Ɓimezle ngi Yesu Kristu ZAŊ mitil di mi 1:13 - Bible en langue guiziga

¹³ A ya ka taŋ i ziri ngi Buymisemuŋhoy na, anta kaɓa kpak ngi mizli titrahay a ruwuy misenna ta, anta vur a ya ka taŋ i ziri ngi mbur zil kine ta ma, amma i Buymisemuŋ muwuɗu.

Ɓimezle ngi Yesu Kristu ZAŊ mitil di mi 1:13 ပူးပေါင်းရင်းမြစ်များ

ZLI VIRZI 25:22

Dambalaka ziri ara dumbuslam vu a kwacay naŋ vuna, dar a ɓi ti gidaŋ: «Mindilo avu ya i gwat mike?» Aru nga cufuɗa Bumbulvuŋ.

ZLI VIRZI 25:28

Izak a hĩyã Esawa le, asi a wuɗ useˀ ngi gwat ngi ɓuh haɗa. Rebeka a hiyĩ nga naŋ i Zakop.

ZLI VIRZI 27:33

Izak a wus ngbaˀngbaˀ, a ɓi: «Na, muru nga cikiɗ, muso ti useˀ ngi ɓuh na, i wa so? Ka misa cawa na, naɓa i zuma gwataya le gar. I ɗuwulaŋ mi le, yo ɗuwula mi a sa ndir angi naŋ.»

ZLI VIRZI 27:4

Diy lar mundum ka ya mawuɗo, siy di, ɓa i zumaŋ, ɓa ya masa muc tikeˀe na, i ɗuwuluw mi le ti haŋ ɗu.»

DIMISEY 110:3

Tapas ka masa kuso soje ɗikey ng'ar vurum na, mizli ɗikeye, t'ada sek asi ka. Ka Buymisemuŋ, gawla ngi vurum ɗikey a sa soko ng'avu ka a muwã ngi ɗik, kaɓa wulngar magi ti li biŋ biŋ.

Matiye 3:9

Ki wulkam a mevel kumo: ‹Abraham i dideˀ ndra si mana› na, ki ɓam ta. Vurˀe, yi ɓukum na, ko ɗugur hanayna kwana, Buymisemuŋ a tiri taŋ ziri ngi Abrahamay gu.

Ɓimezle ngi Yesu Kristu ZAŊ mitil di mi 3:3

Yesu a mbiɗaŋ di: «Gisiŋ gisiŋ, yi ɓuw na: Zumabuy ngi Buymisemuŋ, ko mbur mapura gu anta, sey da a yakaŋ le sar mucuw naŋ a muŋ far.»

KORENTIHEY MUDUMBUŊ 3:6

Ya i hirva le, Apolos a pa yama le aseˀeŋ. Amma migil naŋ i Buymisemuŋ.

FILIPIHEY 2:13

Asi Buymisemuŋ ara gi slra ndrehhe a hur kumo, ɓa a tiri ti kum ter ngi wuɗa gwat ati ngi gi naŋ, kaslsla kaɓa naŋ miɗiya jiviɗ naŋ.

Ɗerewol TIT 3:5

a laha ndra le, anta asi i gam gwat mijeŋŋe le ti haŋ ndra ta, amma asi naŋ mapura ndra ˀircece tewle. A laha ndra ti taŋ mubunam ndra, ɓa ngi ya ndra sar mucuw naŋ, yo waɗ tisi ˀUf Mipal matiri ti ndra mizli nawayahay na.

Ɗerewol ZAK 1:18

Buymisemuŋ a wuɗ le ti haŋ naŋ, a vula ndra siifa ti mingiɓi naŋ mikaslsla, ɓa i tiram mudumbuŋ dumbuŋ ngi gwatay naŋ miga taŋ gar.

PIYER MUDUMBUŊ NAŊ 1:23

Asi mike na, a yukum le sar mucuw naŋ a muŋ ma ti mingiɓi ngi Buymisemuŋ mamuc ta, misi ti siifa mindrehhe hã ngi set na.

PIYER MUDUMBUŊ NAŊ 1:3

Hunumukum Buymisemuŋ, Cine ngi Buy ndra Yesu Kristu. Ar pura ˀircece naŋ mihaɗi na, a ya ndra le sar mucuw naŋ ma ti naŋ mislikiɗa Yesu Kristu ti wuzla mumucahay na, ɓa njaha hiri ndra ar gwat mezlehey, naŋ masa vula ndra taŋ na, a muc ta,

PIYER MUDUMBUŊ NAŊ 2:2

Ziri gazahay mawuɗam ɗuwa ndrehhe na, kumo kwana, wuɗam mingiɓi ngi Buymisemuŋ, ɗuwa mikaslsla na, ɓa ki gilam, ki laham ti naŋ.

ZAŊ MUDUMBUŊ NAŊ 3:9

Da mbur i zuŋ ngi Buymisemuŋ na, a pula gi mungra, asi hilfa ngi Buymisemuŋ naŋ da a hur naŋ. N'anta gi mungra gu mata, asi Buymisemuŋ i Cine naŋ.

ZAŊ MUDUMBUŊ NAŊ 4:7

Yeme ɗuwoy, wuɗukum vu ar wala ndra, asi wuɗavu a so tivu Buymisemuŋ. Mbur mawuɗ vu na, i zuŋ ngi Buymisemuŋ, yo a si na Buymisemuŋ le.

ZAŊ MUDUMBUŊ NAŊ 5:1

Ko wa gar matiɓa, Yesu i Kristu na, i zuŋ ngi Buymisemuŋ, yo ko wa gar mawuɗ Buymisemuŋ Cine ngi mizli na, naɓa a wuɗ zuŋ ngi Buymisemuŋ vuna ya.

ZAŊ MUDUMBUŊ NAŊ 5:18

I sinaka le, zuŋ ngi Buymisemuŋ gar na, anta gi mungra mata, asi Mangal ngi Buymisemuŋ ara jiginaŋ, yo Milyam a gaŋ malambaˀ gu ta.

ZAŊ MUDUMBUŊ NAŊ 5:4

Asi zuŋ ngi Buymisemuŋ gar na, a pa hirnga da duniya gu. Mapa hirnga da duniya, i tiɓi ndra.