HEBEREY 8:9 - Bible en langue guiziga

⁹ Jumoˀay ɗu nah na, anta sa gi kaɓa ya mujumo ati dideˀ taŋhay zleˀe na ta. Tapas ya mujo taŋ kaw kaw avu haŋ, ɓa ngi bo taŋ ti ngi hirwuy Ezipte. Bumbulvuŋ a ɓi ma: Asi taŋ vuna a cicam angi jumoˀay ɗu ati taŋ na ta, Vurˀe, ya kwana, yi ki slimiɗ ar taŋ mata ya.

HEBEREY 8:9 ပူးပေါင်းရင်းမြစ်များ

ZLI VIRZI 19:16

A puraka na, Lot ara zum vu aruŋ, modro mucuwoy tuwa, a ɗiɗaka kaw avu haŋ waɗ ngwas naŋ ati ziri mongoso naŋhay mucuw tuwa, asi Bumbulvuŋ a puraŋ ircece le, a bo di tir walahay ng'avra.

Ɗerewol JOP 8:20

Pura ɗi, Buymisemuŋ anta hirsa mbur mikaslsla ta, yo naŋ anta jina mizli migi malambaˀhaya ta.

DIMISEY 105:43

A bi ti mizli naŋhaya, a ram bal ti jiɗa mececẽleŋ, mizli naŋ muwuna taŋ, a ram bal ti ji salalay.

DIMISEY 77:20

Ki ka jiviɗ ngi ru ɗike ɓaˀ a wuzla mubuliye, li cuh ɗik ada angi yam mijileŋ jileŋheye, amma ko mbur mapura baraf ɗike gu anta.

DIMISEY 78:57

A zuɓam jiviɗ malambaˀ, yo a vulam mizli ngi jihey kaɓa dideˀ taŋhay. A ngizlam le avu jiviɗe kaɓa luvut mumulaka le ti lek muguduɗoŋ.

BI NGI ISRAYELEY 32:8

A ngizlam le kutum mbak jiviɗ ya mibiga taŋ di na, a luwuslam ɓiri tapasl tapasl, a gam di zuŋ sla, a huruk hurukam a mbuŋ naŋ, a gakaŋ mikuli, a ɓam: Ndra Israyeleye, buymisemuŋ ndra mubo ti ndra ti hirwuy Ezipte n'anihĩ!

BI NGI ISRAYELEY 34:10

Bumbulvuŋ a ɓa Moyise na: «I wuɗ i jumˀay ati kum. I wuɗ i gi gwat mezlehey a mbuŋ mizli ɗikey gar, gwat mupuram ɗaˀ asi ruwuyo ta, ko a wuzla sukwi wanaka gar na, a puram ɗaˀ ta. Israyeley misi a ciki ɗike gar, a sa puraka, slra ɗu ya mawuɗ i ga tisi ka na, i gwat ngi zuma hirnga.

DIMIS MIMEZLE 8:5

Ngwas maso ani a diga tir li papala, ginasl ti mikiɗa may naŋ na, i waka? I puɗuko ka asi widis mezle ngi zum ar li munuk miga hur ɗik ara, ar li munuk miyuw anga

EZAYI 40:11

Naŋ kaɓa mijigin maru ti ginewey ng'ar li zum, a ska haŋ sik na, a kuso taŋ arleˀe. A hila ziri tumuŋhoyo jup a didak, yo tumuŋ misi ziri asi taŋ na, aru taŋ ti sekvu.»

EZAYI 41:13

Asi mike na, ya Bumbulvuŋ, yi Buymisemuŋ kum. Yi ra jukum kaw avu haŋ hazumo, yi ra ɓukum: «Ki zluwunam ta, i ra junukum.»

EZAYI 51:18

A wuzla ziri kum mizilehey, kum miyaka taŋ gar na, ko pal mukusukum nga muska vu anta. A wuzla ziri kum mizilehey, kum migilaka taŋ na, ko pal mujukum haŋ kaw anta.

EZAYI 63:9

Ti taŋ misi ar bonoy taŋ gar na, ko a slin mbur ti slin nga jina taŋ ta, amma i naŋ vuna ti hirnga naŋ mira laha taŋ. I naŋ ti haŋ naŋ mumbuɗo hirnga taŋ, vur hin gar, diga zlezle na, a jina taŋ le, yo a zuɓa taŋ le gumbuˀ gumbuˀ a haŋ, vur ara wuɗ taŋ, yo ara pura taŋ ircece.

ZEREMI 31:32

Jumoˀay nah na, a sa gi naŋ wal avu ngi ndra mujumom ati dideˀ taŋhay, ti ya mubo taŋ kaw kaw avu haŋ ti ruwuy Ezipte na. Taŋ a ngilaka jumoˀay ɗu le, amma ya, yi buy ngi hay taŋ na si. I ya Bumbulvuŋ maɓi.

