Ɓimezle ngi Yesu Kristu ZAŊ mitil di mi 1:29 - Bible en langue guiziga

²⁹ Li naŋ muwun na, Zaŋ a pura Yesu ara sawa ng'avaŋ, dar a ɓi: «Puraka, tumuŋ ngi Buymisemuŋ mazuɓa mungra ngi duniya.

Ɓimezle ngi Yesu Kristu ZAŊ mitil di mi 1:29 ပူးပေါင်းရင်းမြစ်များ

BI NGI ISRAYELEY 28:38

Aroŋ masa ru nga mbuŋ ɗu gar na, naŋ ti gwat ngi wuya nah a midibiɗ. Vurˀe, gwat Israyeley masa vulikiy di gar, da ko a vulikiy di kasl kasl ta tekeɗe kwana, i sa tiɓa mbele gwat nah.

EZAYI 53:10

Bumbulvuŋ a wuɗ ɓa a kutaŋ kanah ti bonoyo. Naŋ muvula vu naŋ ngi gi mikuli ngi ɗiya ɓi na, a sa pura dideˀ naŋhaya, hin ngi siifa naŋ a sa giɗ nga mbuŋ, naɓa gwat Bumbulvuŋ muwuɗ na, a sa gaŋ.

EZAYI 53:11

Ya Buymisemuŋ i ɓi na: Naŋ misi bonoy haɗa tuwa na, a sa pura dideˀ naŋhaya, hin ngi siifa naŋ a sa giɗi. Naŋ gawla ɗu, mizli a sa sinakaŋ, naŋ jeŋŋe, akẽh, a sa dubuna gi jeŋŋe da zigiduw haɗa, joˀ naŋ vuna a sa ɓusa jijira malambaˀ taŋ.

EZAYI 53:7

A pula vu naŋ mbak, a guzuvurakaŋ, ko a wun mi ta, kaɓa tumuŋ maram di nga sli ˀay, kaɓa madiya tumuŋ a mbuŋ mbur maslaŋ ngwice. Naŋ teˀ teˀ, ko a wun mi ta.

Ɗerewol OZE 14:2

Israyel, mawa ng'avu Bumbulvuŋ Buymisemuŋ ɗike so, ka maru tiɗam tiɗam na, asi gwat malambaˀ ɗik vuna.

LEVIHEY 10:17

«Useˀ migam di mikuli hana, ki humbuɗaka angi li mipal ta vur mike? Asi mike na, useˀ nah, naŋ pal wãˀ, Bumbulvuŋ a vulukum di ɓa ngi pula mungra ngi jum ngi Israyeley, yo ɓa ngi ga mezegwel ngi pula mungra.

ZAKARI 13:1

«Tapasa, yam a sa bo vilvil ar deɗe ngi slalak ngi buna dili ati mungra ngi mizli ngi hay Davitey ati ngi Zeruzalemeye.»

SLUFA VU 18:1

Dar Bumbulvuŋ a ɓa Aroŋ: «Da mizli a gam mungra le avu hay nga ya Buymisemuŋ na, buyɓi naŋ i ka ati ziri ɗik mizilehey waɗ mizli levihey. Amma da kum misa gam mungra le ar slra ngi gi mikuli na, buyɓi naŋ i ka pal ɗik ati ziri ɗikey.

SLUFA VU 18:23

Masa gam slra ar guɗuk ngi zlir ti ya i levihey. Da a gam malambaˀ le ar li nah na, ɓi nah avu taŋ. A sa tiri i ɓimujuwa avu taŋ hã ngi sete. Mizli leviheye, anta sa lumam hirwuyo kaɓa Israyel mekelemeye ta.

SLUFA VU 21:9

Moyis a ɗiyi kaw ti ɓiri gaza, a luwa law avu ɓamtal. Da kaw muhumbuɗ mbur le, a ɗuva hiri le avu kaw ngi ɓiri gaza nah na, a laha hutuŋ naŋ le.

