HEBEREY 8:2 - Bible en langue guiziga

² A ra ga slra naŋ angi li mipal, mbiɗeˀvra, guɗuk migisiŋ gisiŋ ngi Bumbulvuŋ minga ti haŋ naŋ, i mbur minga ta.

HEBEREY 8:2 ပူးပေါင်းရင်းမြစ်များ

BI NGI ISRAYELEY 25:9

Ki sa ɗiyaka guɗuk ati gwat ngi huroˀhoyo, heˀ kaɓa ya mawuɗ i buguw di ani na.»

BI NGI ISRAYELEY 28:1

«Moyis, sukum ɗik Aroŋ waɗ ziri naŋ mizileheye, ti Nadaŋ, Abihu, Elazar waɗ Itamara, zilo taŋ nga ciki ɗiki, baˀ pal avu Israyel mekelemeye, ɓa a gikiy mikuli.

BI NGI ISRAYELEY 28:35

Aroŋ a sa ga mikuli ti jibe nah ɓaˀ avu vu, naŋ masa so nga mbuŋ ɗu, ya Bumbulvuŋ ar guɗuko, yo naŋ masa bi gar na, a sa cinam hurum ngi mawiyereye, naɓa naŋ anta sa muc ta.

BI NGI ISRAYELEY 33:7

Da Israyeley ara paka walahaya na, Moyis a zuɓa guɗuko, ara nga kaˀ a duba gala, zar avu walahaya. A zilaka ‹guɗuk ngi zlir ti Buymisemuŋ.› Mizli muwuɗam le ɓa a zliram ti Bumbulvuŋ gar na, a bam tir walahaya, a ram ng'ar guɗuk nah.

Ɓimezle ngi Yesu Kristu LUK mitil di mi 24:44

Dar a ɓa taŋ: «Puraka, ti ya misi zleˀe ati kumo, yi ɓukum na: ‹Anja ɓi mutohoko ar ya gar ar ɓimuɗuva ngi Moyis ati ngi mijiviɗey waɗ ar ɗerewol Dimis na, sey a gi muduba.›»

ROMAHAY 15:8

Naŋ kine, i ɓukum na: Kristu mitiri gawla ngi Yudehey na, ɓa a biga taŋ di, Buymisemuŋ naŋ jeŋŋe, ɓa gwat Buymisemuŋ miɓa ɗaˀ le zleˀe da dideˀ mudumbuŋ ngi Yudehey na, a gi muduba,

KORENTIHEY MUCUW NAŊ 5:1

Naŋ kine, i sinaka le, da guɗuk ndra ngi ruwuy, ndra misi anga hana, a puw le avra na, hay ndra ada a muŋ, hay mandir hã ngi sete, i mizli mindiraka ta, i Buymisemuŋ.

KOLOSOY 2:11

Ar kum mujom ati Kristu na, a cukum le a mizaw. I ci mizaw ngi mbur titra ta, amma i ci mizaw Kristu mica, ɓa ngi cuko vu ndra magi mungra na avra.

HEBEREY 10:11

Masay gar na, a ndir deŋ ti deŋ vur hin gar ngi ga slra naŋ. A vul di i gwat ngi gi mikuli a mbuŋ Buymisemuŋ misi purlahha ndrehhe. Gwat ngi gi mikuli a mbuŋ Buymisemuŋ tayna, anta zuɓaka mungra ngi mizli avra gu ta ndiɗaˀ.

HEBEREY 10:21

Ndrˀada ti masay madiɗa a mbuŋ Buymisemuŋ, micifa le, i madiɗa wãˀ ar hay ngi Buymisemuŋ.

HEBEREY 11:10

Asi mike na, Abraham a kutuk di i walahay, virzi naŋ muɗuvaka na, naŋ gidaŋ gidaŋ, miwi naŋ ati mindir naŋ, i Buymisemuŋ vuna.

HEBEREY 9:1

Jumoˀay mudumbuŋ zleˀe na, gi mezegwel ngi huruk huruk a mbuŋ Buymisemuŋ ati hay ngi Bumbulvuŋ misi a ruwuy aka ada anga.

ƁIMUNJUYO 21:3

Waɗ i cin ˀay kaɓa ngi mbur paɗ tir janga ngi buyo, ara ɓi ti gidaŋ: «Puraka, hay ngi Buymisemuŋ n'ani, naŋ a wuzla mizli, a sa cifi ati taŋ. Taŋ a sa tiram mizli naŋhay, yo naŋ a sa tiri Buymisemuŋ misi ati taŋ.