TUWUY 4:16

Bumbulvuŋ ti hirnga naŋ a zliɗa taŋ hirnga le mber mber, naŋ anta wuɗ pur taŋ avu hiri mata. Mizli anta sinaka masayaya kaɓa i mizli mata, anta ɗuvam hiri ar mizli micawwahaya mata.

EZEKIYEL 16:59

Naŋ kine, ya Bumbulvuŋ, Buymisemuŋ i ɓi na: Ka mupura ɓi ngi nise hiris le ti ngila ɓi ngi jumoˀay na, i sa guw gwat ngi kwacay mombroŋ kaɓa ka miga na ya.

EZEKIYEL 16:8

Ya macuh a ciki ɗike na, yi puruw na, dambalaka hin ɗik a ndila le ngi wuɗa zil. Yi sirta mi ngi godo ɗu sirit ar ka mugulndiŋ kine tuwa. Yi ɓuw ti hudum, i jumom ˀay ati ka, dar ki tiri nga ya. I ya Bumbulvuŋ, Buymisemuŋ maɓi.

AMOS 5:22

Da kum migikiy mikuli mizlam zlam wãˀa le, waɗ mikuli ti gwat ngi migam kumoyo le na, ko ya mahiyĩ loŋ anta. Mikuli kum magikiy di ti gwat misãmi muzlumburahay na, y'anta ɗuva hiri taˀ le ara ta.

MALASI 2:13

Gwat kum magaka mucuw naŋ ani ma: Ki luɓoko li gi mikuli ngi Bumbulvuŋ ti tuwuy ngi hiri kumo, hã hirnga naŋ gun ti tuwuy ati niˀici, asi naŋ maki slimiɗ ar gwat kum masakaŋ taŋ ngi mikuli na mata, yo naŋ anta tiɓa taŋ ti mevel mezle tisi haŋ kumo mata.

Mark 8:23

Yesu a ja mbur dangar tuwa kaw avu haŋ, a bi di nga duba gala, a gaŋ tazlay avu hiri, a buca haŋ ava, a cufuɗaŋ: «K'ada ki pur gwat kwa?»

SLRA 13:11

Pura, wurenna, haŋ ngi Bumbulvuŋ a ro taˀ ar ka, kisa hulufu, ko k'anta sa pura pasa mata, hã tapas naŋ misa ɓi le muŋ ma. «Angi nah na vuna si na, luvuŋ titra a sirta Elimas tuwa timbiɗim, a mbiɗi daˀ ar leˀeŋ, ngi pura mbur ɓa a ɗiɗaŋ.

SLRA 7:36

I naŋ vuna mubo ti taŋ ti hirwuy Ezipte, ti naŋ miga gwat migam ɗaˀ tahay ati gwat ngi zuma hirngahay angi hirwuy Ezipte, a mubuliy gaza, waɗ a wuzlaɓuh mikirɗak kirɗak hã vi kukur mufaɗa.

SLRA 9:8

Dar Sawul a slikiɗ baɗ a ruwuyo, hiri ngway ngbaŋ, amma anta pur gwat ko neˀ mata, cil naŋhay a jakaŋ kaw avu haŋ, a ɗiɗakaŋ ti ɗiɗi, a cam di nga Damasa.

GALATAY 4:24

Ɓi hana i gwat miwa ti wi: Asi mike na, ngwas mucuw tayna, i jumoˀay wal wal cuw. Agar i ngwas mayi ziri bekehey, a bigi jumoˀay a muwã Sinay.

Slu cuw 29:1

Moyise, a cikila Israyeley gar, a ɓa taŋ: Ti kum misi zleˀe a Ezipte na, gwat Bumbulvuŋ miga da buy madiɗa ngi Ezipte ati gawla naŋhay gar waɗ asi ruwuy naŋ gar na, ki puraka le ti hiri kum ngbaŋ.

Slu cuw 29:12

Naŋ kine, ɓa ki tiram mizli naŋhay, yo naŋ kwana, a tiri Bumbulvuŋ kum, kaɓa naŋ muɓukum di zleˀe da kum vuna, yo kaɓa naŋ miɓa ti hudum da dideˀ kumoy, ti Abraham, Izak waɗ Zakop na.

Slu cuw 29:25

Asi a gam mezegwel da kulihey, a huruk hurukam a mbuŋ taŋ. A sinaka kuliheye zleˀe ta, yo Bumbulvuŋ a pula taŋ jiviɗ ngi huruk huruk a mbuŋ taŋ zleˀe ta ngbaŋ.