SLUFA VU 7:27

gusoŋ pal, zlengereke pal, waɗ zuŋ tumuŋ ngi vi pal ngi gi mikuli mizlam zlam wãˀ.

SLUFA VU 7:39

gusoŋ pal, zlengereke pal, waɗ zuŋ tumuŋ ngi vi pal ngi gi mikuli mizlam zlam wãˀ.

Matiye 1:21

A sa yi mangal mizile, kisa zila Yesu, asi i naŋ masa laha mizli naŋhay avu mungra taŋhaya.»

Matiye 20:28

Naŋ kanah ya, Mangal ngi mbur a so ɓa mizli a tiram gawla naŋhay ta, amma ɓa a tiri gawla taŋ jaka, ɓa a vula hirnga naŋ ngi mbiɗa hirnga ngi mizli haɗi.»

Ɓimezle ngi Yesu Kristu ZAŊ mitil di mi 1:35

Li naŋ muwun na, Zaŋ naŋ da deŋ angi li tuwa ma ati mizli ngi seˀehey cuw.

Ɓimezle ngi Yesu Kristu ZAŊ mitil di mi 1:36

A ɗuva hiri taˀ angi Yesu macuh na, a ɓi: «Puraka, tumuŋ ngi Buymisemuŋ ani!»

Ɓimezle ngi Yesu Kristu ZAŊ mitil di mi 1:43

Li naŋ muwun na, Yesu a wuɗ aru nga Galile. A ji hirnga ti Filip, a ɓaŋ: «Sipiy.»

Ɓimezle ngi Yesu Kristu ZAŊ mitil di mi 2:1

Ngi hin mimakir naŋ na, ara vulam ngwas a Kana, hirwuy Galile. Mumuŋ ngi Yesu naŋ da a diga.

Ɓimezle ngi Yesu Kristu ZAŊ mitil di mi 3:16

«Naŋ kine, Buymisemuŋ a wuɗ duniya le haɗi, hã a vulo Mangal naŋ kirmalay, ɓa mbur gar mitiɓaŋ le na, a zizi ta, amma a lum siifa ngi sete.

Ɓimezle ngi Yesu Kristu ZAŊ mitil di mi 4:42

Dar a ɓaka ngwas tuwa: «Ndra matiɓam na, vur ɓi ka miɓa ndra di na mata, amma i cinam mingiɓi naŋ le ti slimiɗ ndra, yo i sinaka le, naŋ i Milaha duniya gisiŋ.»

Ɓimezle ngi Yesu Kristu ZAŊ mitil di mi 6:51

«Yi ɗaf misi ti siifa maposar paɗ ti muŋ. Mbur masa zum ɗaf hana na, a sa ndir ti siifa hã ngi sete. Yo ɗaf ya masa vula vuna i meficek ngi vu ɗu, i vula ɓa mizli ngir duniya a ndiram ti siifa.

SLRA 13:39

Mbur mitiɓa le na, a lih le wãˀ.

SLRA 8:32

Ɓi naŋ maslufa ar Ɓimutoho vuna, n'ani: «Naŋ kaɓa tumuŋ maram di nga sli ˀay, kaɓa tumuŋ milek lek a mbuŋ mbur maslaŋ ngwici. Naŋ kine, ko a wun mi ta.

KORENTIHEY MUDUMBUŊ 15:3

Ɓi ya muɓukum di dumbuŋ na, i ɓi ya mitiɓa ti hirnga ɗu vuna, n'anihĩ: Kristu a muc vur mungra ndrahay, kaɓa Ɓimutoho miɓa.

KORENTIHEY MUCUW NAŊ 5:21

Kristu a gi mungra ɗaˀ ta. Amma Buymisemuŋ a tiri di misi purla ati ndra migi mungrahay, ɓa Buymisemuŋ a ɗiya ndra jeŋŋe a mbuŋ naŋ, ti seˀeŋ.

