Ɓimezle ngi Yesu Kristu ZAŊ mitil di mi 1:18 - Bible en langue guiziga

¹⁸ Ko mbur mupura Buymisemuŋ ɗaˀ anta wãˀ. Amma Mangal naŋ kirmalay mujom ati Cine na, a biga ndra di le.

Ɓimezle ngi Yesu Kristu ZAŊ mitil di mi 1:18 ပူးပေါင်းရင်းမြစ်များ

ZLI VIRZI 16:13

Agar a ca slimiɗ da Bumbulvuŋ miɓaŋ ɓi zleˀe tuwa, «Elroy, Buymisemuŋ mupur ɗu.» Asi a ɓi ti kwacay naŋ zleˀe na: «Ya mupur akaka na, i ka Buymisemuŋ mupur ɗu na gisiŋ kwa?»

ZLI VIRZI 18:33

A dirba Buymisemuŋ mitika mingiɓi naŋ ati Abram na, a cuhu, joˀ Abram kwana a mi ngi hay naŋ.

BI NGI ISRAYELEY 23:21

Jam lesl kuy kuy ɓa ki cinakaŋ mi, ki gakaŋ gwat ngi ji mevel ta, da ki slikiɗam ɓi le na, naŋ anta sa ɓusa ta, asi a ga gwata ti slimiɗ ɗu.

BI NGI ISRAYELEY 24:10

A puraka Buymisemuŋ ngi Israyele le. Li ɗigar midirka ti ɗugur mupuɗaw ngil ngil, cay asi sar naŋ, naŋ ngil ngil kaɓa birngiŋ.

MIKUCUWULOY 8:30

naɓa yi buy ngi slra a cikeˀe, vur hin gar na, i ra gaŋ mumul, i ra gi dungur a mihiri naŋ pas gar,

EZAYI 40:11

Naŋ kaɓa mijigin maru ti ginewey ng'ar li zum, a ska haŋ sik na, a kuso taŋ arleˀe. A hila ziri tumuŋhoyo jup a didak, yo tumuŋ misi ziri asi taŋ na, aru taŋ ti sekvu.»

TUWUY 2:12

Ziri tuwa, a ɓaka mumuŋ taŋhaya: «Gwat ngi zum ati ngi si amaka?» A roko ndilam nguruf nguruf, ar li ngi luuma ngir walahayaya, kaɓa mizli mulumam waˀa le, a roko micam gumbuˀ gumbuˀ a didak mumuŋ taŋhaya.

SLUFA VU 12:8

I ɓaŋ ɓi, ndra hiri taˀ taˀ, i ɓaŋ di njah njah, i bigaŋ vu, a puriy ya Bumbulvuŋ le a mbuŋ naŋ. Na kumo, ki zlaka, ki dirɗa gawla ɗu Moyise mbri mbrike?»

Matiye 11:27

Baha a vuliy gwataya le gar. Mbur masina Mangal anta, sey Cine. Mbur masina Cine kwana anta, sey Mangal ati mbur naŋ muwuɗ le ɓa a bigaŋ di.

Ɓimezle ngi Yesu Kristu LUK mitil di mi 10:22

Baha a pula gwataya le gar asi haŋ ɗu. Hana i Mangal na, mbur misina anta, sey Cine. Malla hana i Cine na, mbur misina anta, sey Mangal ati ko wa gar Mangal muwuɗ le ɓa a njikaŋ di.»

Ɓimezle ngi Yesu Kristu ZAŊ mitil di mi 1:14

Yo Mingiɓi tuwa a tiri mbur titra le. A cifi a wuzla ndra ti gimezle ati ɓi ɓi mikaslsla haɗa. I puraka dudok naŋ le. I dudok ngi Mangal kirmalay mulumo di avu Cine.

Ɓimezle ngi Yesu Kristu ZAŊ mitil di mi 12:41

Ezayi a ɓi kahana vur a pura dudok ngi Yesu le, yo naŋ miɓi na, vurˀeŋ.

Ɓimezle ngi Yesu Kristu ZAŊ mitil di mi 13:23

Mbur purla a wuzla mizli ngi seˀehey tuwa, mbur naŋ mawuɗaŋ haɗa na, naŋ joˀ gweˀ acikeˀeŋ.

Ɓimezle ngi Yesu Kristu ZAŊ mitil di mi 14:9

Yesu a ɓaŋ: «Yi zik le haɗa ati kumo, dambalaka ki siniy t'aruŋ kwa Filip? Mbur mupuriy le na, naɓa a pura Baha le si. Ki ɓi: ‹Buga ndra Bunuko› na, mbri mbrike?

