Ɓimezle ngi Yesu Kristu ZAŊ mitil di mi 1:12 - Bible en langue guiziga

¹² Amma mizli mitiɓaka so naŋ, yo mitiɓakaŋ a mevel taŋ gar na, a vula taŋ gidaŋ, ɓa a tiram ziri ngi Buymisemuŋhoy.

Ɓimezle ngi Yesu Kristu ZAŊ mitil di mi 1:12 ပူးပေါင်းရင်းမြစ်များ

SAMUYEL MUCUW NAŊ 7:24

Yo Israyel, mizli ɗikeye, ki cica taŋ le ɓa a tiram mizli ɗikey wãˀ Buymisemuŋ, ka ki tiri Bumbulvuŋ taŋ le.

EZAYI 56:5

mizli tayna, i sa wa taŋ vu ti li a hur hay ɗu, i sa nga taŋ ɗugur kaˀ ngi toho slimiɗ, nguɗ nguɗ araŋ, a sa gi avu taŋ i gwat mimezle, fineˀ ziri mizile ati ziri mongosohoy. Slimiɗ ya masa ca taŋ di na, a sa ndir ngi sete, anta sa vuvuy avra ta ndiɗaˀ.

ZEREMI 3:19

Yi ɓi ti kwacay ɗu zleˀe na: «Yawwa, yi wuɗ i muɗuw ceɗ ti wuzla ziri ɗu mizileheye, i vuluw hirwuy mimezle haɗa, hirwuy mukuy teˀ misi a wuzla sukwi ngi mizli.» Dar yi ɓi ti kwacay ɗu: «Ki sa zilikiy ‹Baha›, kum anta sa mbiɗikiy duba mata.»

Matiye 10:40

«Mbur matuɓukum na, a tiɓi di i ya vuna si. Mbur matiɓiy ya kwana, a tiɓi di i mbur mislino ya.

Matiye 12:21

Sukwi ngi mizli gar a sa ɗuvaka wuluk taŋ taˀ angaŋ.»

Matiye 18:5

Mbur matiɓa zuŋ meciɗek kahana asi ya na, a tiɓi di i ya vuna si.

Ɓimezle ngi Yesu Kristu ZAŊ mitil di mi 1:11

A so ar hirwuy nga naŋ, amma mizli nga naŋhay a tiɓaka so naŋ ta.

Ɓimezle ngi Yesu Kristu ZAŊ mitil di mi 1:7

Naŋ a so i migi sedewo, ɓa a ɓa ɓi ngi li minjahha vuna, ɓa mizli gar a tiɓam ti seˀeŋ.

Ɓimezle ngi Yesu Kristu ZAŊ mitil di mi 11:52

Anta muc vur Yudehey tew ta ma, amma ɓa ngi kuso ziri ngi Buymisemuŋhoy mizliɗam hirnga gar, ɓa a tiram purla.

Ɓimezle ngi Yesu Kristu ZAŊ mitil di mi 2:23

Ti Yesu misi a Zeruzalem, angi hin ngi muguzlum Pak na, mizli haɗa a tiɓakaŋ, asi taŋ mupuraka cekene, naŋ miga taŋ na.

Ɓimezle ngi Yesu Kristu ZAŊ mitil di mi 20:31

Amma ɓi mutohoko misi ani hana gar na, ɓa ki tiɓam: Yesu i Mesi, i Mangal ngi Buymisemuŋ, yo ɓa kum mira tiɓam na, ki lumam siifa ngi sete ti slimiɗ naŋ.

Ɓimezle ngi Yesu Kristu ZAŊ mitil di mi 3:18

Ko wa mitiɓaŋ le na, a gakaŋ kiita ta. Amma ko wa mitiɓaŋ ta na, kiita a jaŋ le si, asi a tiɓa slimiɗ ngi Mangal kirmalay ngi Buymisemuŋ ta.

SLRA 3:16

Mbur kum mapuraka ati kum misinaka hana, mbele tiɓi waɗ slimiɗ ngi Yesu, miɗiyaŋ ngbatak a mihiri kum gara, i tiɓa Yesu.

ROMAHAY 8:14

Naŋ kine, mizli tayna gar masipam jiviɗ ˀUf Mipal mawuɗ na, taŋ i ziri ngi Buymisemuŋhoy.

ROMAHAY 8:16

ˀUf Mipal vuna a ɓa membezleŋ ngi vu ndra njah: Ndr'i ziri ngi Buymisemuŋhoy.

ROMAHAY 8:19

Asi hin Buymisemuŋ masa biga dudok naŋ da ziri naŋhay na, gwat naŋ miga taŋ gar ara kutuko pas naŋ ti yam ar gojogoɗo.

GALATAY 3:26

Asi mike na, kum gar i ziri ngi Buymisemuŋhoy tisi tiɓi kum, asi kum mujom ati Yesu Kristu.

GALATAY 4:6

Buymisemuŋ, ɓa ngi biga, kum i ziri naŋhay na, a slino ˀUf ngi Mangal naŋ le nga mevel ndra, i ˀUf matil mi: «Baba, aw Cine ndra!»

KOLOSOY 2:6

Naŋ kanah, ani, ki tiɓaka Yesu Kristu le, i Buy kum. Na, zuɓaka jiviɗe jom ati naŋ so.

PIYER MUCUW NAŊ 1:4

Naŋ kine, gwat madiɗahay muwãˀ, naŋ miɓa ndra di ɗaˀ le na, a vula ndra taŋ le, ɓa kisa laham tivu duniya mizãˀã le ti hĩyã gwat, ɓa kisa jumom ar kpak ngi Buymisemuŋ.

ZAŊ MUDUMBUŊ NAŊ 3:1

Puraka, Cine ndra muwuɗ ndra na ɗi. Wuɗavu naŋ na, naŋ haɗi, hã a zilam ndra ziri ngi Buymisemuŋhoy. Ndr'i ziri naŋhay gisiŋ. Puraka, duniya masina ndra gu ta na, asi a si na Buymisemuŋ ta.

ZAŊ MUDUMBUŊ NAŊ 3:10

Mbur magi gwat mijeŋ ta, yo mbur mawuɗ sukum naŋ ta na, i zuŋ ngi Buymisemuŋ ta. Ndra maslaka wala ngi ziri ngi Buymisemuŋhoy ati ziri ngi milyamay na, avu gwat hana.

ZAŊ MUDUMBUŊ NAŊ 3:2

Yeme ɗuwoy, zle wurenna, ndr'i ziri ngi Buymisemuŋhoy, amma ndra masa mbiɗam pal na, a bigi njak wãˀ taruŋ ɓula. I sinaka le, ti naŋ masa bugo vu na, i sa bam vu ati naŋ, asi mike na, i sa purakaŋ ti hiri ndra.

ZAŊ MUDUMBUŊ NAŊ 3:23

Ɓimuɗuva naŋ, n'ani: i gumbaˀam ng'avi Mangal naŋ Yesu Kristu ti tiɓi, yo i wuɗam vu ar wala ndra kaɓa Kristu miɓa ndra di ɗaˀ le.