GALATAY 1:4

I Kristu ti haŋ naŋ muvula hirnga naŋ ngi laha ndra tir mungra ndraˀahaya, ɓa a tuɓo ndra moh avu duniya magi malambaˀ hana, kaɓa Cine ndra Buymisemuŋ muwuɗu.

GALATAY 3:13

Kristu a mbiɗa hirnga ndra le avu nis ngi ɓimujuwa. Naŋ vuna a tiri minisa le ar deɗe ndra. Naŋ kine, a tohoko na: «Ko wa gar midiraka le avu dum na, i minisa le.»

TIMOTE MUDUMBUŊ NAŊ 2:6

Naŋ, a vula hirnga naŋ le, ɓa ngi mbuɗo hirnga ngi mizli gar. Naŋ kine, Buymisemuŋ a wuɗ ɓa mizli gar a laham. A biga tisi Yesu Kristu muvula hirnga naŋ angi hin Buymisemuŋ misla na.

Ɗerewol TIT 2:14

Kristu a vula hirnga naŋ le ti haŋ naŋ vur ndra, ɓa ngi mbuɗo hirnga ndra tir gi gwat lambaˀ gar, yo ɓa a buna ndra celelle da naŋ, ndra mihirdam hirdam ngi gi gwat mezlehey na.

HEBEREY 1:3

Mangal nah na, i wucuɗ ngi dudok ngi Buymisemuŋ, Buymisemuŋ, naŋ kahana kahana na, a bugo di le wãˀ. Yo majaha gwatay gar na, i naŋ ti mingiɓi naŋ migidaŋ. A dirba naŋ mubuna mungra ngi mizli avra na, a cifi a muŋ tir vay hazum ngi Buymisemuŋ migidaŋ wãˀa.

HEBEREY 2:17

Vurˀe, sey a tiri rak rak kaɓa sukum naŋhay ar gwat gar, ɓa a tiri masay madiɗa a mbuŋ Buymisemuŋ, mapur ˀircece, miteŋteŋ ar slra naŋ a mbuŋ Buymisemuŋ, ɓa ngi puya mungra ngi mizli avra.

HEBEREY 9:28

Naŋ kine, Kristu kwana, a vula hirnga naŋ ngi gi mikuli a mbuŋ Buymisemuŋ is purla, ɓa ngi zuɓa mungra ngi zigiduw haɗi avra, yo a sa bugo vu is purla sar mucuw naŋ ma, anta ngi zuɓa mungra mata, amma ngi laha mizli makutukokoŋ.

PIYER MUDUMBUŊ NAŊ 1:19

Amma a mbuɗo hirnga kumo ti pumbus hirnga wãˀ ngi Yesu Kristu, mitiri kaɓa tumuŋ manja malambaˀ ava, manja hereweɗ ava na.

PIYER MUDUMBUŊ NAŊ 2:24

Kristu ti haŋ naŋ, a zuɓa mungra ndraˀahaya le avu dumvu naŋ, angi dum mizliraŋ, ɓa i micam avu mungra ndraˀahaya, yo ɓa i cifam ti gi gwat mijeŋŋe. Kum mumbulom na, asi waˀa naŋhay na.

PIYER MUDUMBUŊ NAŊ 3:18

Asi mike na, Kristu ti haŋ naŋ, a muc is purla tewle vur mungra ngi mizli. Naŋ, mbur mijeŋŋe, a muc vur mizli migi gwat mijeŋ tahay, ɓa a sa bugukum da Buymisemuŋ. A kiɗaka le vagay ar dumvu naŋ, amma ˀUf Mipal, a mo di le ar siifa a muŋ.

ZAŊ MUDUMBUŊ NAŊ 2:2

Asi naŋ, i mbur muvula hirnga naŋ ngi gi mikuli a mbuŋ Buymisemuŋ ɓa ngi zuɓa mungra ndrahay avra. I mungra ngi ndrahay tew ta, amma vur mungra ngi mizli ngi duniya gar.

