Ɓimezle ngi Yesu Kristu ZAŊ mitil di mi 1:1 - Bible en langue guiziga

¹ Angi zlivirzi ngi gwatay gar na, Mingiɓi naŋ da zlezle si. Mingiɓi, naŋ ati Buymisemuŋ, Mingiɓi i Buymisemuŋ.

Ɓimezle ngi Yesu Kristu ZAŊ mitil di mi 1:1 ပူးပေါင်းရင်းမြစ်များ

ZLI VIRZI 1:1

Angi zli virzi ngi gwatay gar na, Buymisemuŋ a gi muŋ ati hirwuy waɗ gwat ngi raˀahay gar.

DIMISEY 45:6

Luvut ɗikeye taŋ piyeŋ piyeŋ, ka masa mula mesene ɗikeye jeŋŋe a mevel dar dar na, mizli a sa ndilam saɓaɓaɓa asi sar ɗike.

EZAYI 7:14

Bumbulvuŋ vuna tihaŋ naŋ ara vulukum gwat mabigi gwat ani: Puraka, zuŋ diili a sa gi hur, a sa yi mangal mizile, dar a sa zila Emanuwel.

EZAYI 9:6

A sa ndaha gidaŋ naŋ ngi zuma buyo, a sa ga ɓa zuy a kiɗ mi ta. A sa cifi ar janga ngi buy Davite, yo a sa ru ti zumabuy naŋ, a sa cica, a tira gidaŋ gidaŋ, ti gi gwat mikaslsla waɗ ti gi jeŋŋe, zle wurenna hã ngi sete. Hana i Bumbulvuŋ misi gidaŋ wãˀ masa ga ti vula vu naŋ migǝr gǝr.

Matiye 1:23

«Ani zuŋ diili mungbuˀo kine a sa gi hur, a sa yi mangal mizile. A sa zilaka Emanuyel.» Mbiɗeˀvra: «Buymisemuŋ naŋ da ati ndra.»

Ɓimezle ngi Yesu Kristu LUK mitil di mi 24:53

Yo t'ada ndrehhe ar hay ngi Bumbulvuŋ, ara hunumaka Buymisemuŋ.

Ɓimezle ngi Yesu Kristu ZAŊ mitil di mi 1:14

Yo Mingiɓi tuwa a tiri mbur titra le. A cifi a wuzla ndra ti gimezle ati ɓi ɓi mikaslsla haɗa. I puraka dudok naŋ le. I dudok ngi Mangal kirmalay mulumo di avu Cine.

Ɓimezle ngi Yesu Kristu ZAŊ mitil di mi 1:18

Ko mbur mupura Buymisemuŋ ɗaˀ anta wãˀ. Amma Mangal naŋ kirmalay mujom ati Cine na, a biga ndra di le.

Ɓimezle ngi Yesu Kristu ZAŊ mitil di mi 1:2

Mingiɓi naŋ da ati Buymisemuŋ zle angi zlivirzi naŋ.

Ɓimezle ngi Yesu Kristu ZAŊ mitil di mi 16:28

Yi bo ti vu Baha, i so le ar duniya. Wurenna i ra pula duniya, i ra ru le ng'avi Baha.»

Ɓimezle ngi Yesu Kristu ZAŊ mitil di mi 17:5

Wurenna so na, Baha, giy dudok a ciki ɗike, dudok ya misi ti naŋ a ciki ɗik zleˀe, dumbuŋ angi duniya muɗuv virzi t'aruŋ.

Ɓimezle ngi Yesu Kristu ZAŊ mitil di mi 20:28

Tomas a mbiɗaŋ di: «Aw Bumbulvuŋ Buymisemuŋ, ɗu!»

Ɓimezle ngi Yesu Kristu ZAŊ mitil di mi 8:58

Yesu a mbiɗa taŋ di: «Gisiŋ gisiŋ, yi ɓukum na: Ti Abraham misi anta aruŋ na, Y'ada.»

ROMAHAY 9:5

Taŋ i ziri ngi dideˀ taŋ mudumbuŋhoy, yo Kristu mitiri mbur titra na kwana, a ya ka angi sukwi taŋ. Naŋ dum hirnga ngi gwatay gar, anja mizli a hunumaka Buymisemuŋ caˀa! Amin.

EFESEY 3:9

Yo miga gwatay gar i Buymisemuŋ, ɓi naŋ mufuna wuluk ngi mbur, muɗum zlezle zleˀe na, ɓa i njika da mizli, a slaka wala naŋ kwaŋ kwaŋ.

FILIPIHEY 2:6

Kristu, naŋ zlezle ti kpak ngi Buymisemuŋ vuna si. Amma naŋ, a pura kaɓa, ɓa a ndiram rak rak ati Buymisemuŋ na, i gwat ngi ji ti gidaŋ ta.

KOLOSOY 1:15

Kristu i foto ngi Buymisemuŋ mizli mapuraka gu ta na, i modogom ar gwatay Buymisemuŋ miga taŋ gar.

