Ɓimezle ngi Yesu Kristu ZAŊ mitil di mi 1:14 - Bible en langue guiziga

¹⁴ Yo Mingiɓi tuwa a tiri mbur titra le. A cifi a wuzla ndra ti gimezle ati ɓi ɓi mikaslsla haɗa. I puraka dudok naŋ le. I dudok ngi Mangal kirmalay mulumo di avu Cine.

Ɓimezle ngi Yesu Kristu ZAŊ mitil di mi 1:14 ပူးပေါင်းရင်းမြစ်များ

DIMISEY 2:7

Ya buy madiɗa, i sa til mi ti ɓi micica, Bumbulvuŋ a ɓiy na: «Ki mangal ɗu, i yuw le nga dana.

DIMISEY 45:2

A ra giy vekeɗ vekeɗ a mevele ngi ɓi ɓi mezle, i wuɗ i zli di dimis ngi ɗuva hirnga da buy madiɗa. Anja ˀirne ɗu a bam vu ati gwat ngi toho gwat ngi mbur misina toho gwat le ti jiviɗ naŋ cirɗeɗɗe.

DIMISEY 85:9

Ɓi ngi Bumbulvuŋ, Buymisemuŋ maɓa na, i ra cina. A ɓi ɓi ngi vula zuy da mizli naŋhay ati mizli miteŋteŋ naŋhaya, amma anja a mam ng'ar gi gwat taŋ ngi gilaway na mata so!

EZAYI 40:5

Akẽh na, dudok ngi Bumbulvuŋ a sa bugo vu, dar mizli gar a sa sinaka muduba, i Bumbulvuŋ miɓa ti mi naŋ.»

EZAYI 53:2

Asi mike na, Buymisemuŋ, gawla naŋ a gil a mihiri naŋ kaɓa kalaf, sluwraŋ kaɓa slaslalak muɗuɗo kalaf ar li papala. Kuy malla gwat ngi ngilawuy, ɓa a ga ndra kuy ngi puraŋ na, anta ava ta. Ko deŋ naŋ kwana, anta kaɓa ndra mawuɗam ngi pur na ta.

EZAYI 7:14

Bumbulvuŋ vuna tihaŋ naŋ ara vulukum gwat mabigi gwat ani: Puraka, zuŋ diili a sa gi hur, a sa yi mangal mizile, dar a sa zila Emanuwel.

EZEKIYEL 37:27

Li cifi ɗu a sa ndir a wuzla kum. I sa ndir yi Buymisemuŋ kum, yo kumo, kisa ndiram i mizli ɗuwoy.

Matiye 1:16

Zakop a yi Zozef, zil ngi Mariya miya Yesu mazilaka Kristu.

Ɓimezle ngi Yesu Kristu LUK mitil di mi 2:11

Puraka, a yukum Milahavu le ngadana, angi walahay ngi Daviti. I Buy Kristu.

Ɓimezle ngi Yesu Kristu LUK mitil di mi 2:7

A ya mangal naŋ modogomo, a mbiza ti zana, a hina ar li ngi vula gwat ngi zum da ginewey. Asi li ngi hin da taŋ anta ar hay ngi mulakaya ta.

Ɓimezle ngi Yesu Kristu LUK mitil di mi 9:32

Piyer ati cil naŋhay a hinjam le ɗok ɗok wãˀ, amma taŋ mupuɗkam na, a puraka dudok ngi Yesu waɗ mizli mucuwoy tuwa dedeŋ ati naŋ.

Ɓimezle ngi Yesu Kristu ZAŊ mitil di mi 1:1

Angi zlivirzi ngi gwatay gar na, Mingiɓi naŋ da zlezle si. Mingiɓi, naŋ ati Buymisemuŋ, Mingiɓi i Buymisemuŋ.

Ɓimezle ngi Yesu Kristu ZAŊ mitil di mi 11:40

Amma Yesu a mbiɗaŋ di: «Yi ɓuw le, da ki tiɓiy le na, kisa pura dudok ngi Buymisemuŋ kini ta kwa?»

Ɓimezle ngi Yesu Kristu ZAŊ mitil di mi 14:6

Yesu a ɓaŋ: «Yi jiviɗ, yi ɓi mikaslsla, yo yi siifa. Ko mbur maru ng'avi Baha gu anta, sey a bi ti vi ya.

Ɓimezle ngi Yesu Kristu ZAŊ mitil di mi 14:9

Yesu a ɓaŋ: «Yi zik le haɗa ati kumo, dambalaka ki siniy t'aruŋ kwa Filip? Mbur mupuriy le na, naɓa a pura Baha le si. Ki ɓi: ‹Buga ndra Bunuko› na, mbri mbrike?