ZAŊ MUDUMBUŊ NAŊ 3:5

Na, ki sinaka le, Yesu a so ngi zuɓa mungra ngi mizli avra, amma naŋ, ko mungra anta ava ta.

ZAŊ MUDUMBUŊ NAŊ 4:10

Wuɗavu na, n'ani: i ndra muwuɗam Buymisemuŋ ta, i naŋ muwuɗ ndra, a slino Mangal naŋ ngi gi mikuli ngi puya mungra ndrahay avra.

ƁIMUNJUYO 1:5

Waɗ tivu Yesu Kristu, mbur migi sedewo mikaslsla, modogom mislikiɗ dumbuŋ ti wuzla mumucahay, yo Buy miwi buy madiɗa ngi ruwuyoy. Kristu ara wuɗ ndra, a tuɓo ndra le tivu mungra ndraˀahaya ti pumbus naŋ.

ƁIMUNJUYO 12:11

Amma taŋ a pakaŋ hirnga le, mbele pumbus ngi tumuŋ, yo mbele mingiɓi, taŋ migaka sedewo naŋ na ma. A tiɓaka le ɓa a vulaka hirnga taŋ, hã a micam.

ƁIMUNJUYO 13:8

Mizli ngisi ruwuyoy gar, misi slimiɗ taŋ manja tuh angi ɗerewol ngi siifa ngi tumuŋ mikiɗaka vagay tuwa, waɗ mizli, slimiɗ taŋ manja tuh zle ti ɗuva virzi ngi duniya na, a sa dilkam a mbuŋ naŋ.

ƁIMUNJUYO 14:1

Joˀ yi pur hiri ma, keɗ na, tumuŋ deŋ a muwã Siyoŋ. Mizli mudurmuk skat ti kukur mufaɗ nga mufaɗ, misi ti slimiɗ naŋ, waɗ ngi Cine toh toh a midibiɗ taŋhay tuwa, taŋ bumoˀ.

ƁIMUNJUYO 14:10

naŋ vuna kwana, a sa si mbaazla ngi himaˀ ngi Buymisemuŋ ya, mbaazla manja lihiɗ, mipaka sek ng'ar sikiɗ ngi himaˀ ngi Buymisemuŋ. Yo a sa si bonoy angi vu ati baruudu a mbuŋ modro ngi Buymisemuŋhoy waɗ a mbuŋ tumuŋ.

ƁIMUNJUYO 14:4

Mizli tayna, ko a hiryaka vu taŋ ti hin ti ngwasaya ta, taŋ ngbuˀo ngbuˀo kine. A ra sipaka tumuŋ ng'ar li naŋ maru gar. A mbuɗo hirnga taŋ le ti wuzla mizli, taŋ i muvula mudumbuŋ dumbuŋhoy da Buymisemuŋ, waɗ da tumuŋ.

ƁIMUNJUYO 15:3

A ra zlam dimis ngi Moyis, gawla ngi Buymisemuŋ, waɗ dimis ngi tumuŋ. A zlaka na: «Bumbulvuŋ Buymisemuŋ, misi gidaŋ wãˀ, slra ɗike naŋ haɗa, i ngi pur hiri ngal ngal. Aw Buy madiɗa ngi sukwi ngi mizli ngi si ruwuyoy gar, gwat ɗikey, ka miɗiya jiviɗ taŋ gar na, taŋ kasl kasl, taŋ jeŋŋe.

ƁIMUNJUYO 17:14

A sa gam vurum ati tumuŋ, amma tumuŋ a sa pa taŋ hirnga. Asi tumuŋ i Bumbulvuŋ mifina kulihey, yo i Buy madiɗa ngi buy madiɗahay. Mizli, naŋ mizila taŋ, naŋ muwuna taŋ, yo miteŋteŋ naŋhaya, jom ati naŋ, a sa paka taŋ hirnga ma.»

ƁIMUNJUYO 19:7

Mumulukum, zluzluɓukum, i gakaŋ dudoko! Asi hin ngi vula ngwas ngi tumuŋ a ndilo le. Ngwas naŋ a juw vu le.

ƁIMUNJUYO 19:9

Modro ngi Buymisemuŋ a ɓiy: «Toho na: Mizli mazilaka taŋ nga zuma ɗaf ngi vula ngwas ngi tumuŋ na, taŋ ar wuya!» A ɓiy ma: «Hana i mingiɓi ngi Buymisemuŋ vuna si.»

ƁIMUNJUYO 21:14

A ɗuvaka virzi ngi moholo angi ɗuguroy kuruˀ nga cuw, waɗ slimiɗ ngi mislin ngi tumuŋhoy mukuruˀ nga cuwo toh toh angi ɗuguroy tuwa.

ƁIMUNJUYO 21:27

Gwat misi dili anta sa ci angi walahay nah ta wãˀ. Ko mbur magi gwat ngi hirya li, magi slir gar na, anta sa ci anga ta. Masa cama, sey i mizli misi slimiɗ taŋ i mutoho le angi ɗerewol ngi siifa, ɗerewol ngi tumuŋ tuwa.

ƁIMUNJUYO 21:9

Modro mitarnaˀhay misi kaw kaw ti sikiɗ mipeɗepeɗe peɗepeɗe ti bonoy ngi dirbahay tarnaˀ tuwa, pal ngi si taŋ a sawa, a ɓiy na: «Sawa, i sa buguw meketeŋ ngi tumuŋ na.»

ƁIMUNJUYO 5:6

Dar yi pur tumuŋ deŋ a wuzla janga ngi buyo, a wuzla gwat misããmi mumufaɗay, waɗ a wuzla mizli micawwahay kukur cuw nga mufaɗ tuwa. Tumuŋ nah, a pur kaɓa a kiɗaka le zleˀe vagay ɗaˀa. Naŋ ti durum tarnaˀ, hiri tarnaˀ. Tayna i ˀufoy tarnaˀ Buymisemuŋ mislino taŋ ng'asi ruwuy gar.

ƁIMUNJUYO 5:8

Naŋ mitiɓa ɗerewolo si na, gwat misããmi mumufaɗay ati mizli micawwahay tuwa a dilkam a mbuŋ naŋ. Mbur gar, naŋ ti gujuvur kaw a haŋ kaw a haŋ, waɗ sikiɗ ngi ɓiri tapasl tapasl, mbaf mbaf ti mukuturɓuy ngi zlum ti zlum. Tayna, i diradibiɗ ngi mizli ngi Buymisemuŋhoy.

ƁIMUNJUYO 6:1

Dar i pur hiri ma na, tumuŋ a turo sluruɓ mudumbuŋ ngi wuzla mitarnaˀhay tuwa. I cin na, a wuzla gwat misããmi mumufaɗaya, mudumbuŋ a til mi kaɓa ndisl ngi vuŋ, a ɓi: «Sawa!»

ƁIMUNJUYO 6:16

Joˀ a ɓaka muwãhay ati gidigil muwãhaya: «Mbuzloko ng'ar ndra, ɗumom ndra kileŋ a mihiri ngi mbur muangi janga naŋ ngi buy na, yo kileŋ avu himaˀ ngi tumuŋ na.

ƁIMUNJUYO 7:14

Yi mbiɗaŋ di: «Buy ɗu, misina, i ka!» Dar a ɓiy: «Taŋ i mizli mucohoko baɗ tir bonoy madidiɗa. A bunaka jibe taŋhaya le, yo a pusluɗaka taŋ le angi pumbus ngi tumuŋ.

ƁIMUNJUYO 7:17

Asi tumuŋ misi a wuzla janga ngi buy na, a sa tiri mijigin taŋ, a sa ru ti taŋ ng'ar miviɗiviɗi ngi yam. Dar Buymisemuŋ a sa sohõ taŋ tuwuy ngivi hiri taŋhaya ceke.»