Ɓimezle ngi Yesu Kristu ZAŊ mitil di mi 17:26

Yi biga taŋ slimiɗ ɗike le. I sa biga taŋ di ava ma, ɓa wuɗavu ɗik, ka mawuɗiy na, a ndir a hur taŋ, yo ya kwana a hur taŋ ma.»

Ɓimezle ngi Yesu Kristu ZAŊ mitil di mi 17:6

Mizli ka mubo ti taŋ tir duniya, ka muvuliy taŋ na, yi biga taŋ slimiɗ ɗike le. Taŋ i ngi ɗikey, ki vuliy taŋ le, a jaka mingiɓi ɗike le a hirnga.

Ɓimezle ngi Yesu Kristu ZAŊ mitil di mi 3:11

Gisiŋ gisiŋ, yi ɓuw na: i ɓam di i ɓi ngi gwat ndra misinaka le, i gam di i sedewo ngi gwat ndra mupuraka le. Amma ko kum anta tiɓaka sedewo ndra ta.

Ɓimezle ngi Yesu Kristu ZAŊ mitil di mi 6:46

Mbur mupura Baha ɗaˀ anta, sey mbur muso ti vu Buymisemuŋ na, naŋ a pura Cine le ɓula.

KORENTIHEY MUCUW NAŊ 4:4

Mizli misi hirnga gidaŋhay anta tiɓaka Ɓimezle ta, asi Satan, taŋ madilkam a mbuŋ naŋ ar duniya hana na, a digisla taŋ lesle le, ɓa li minjahha ngi Ɓimezle, ngi ga dudok da Kristu na, a puraka ta. Kristu i foto ngi Bumbulvuŋ vuna.

Slu cuw 4:12

Bumbulvuŋ a ɓo kum ti wuzla vu, ki cinaka naŋ maɓi na le ɓula, amma ki puraka hiri naŋ ta, ki cinam di i ˀay naŋ si.

KOLOSOY 1:15

Kristu i foto ngi Buymisemuŋ mizli mapuraka gu ta na, i modogom ar gwatay Buymisemuŋ miga taŋ gar.

TIMOTE MUDUMBUŊ NAŊ 1:17

Buy madiɗa ngi sete, Buymisemuŋ mamuc ta, mbur mapura gu ta wãˀ, Buymisemuŋ mupurla na, anja mizli a ɗuvakaŋ hirnga, a gakaŋ dudok hã ngi sete, ngi samadin! Amin.

TIMOTE MUDUMBUŊ NAŊ 6:16

Mamuc ta wãˀ, i naŋ pal naŋ. Naŋ angi li miciɗak ciɗak, mbur a ndil ng'ava gu ta. Ko mbur mupuraŋ ɗaˀ anta, yo mbur mapuraŋ gu anta wãˀ. Dudok ati gidaŋ ngi sete, inga naŋ. Amin.

ZOZUWE 5:13

Ngi pas numuŋ ada na, Zozuwe a ro gweˀ avu Zeriko. A zuɓa hiri nga muŋ paɗɗa, keɗ na, mbur deŋ, hiri pulaˀ ng'ar naŋ, maslalam kaw a haŋ. Akẽh na, Zozuwe a kirih ng'avaŋ, a ɓaŋ: «Ki mbur ngisi ndra kwa malla ngi mizli mazliram ti ndra ta na kwa mbrike?»

ZAŊ MUDUMBUŊ NAŊ 4:12

Mbur mupura Buymisemuŋ ɗaˀ anta ndiɗaˀ wãˀ. Amma da i ra wuɗam vu ar wala ndra na, Buymisemuŋ naŋ da jom ati ndra, yo naɓa wuɗavu naŋ, naŋ njah wãˀ a hur ndra.

ZAŊ MUDUMBUŊ NAŊ 4:20

Da mbur a ɓi: «I ra wuɗ Buymisemuŋ», amma ara hirsa sukum naŋ na, naɓa i mbur misi slir. Asi mike na, sukum naŋ, naŋ mapura, da naŋ anta wuɗaŋ ta na, a sa wuɗa Buymisemuŋ, naŋ mapura gu ta mbri mbrike?

ZAŊ MUDUMBUŊ NAŊ 4:9

Buymisemuŋ a slino Mangal naŋ kirmalay ng'ar duniya, ɓa i lumam siifa ti seˀeŋ. Buymisemuŋ mibiga wuɗavu naŋ a wuzla ndra na, ti jiviɗ hana.

ZAŊ MUDUMBUŊ NAŊ 5:20

I sinaka le, Mangal ngi Buymisemuŋ a so le, a vula ndra lesl le ɓa i sinaka Buymisemuŋ migisiŋ gisiŋ. Ndra mujom ati Buymisemuŋ migisiŋ gisiŋ na, mbele Mangal naŋ Yesu Kristu. Naŋ i Buymisemuŋ migisiŋ gisiŋ, yo i siifa ngi sete ma gar.