Ɓimezle ngi Yesu Kristu ZAŊ mitil di mi 17:22

Ya kwana, dudok ka muvuliy di na, yi vula taŋ di le ya, ɓa a tiram purla ka ndra mupurla ati ka na ya.

Ɓimezle ngi Yesu Kristu ZAŊ mitil di mi 17:24

Baha, mizli ka muvuliy taŋ na, yi wuɗ ɓa taŋ kwana, a ndiram ati ya ar li ya misi anga na ya, ɓa a singilaka dudok ka muvuliy di na, asi ki wuɗ ya le zle ti duniya mizli virzi t'aruŋ.

Ɓimezle ngi Yesu Kristu ZAŊ mitil di mi 18:37

Dar Pilat a ɓaŋ: «Na, ki buy sukwani?» Yesu a mbiɗaŋ di: «Maɓi yi buy na, i ka. A yikiy, yo yi so ar duniya ɓa ngi gi sedewo vur ɓi mikaslsla. Ko wa gar mawuɗ ɓi mikaslsla gar na, a cine mingiɓi ɗu.»

Ɓimezle ngi Yesu Kristu ZAŊ mitil di mi 2:11

Hana i cekene mudumbuŋ naŋ, Yesu miga a Kana hirwuy Galile. A biga dudok naŋ a diga. Joˀ mizli ngi seˀehey a tiɓakaŋ.

Ɓimezle ngi Yesu Kristu ZAŊ mitil di mi 3:16

«Naŋ kine, Buymisemuŋ a wuɗ duniya le haɗi, hã a vulo Mangal naŋ kirmalay, ɓa mbur gar mitiɓaŋ le na, a zizi ta, amma a lum siifa ngi sete.

Ɓimezle ngi Yesu Kristu ZAŊ mitil di mi 3:18

Ko wa mitiɓaŋ le na, a gakaŋ kiita ta. Amma ko wa mitiɓaŋ ta na, kiita a jaŋ le si, asi a tiɓa slimiɗ ngi Mangal kirmalay ngi Buymisemuŋ ta.

Ɓimezle ngi Yesu Kristu ZAŊ mitil di mi 6:51

«Yi ɗaf misi ti siifa maposar paɗ ti muŋ. Mbur masa zum ɗaf hana na, a sa ndir ti siifa hã ngi sete. Yo ɗaf ya masa vula vuna i meficek ngi vu ɗu, i vula ɓa mizli ngir duniya a ndiram ti siifa.

Ɓimezle ngi Yesu Kristu ZAŊ mitil di mi 8:32

Ki sa sinaka ɓi mikaslsla, ɓi mikaslsla a sa tiri ti kum mizli mulumam hirnga taŋ le.»

SLRA 13:33

Wurenna, ndra ziri taŋhaya, Buymisemuŋ a ga ndra di le wãˀ ti naŋ mislikiɗa Yesu, kaɓa mutohoko ɓi naŋ angi Dimis ngi Davit, sapitir mucuw naŋ, miɓi: ‹Ki Mangal ɗu, I yuw le nga dana na.›

ROMAHAY 8:3

Gwat ɓimujuwa ngi Moyis maga gu ta, asi kpak ngi vu ngi mbur mavuso na, Buymisemuŋ a ga le, a ga kiita le da mungra misi avu kpak ngi vu ngi mburo, ti naŋ mislino Mangal nga naŋ na. Mangala, naŋ ti kpak ngi vu mupurla ati ngi ndra magam di mungra na. A so ɓa ngi zuɓa mungra avra,

ROMAHAY 9:5

Taŋ i ziri ngi dideˀ taŋ mudumbuŋhoy, yo Kristu mitiri mbur titra na kwana, a ya ka angi sukwi taŋ. Naŋ dum hirnga ngi gwatay gar, anja mizli a hunumaka Buymisemuŋ caˀa! Amin.

KORENTIHEY MUDUMBUŊ 15:47

Mbur mudumbuŋ, a gaka ti murɓuk, naŋ i hirwuy. Mbur mucuw naŋ, a so paɗ ti muŋ.

KORENTIHEY MUCUW NAŊ 12:9

Amma a mbiɗiy di na: «Gi mezle ɗu, naŋ muk ti ka si. Gidaŋ ɗu a gi slra mbar vu wãˀ angi mbur mihĩhĩy le.» Vurˀe, yi huhum vu dum le asi hĩhĩy ɗu, ɓa gidaŋ ngi Kristu a ndir ar ya.