KOLOSOY 1:17

Yo naŋ vuna, naŋ da dumbuŋ angi gwatay gar. Gwatay mijah jah ar li taŋhay gar na, tiseˀeŋ.

TIMOTE MUDUMBUŊ NAŊ 3:16

Gisiŋ, ɓi mufuna wuluk ngi mbur, ndra masipaka na, i ɓi madiɗa! Yesu Kristu a bugo vu ti dumvu ngi mbur, ˀUf Mipal a biga le, naŋ jeŋŋe, modro ngi Bumbulvuŋhoy a purakaŋ le keɗ keɗe, a tilam di mi le a wuzla sukwi ngi mizli, duniya keɗeɗe a tiɓakaŋ le, yo a zuɓaka le nga luuma dudok a muŋ.

Ɗerewol TIT 2:13

ti kutuko hin ngi wuya, ndra minjah hiri vurˀe na, yo waɗ dudok ngi Madiɗa ndra Buymisemuŋ ati ngi Milih ndra Yesu Kristu masa bugo vu na.

HEBEREY 13:8

Yesu Kristu, naŋ da nga naŋ nga naŋ, ngi dambu, dana, naŋ da kanah hã ngi sete.

HEBEREY 7:3

A sinaka cine ati mumuŋ naŋ ta, ko a sinaka tizer naŋ ta ma. A ɓaka ɓi ngi yi naŋ ati muc naŋ ɗaˀ ta wãˀ si. Naŋ a bam vu ati Mangal ngi Buymisemuŋ. Naŋ a ndir i masay hã ngi sete.

PIYER MUCUW NAŊ 1:1

I ya Simoŋ Piyer, gawla ngi Yesu Kristu, yo mislin naŋ, matuhukum ɗerewol hana da kum mulumam tiɓi mupuɗaw ka ngi ndra, tisi jeŋŋe ngi Buymisemuŋ ndra ati ngi Milih ndra Yesu Kristu na.

ZAŊ MUDUMBUŊ NAŊ 5:20

I sinaka le, Mangal ngi Buymisemuŋ a so le, a vula ndra lesl le ɓa i sinaka Buymisemuŋ migisiŋ gisiŋ. Ndra mujom ati Buymisemuŋ migisiŋ gisiŋ na, mbele Mangal naŋ Yesu Kristu. Naŋ i Buymisemuŋ migisiŋ gisiŋ, yo i siifa ngi sete ma gar.

ZAŊ MUDUMBUŊ NAŊ 5:7

Migi sedewohoyo, taŋ makir:

ƁIMUNJUYO 1:11

a ɓi: «Gwat ka mapura na, toho angi ɗerewol, yo slin di da cikil ngi misikristuhoy misi ar lihey taˀ taˀ tarnaˀ: a Efez, Simirna, Pergam, Tiyatir, Sardes, Filadelfi, waɗ a Lawdise.»

ƁIMUNJUYO 1:17

Ti ya mupura keɗ na, yi diɗ simtiraˀ asi sar naŋ ka mumuca. A buca haŋ hazumo bac angi ya, dar a ɓiy: «Ki zluwun ta, yi mudumbuŋ, yi ngi dirba,

ƁIMUNJUYO 1:2

Gwat Zaŋ mupura gar na, a biga le njah kaɓa i ɓi ngi Buymisemuŋ, yo i sedewo Yesu Kristu minjikaŋ di.

ƁIMUNJUYO 1:8

Bumbulvuŋ, Buymisemuŋ a ɓi: «Yi Alfa, yi Omega. Yi Buymisemuŋ misi dana, misi zleˀe, masa sawa, yo misi gidaŋ wãˀ.»

ƁIMUNJUYO 19:13

A ki jibe mujuguɓo le jugoɓ angi pumbusu. A zilaka mbur nah «Mingiɓi ngi Buymisemuŋ.»

ƁIMUNJUYO 2:8

«Toho da modro ngi cikil ngi misikristu ngi Simirneheye ɓaŋ na: Mbur mazilaka Mudumbuŋ, yo ngi Dirba, mbur mumuc pam le zleˀe, mumo ti siifa ti mi a muŋ na, a ɓi:

ƁIMUNJUYO 21:6

A ɓiy ma: «A gi le si. Yi Alfa, yi Omega. Yi zli virzi ngi gwat, yi kiɗa mi ngi gwat. Mbur, yam magaŋ gar na, i sa vulaŋ yam ngatara angi miviɗiviɗi ngi yam ngi siifa.

ƁIMUNJUYO 22:13

Yi Alfa, yi Omega. Yi mudumbuŋ, yo yi ngi dirba. Yi zli virzi ngi gwat, yo yi kiɗa mi ngi gwat.»

ƁIMUNJUYO 3:14

«Toho da modro ngi cikil ngi misikristu ngi Lawdiseheye ɓaŋ na: Mbur mazilaka ‹Amin›, migi sedewo miteŋteŋ, mikaslsla, buy ngi gwat Buymisemuŋ miga taŋ, a ɓi ani: