Mangal ngi Buymisemuŋ kwa?»

Matiye 27:40

a ɓam: «Ka mambuzla hay ngi Bumbulvuŋ ɓa ki ndira hiri naŋ a muŋ ar hin makir tuwa, da ki Mangal ngi Buymisemuŋ na, laha hirnga ɗik vuna ti haŋ ɗike so, yo po sar tir dum mizliraŋ!»

Matiye 27:43

A pula vu naŋ le mbak da Buymisemuŋ, asi a ɓi le: «Yi Mangal ngi Buymisemuŋ!» Na, da Buymisemuŋ ada wuɗaŋ na, anja a lahaŋ wurenna muduba so ayɗi!»

Matiye 27:54

Sojehey ati madiɗa taŋ, taŋ majiginaka Yesu bumoˀ tuwa mupuraka hirwuy muwus ati gwatay migam gar na, a ga taŋ zluwun le haɗi, a ɓam: «Mbur hana i Mangal ngi Buymisemuŋ zleˀe gisiŋ gisiŋ!»

Matiye 3:17

Dar ˀay a cino baɗ a muŋ: «Hana i mangal ɗu, ya mawuɗ haɗa, ya hĩhĩyaŋ ɓa i winaŋ.»

Matiye 4:3

Mitikina vu a kirih ng'avaŋ, a ɓaŋ: «Da ki Mangal ngi Buymisemuŋ na, ɓa ɗugur hanayna, ɓa a tiram ɗafahay sini.»

Matiye 4:6

a ɓaŋ: «Da ki Mangal ngi Buymisemuŋ na, hil sar nga ruwuy, asi a tohoko na: ‹Buymisemuŋ a sa ɓa modro naŋhay vur ka, a sa puˀukuw paˀ paˀ a haŋ taŋhay, vur ka masa dunuko sar avu ɗugur.›»

Matiye 8:29

Joˀ a zlaka a wudam: «Ki wuɗ mi avu ndra ka, Mangal ngi Buymisemuŋ? Ki so aka ngi ga ndra bonoy daf manja hin naŋ a ndilo si kwa?»

Mark 1:1

Ɓi mezle ngi Yesu Kristu, Mangal ngi Buymisemuŋ, a zli anihĩ:

Mark 1:11

ˀAy a cino paɗ a muŋ, a ɓi: «Ki mangal ɗu ya mawuɗow haɗa, i hĩyã le ɓa i wunuw.»

Ɓimezle ngi Yesu Kristu LUK mitil di mi 1:35

Modro a mbiɗaŋ di: «ˀUf Mipal a sa so ar ka, gidaŋ ngi Buymisemuŋ Mimadiɗa a sa sirtuw ti susuɗuk naŋ. Vurˀe, mangal masa ya ka na, naŋ pal, yo a sa zilaka Mangal ngi Buymisemuŋ.

Ɓimezle ngi Yesu Kristu LUK mitil di mi 3:22

ˀUf Mipal a po sar ar Yesu ti dumvu ka gonok. Yo ˀay a cino paɗ a muŋ, a ɓi: «Ki Mangal ɗu ya mawuɗow haɗa, i ra mumul vur ka haɗi.»

Ɓimezle ngi Yesu Kristu ZAŊ mitil di mi 1:18

Ko mbur mupura Buymisemuŋ ɗaˀ anta wãˀ. Amma Mangal naŋ kirmalay mujom ati Cine na, a biga ndra di le.

Ɓimezle ngi Yesu Kristu ZAŊ mitil di mi 1:49

Dar Natanayel a ɓaŋ: «Kumani, ki Mangal ngi Buymisemuŋ, ki buy madiɗa ngi Israyel.»

Ɓimezle ngi Yesu Kristu ZAŊ mitil di mi 10:30

Ya ati Baha, ndra purla.»

Ɓimezle ngi Yesu Kristu ZAŊ mitil di mi 10:36

Mbur Buymisemuŋ muwunaŋ, yo mislino di ng'ar duniya na, ki ɓakaŋ: ‹ki ra za Buymisemuŋ›, asi ya miɓi yi Mangal ngi Buymisemuŋ na.