GALATAY 4:4

Amma hin Buymisemuŋ misla, mindila na, Buymisemuŋ a slino Mangal naŋ, i ngwas miyaŋ. Joˀ a hin hirnga a mbuŋ ɓimujuwa,

EFESEY 3:8

Mitiɓihey ngi dirbahay wãˀ na, yi mikiɗa mi taŋ ndok wãˀ. Dambalaka na, Ɓimezle ngi Kristu mihaɗi makiɗ mi ta na, Buymisemuŋ a giy mezle le, ɓa i til di mi da mizli Yudehey ta na.

KOLOSOY 1:19

Asi Buymisemuŋ a hĩyã le, ɓa naŋ vuna wãˀ, a ndir jom ati Mangal naŋ.

KOLOSOY 2:3

Sinmijileŋ ati sin maso ti vaˀa gar na, taŋ ɗum ɗum angi Kristu.

KOLOSOY 2:9

Asi Buymisemuŋ wãˀa, a tiri dumvu, naŋ da jom ati Kristu.

TIMOTE MUDUMBUŊ NAŊ 3:16

Gisiŋ, ɓi mufuna wuluk ngi mbur, ndra masipaka na, i ɓi madiɗa! Yesu Kristu a bugo vu ti dumvu ngi mbur, ˀUf Mipal a biga le, naŋ jeŋŋe, modro ngi Bumbulvuŋhoy a purakaŋ le keɗ keɗe, a tilam di mi le a wuzla sukwi ngi mizli, duniya keɗeɗe a tiɓakaŋ le, yo a zuɓaka le nga luuma dudok a muŋ.

HEBEREY 1:3

Mangal nah na, i wucuɗ ngi dudok ngi Buymisemuŋ, Buymisemuŋ, naŋ kahana kahana na, a bugo di le wãˀ. Yo majaha gwatay gar na, i naŋ ti mingiɓi naŋ migidaŋ. A dirba naŋ mubuna mungra ngi mizli avra na, a cifi a muŋ tir vay hazum ngi Buymisemuŋ migidaŋ wãˀa.

HEBEREY 1:5

Asi mike na, Buymisemuŋ miɓi angi Ɓimutoho: «Ki Mangal ɗu, i yuw le dana» na, Ko a ɓi vur modrohoyo ɗaˀ kahana ta. «I sa tiri Cine naŋ, naŋ kwana, a sa tiri Mangal ɗu» na, a ɓa taŋ ɗaˀ ta ma.

HEBEREY 10:5

Vurˀe, hirak ɓa Kristu maco ng'ar duniya na, a ɓa Buymisemuŋ: «Mikuli ti ginewey ati sedegehey na, ki wuɗ taŋ ta, dar ki ndiriy dumvu.

HEBEREY 2:11

Asi mike na, Yesu, naŋ mbur migi mikuli a mbuŋ Buymisemuŋ ati mizli, naŋ muvula taŋ le da Buymisemuŋ vuna na, taŋ gar a boko ti vu Cine purla. Vurˀe, naŋ anta gi mesem ngi zila taŋ sukum naŋhaya ta.

HEBEREY 5:5

Naŋ kine, Kristu mitiri masay madiɗa a mbuŋ Buymisemuŋ na, i naŋ muwuɗ dudok da hirnga naŋ tehhe a muŋ ta. Naŋ mitiri na, asi Buymisemuŋ a ɓaŋ le: «Ki Mangal ɗu, i yuw le dana.»

ZAŊ MUDUMBUŊ NAŊ 4:14

Cine ndra a slino Mangal naŋ le ngi laha duniya, ndr'i puraka le, i ra gaka sedewo naŋ.

ZAŊ MUDUMBUŊ NAŊ 4:9

Buymisemuŋ a slino Mangal naŋ kirmalay ng'ar duniya, ɓa i lumam siifa ti seˀeŋ. Buymisemuŋ mibiga wuɗavu naŋ a wuzla ndra na, ti jiviɗ hana.

ZAŊ MUCUW NAŊ 1:7

Mizli mitikina vuhoy ada haɗa, a yam vu le zlar duniya. Yesu Kristu a tiri mbur le gisiŋ gisiŋ na, t'anta ngumam sin naŋ ta. Mbur magi kahana na, i mitikinavu, i mesene ngi Kristu.

ƁIMUNJUYO 19:13

A ki jibe mujuguɓo le jugoɓ angi pumbusu. A zilaka mbur nah «Mingiɓi ngi Buymisemuŋ.»

ƁIMUNJUYO 21:3

Waɗ i cin ˀay kaɓa ngi mbur paɗ tir janga ngi buyo, ara ɓi ti gidaŋ: «Puraka, hay ngi Buymisemuŋ n'ani, naŋ a wuzla mizli, a sa cifi ati taŋ. Taŋ a sa tiram mizli naŋhay, yo naŋ a sa tiri Buymisemuŋ misi ati taŋ.