Ɓimezle ngi Yesu Kristu ZAŊ mitil di mi 11:27

Marta a mbiɗa da Yesu: «Haˀaw, Buy! Yi tiɓa le, ki Mesi, ki Mangal ngi Buymisemuŋ masawa ar duniya tuwa.»

Ɓimezle ngi Yesu Kristu ZAŊ mitil di mi 19:7

Yudehey a mbiɗakaŋ di: «Ndrˀada ti ɓimujuwa. Kaɓa ɓi nah miɓi na, sey a mucu, asi a wa vu naŋ i Mangal ngi Buymisemuŋ.»

Ɓimezle ngi Yesu Kristu ZAŊ mitil di mi 20:28

Tomas a mbiɗaŋ di: «Aw Bumbulvuŋ Buymisemuŋ, ɗu!»

Ɓimezle ngi Yesu Kristu ZAŊ mitil di mi 20:31

Amma ɓi mutohoko misi ani hana gar na, ɓa ki tiɓam: Yesu i Mesi, i Mangal ngi Buymisemuŋ, yo ɓa kum mira tiɓam na, ki lumam siifa ngi sete ti slimiɗ naŋ.

Ɓimezle ngi Yesu Kristu ZAŊ mitil di mi 6:69

Ani ndra, i tiɓaka le, i sinaka le, ki mbur Mipal ngi Buymisemuŋ.»

ROMAHAY 1:4

Amma ti naŋ mislikiɗ ti wuzla mumucahay na, ˀUf Mipal a biga le ti gidaŋ, naŋ i Mangal ngi Buymisemuŋ.

KORENTIHEY MUCUW NAŊ 1:19

Asi Mangal ngi Buymisemuŋ, Yesu Kristu, ya ati Silveŋ waɗ Timote mitilam di mi a hay kum na, i «hĩ» waɗ «ŋˀŋˀ ma», jom cuw taŋ ta. Amma naŋ i «hĩ» tewle si.

HEBEREY 7:3

A sinaka cine ati mumuŋ naŋ ta, ko a sinaka tizer naŋ ta ma. A ɓaka ɓi ngi yi naŋ ati muc naŋ ɗaˀ ta wãˀ si. Naŋ a bam vu ati Mangal ngi Buymisemuŋ. Naŋ a ndir i masay hã ngi sete.

ZAŊ MUDUMBUŊ NAŊ 2:23

Ko wa gar misina Mangala ta na, kite a si na Cine ta ya si. Mbur matiɓa Mangala na, kite ara tiɓa Cine ya.

ZAŊ MUDUMBUŊ NAŊ 3:8

Mbur magi mungra na, i mbur ngi milyam, asi zle angi zli virzi naŋ na, milyam i migi mungra. Mangal ngi Buymisemuŋ mubugo vu na, ɓa ngi hirya slra ngi maliyam avra.

ZAŊ MUDUMBUŊ NAŊ 4:9

Buymisemuŋ a slino Mangal naŋ kirmalay ng'ar duniya, ɓa i lumam siifa ti seˀeŋ. Buymisemuŋ mibiga wuɗavu naŋ a wuzla ndra na, ti jiviɗ hana.

ZAŊ MUDUMBUŊ NAŊ 5:20

I sinaka le, Mangal ngi Buymisemuŋ a so le, a vula ndra lesl le ɓa i sinaka Buymisemuŋ migisiŋ gisiŋ. Ndra mujom ati Buymisemuŋ migisiŋ gisiŋ na, mbele Mangal naŋ Yesu Kristu. Naŋ i Buymisemuŋ migisiŋ gisiŋ, yo i siifa ngi sete ma gar.

ZAŊ MUCUW NAŊ 1:9

Ko wa gar macici zlak ar dubun ngi Kristu ta, amma maru kileŋ fineˀ nah ma na, naŋ manja Buymisemuŋ a hur naŋ. Mbur macici zlak ar dubun ngi Kristu na, naŋ ati Cine waɗ ati Mangala.

ƁIMUNJUYO 2:18

«Toho da modro ngi cikil ngi misikristu ngi Tiyatireye ɓaŋ na: Mangal ngi Buymisemuŋ, mbur misi hiri njilim njilim, kaɓa vu matiɓi haɗa haɗa, yo saraya kaɓa ɓiri gaza mukuleɗ kuleɗ, mipaka ti pi, a ɓi: