HEBEREY 5:9 - Bible en langue guiziga

⁹ Naŋ mitiri manja hereweɗ so na, mizli macinakaŋ mi gar na, a tiri le i buy milih taŋ hã ngi sete.

HEBEREY 5:9 ပူးပေါင်းရင်းမြစ်များ

DIMISEY 45:17

Zir ɗik mizilehey a sa cam ar li ngi dideˀ ɗikey, kisa tir taŋ yarma ngi duniya keɗeɗe.

DIMISEY 51:6

I guw mungra le, i guw di da ka pal ɗike, gwat ka mapura kuy ta na, i ga le si, vurˀe, ka mira ɓa ɓi na, naŋ jeŋŋe, ka mira ga kiita na, mbur a mbuɗuw hirnga ta.

DIMISEY 51:8

Amma gwat ka mawuɗ a mevel mburo, i ɓi mikaslsla. Ar wuluk mijileŋ ngir mevel ɗu, ki ra vuliy sin ɗiki.

EZAYI 45:22

Kum mizli ngi si duniya gurzluˀ gar, mbuɗoko hiri ng'avi ya, ɓa kisa lahama. Asi mike, Buymisemuŋ i ya, mekelem anta.

EZAYI 49:6

A ɓiy: «Ɓa ki tiri gawla ɗu, ki mo ti Israyeley mindiram ti siifa, yo ɓa sukwi ngi Zakopo, ki slikiɗaŋ deŋ a muŋ na, i hana tewle ta. Amma yi cufuw le hĩˀĩ, ɓa ki tiri li minjaha ngi sukwi ngi mizli gar, yo ɓa ɓi ɗu ngi lahavu na, a ndil hã ar hirwuy mikiɗ mi.»

EZAYI 50:10

A wuzla kumo, mbur mazluwun ti Bumbulvuŋ ada kwa? Mbur macina ˀay ngi gawla naŋ ada kwa? Mbur maru ar luvuŋ, manja a lum li minjahha ada kwa? Anja mbur nah na, a pula vu naŋ mbak da Bumbulvuŋ naŋ, a jih jah ti Buymisemuŋ naŋ na.

EZAYI 55:3

Jikoko slimiɗ, soko ng'avi ya, cinam, ɓa kisa ndiram ti siifa. I sa jumˀay ati kum wãˀ ngi sete. Gi mezle, ya miɓa ɗaˀ le da Davit na, y'anta sa pula teˀ ta.

DANIYEL 9:24

A ɗuvam vihey le tarnaˀ tarnaˀ makaw kukur tarnaˀ, vur mizli ɗikey ati walahay ka misi ara na, ɓa ngi kiɗa mi ngi moˀore ati mungra, ɓa ngi pula mungra, ngi so ti gi jeŋŋe ngi sete. Ɓa pura gwat ti kleŋ ati ɓi ngi mijiviɗey a gam muduba, yo ɓa a pam mal ngi vula li mihĩˀĩ da Buymisemuŋ a muŋ.

ZAKARI 6:15

Mizli mikileŋ kileŋheye, a sa soko gam slra ar hay nga ya Bumbulvuŋ, dar kisa sinaka mislino ya ng'avu kum i Bumbulvuŋ misi gidaŋ wãˀa. Da ki ra cinikiy mi kuy kuy wãˀ da ya Bumbulvuŋ kumo na, gwat nah a sa gi cummo.

Matiye 17:5

Hirak ti naŋ maɓi aruŋ vuna si na, keɗ na, gazlavay minjazlazla a so sirta taŋ. Yo ay a cino tir gazlavay tuwa: «Mbur hana i Mangal ɗu ya mawuɗaŋ haɗa, ya hĩhĩyaŋ ɓa yi winaŋ! Cinaka mingiɓi naŋ!»

Ɓimezle ngi Yesu Kristu LUK mitil di mi 13:32

Yesu a ɓa taŋ: «A ram, ɓaka biigaɗ nah na: Dana waɗ tiprik na, i ra ɓul setenehey avra, yo i ra mbul mizli. Hã duwul na, a kiɗ mi le.

Ɓimezle ngi Yesu Kristu ZAŊ mitil di mi 19:30

Yesu mititila titileˀ si na, a ɓi: «Gwat gar a kiɗ mi le!» A ga hirnga gangal, a mucu.

SLRA 3:15

Naŋ kine, Buy ngi siifa, kum mikiɗaka vagay na, Buymisemuŋ a slikiɗa le a muŋ ti wuzla mumucahaya. Ndr'i sedewo naŋhay.

SLRA 4:12

Milaha vu, i naŋ pal naŋ tewle. Asi gazlavay kurzluˀ gar na, Buymisemuŋ a vul slimiɗ mekelem da mizli, ɓa i laham ti naŋ na, anta.»

SLRA 5:32

Ndr'i sedewo ngi ɓi migi nah vuna, ndra ati ˀUf Mipal, Buymisemuŋ muvula da mizli macinakaŋ mi.»

ROMAHAY 1:5

Buymisemuŋ migiy mezle na, tisi Yesu Kristu. A tiri ti ya mislin naŋ ɓa sukwi ngi mizli gar a tiɓam, a cinam mi da Buymisemuŋ, a ɗuvaka hirnga da Yesu Kristu.

ROMAHAY 10:16

Amma Ɓimezle, mitiɓi naŋhaya, i mizli gar ta. Asi Ezayi ɓi: «Bumbulvuŋ, ɓi ndra matilam di mi na, mitiɓa, i waka?»

ROMAHAY 15:18

Da i tum vu le ngi ɓi ɓi neˀ na, sey ar ɓi ngi slra Yesu Kristu miga tisi ya, ɓa ngi biga jiviɗ da mizli Yude tahay, ɓa a cinam mi da Buymisemuŋ. A ga tisi mingiɓi ɗu ati gwat ngi gi ɗu,

ROMAHAY 2:8

Amma mizli mambiɗam hirnga avu Buymisemuŋ, mahizigaka ɓi mikaslsla avra, yo masipam ɓi mijeŋ ta gar na, Buymisemuŋ a sa vunaha himaˀ naŋ ati ji mevele ng'ar taŋ.

ROMAHAY 6:17

Gukum sise da Buymisemuŋ! Kum i beke ngi mungrahay zleˀe, amma wurenna, dubun mupurla kum mitiɓaka na, ki jaka le a hirnga ti mevel purla.

KORENTIHEY MUCUW NAŊ 10:5

waɗ gidaŋ ngi huhumo vu maslikiɗ gi mesene ati sin ngi Buymisemuŋ gar. Wuluk wanaka gar na, i jaka ɓa a cin mi da Kristu.

FILIPIHEY 2:12

Naŋ kanah, yeme ɗuwoy, zleˀe na, ki cinikiy mi le ndrehhe. Anja ki cinikiy mi, sey da y'ada avu kumo tew ta, amma ko ti ya misi anta avu kum wurenna ta na kwana, cinikiy mi fineˀ misi zleˀe jaka. Cikam vu ti ɓi ngi lih kumo, ti zluwun waɗ ti jijik kirkir.

TESALONIKEY MUCUW NAŊ 1:8

A sa sawa a wuzla vu matiɓi njilim njilim. Ti nah na, mizli mangumam tiɓa Ɓimezle ngi Buy ndra Yesu ta gar na, a sa kuta taŋ.

TESALONIKEY MUCUW NAŊ 2:16

Anja Buy ndra Yesu Kristu ti haŋ naŋ ati Cine ndra Buymisemuŋ muwuɗ ndra, naŋ mitisla ndra mevel tisi gi mezle naŋ ngi sete, yo naŋ mijina ndra ɓa i njaham hiri njah kuy kuy na,

TIMOTE MUCUW NAŊ 2:10

Ya maɓusa ɓi gar na, vur mizli Buymisemuŋ muwuna taŋ, ɓa taŋ kwana, a lumam lih tisi Yesu Kristu, waɗ ɓa a lumam dudok mihã ngi set na ma.

HEBEREY 1:14

Modrohoy vuna gar i musuɗukoy, yo a gam slra ngi Buymisemuŋ maslina taŋ ngi jina mizli masa lumam lih na ta kwa?

HEBEREY 11:40

Naŋ kine, Buymisemuŋ a juwa le a mevele, a sa vula ndra gwat mimezlehey wãˀ ma, amma gwat tayna ɓa a gam manja ndra na, a ngum kanah ta.

HEBEREY 11:8

Abrahama, Buymisemuŋ mizilaŋ, naŋ micinaŋ mi, aru nga hirwuy Buymisemuŋ miɓi a sa vulaŋ di, yo a cuh, manja a si na li naŋ maru ng'ara vuna na, asi tiɓi.

HEBEREY 12:2

Ɗuvukum hiri taˀ angi Yesu, maga ɓa i tiɓam na, zle avu zli virzi naŋ hã vu kiɗa mi naŋ. A ɓusa le ɓa a dirakaŋ angi dum mizliraŋ, manja mesem. Vur a ɗuva dibiɗ naŋ le taˀ angi mumul, muwakaŋ di vu, yo a cifi le joˀ tir vay hazum ngi janga ngi Buymisemuŋ.

HEBEREY 2:10

Naŋ kine, Buymisemuŋ miga gwatay gar, yo naŋ majaha taŋ gar na, a zlir le ava ɓa a tiri ti Yesu, a sa bonoy naŋ na, ko gwat makic neˀ anga, anta wãˀ, ɓa aru ti ziri haɗi nga lum dudok naŋ na ya. Asi mabiga taŋ jiviɗ ngi lih, i naŋ.

HEBEREY 2:3

Na, da ndra vuna, i ra gam ti ɓi madiɗa ngi lahavu hana kaɓa ɓi ngi sefel na, i sa laham avu kiita ngi Buymisemuŋ mbri mbrike? I Bumbulvuŋ ti haŋ naŋ vuna mitil mi ti ɓi ngi lahavu hana dumbuŋ. Dar mizli micinaka na kwana, a ɓam ndra ɓi nah kasl kasla.

HEBEREY 9:12

Kristu mici is purla tewle ng'ar li mipal wãˀ na, ɓa ngi lumo ndra jiviɗ ngi lih wãˀ ngi set na, a ci ti pumbus ngi bazuway ati ngi zir slahay ta, amma a ci ti pumbus ngi dumvu naŋ.

HEBEREY 9:15

Vurˀe, Kristu i mbur mujumoˀay nawaya, mi ngi mbur vagay toh toh. Naŋ a muc ngi mbiɗa hirnga ngi mizli tir mungra, taŋ mugoko di zleˀe angi jumoˀay mudumbuŋ na, ɓa mizli mizilahaya, a lumam zlili ngi sete miɓa ɓi naŋ ɗaˀ le zleˀe tuwa muduba.

HEBEREY 9:28

Naŋ kine, Kristu kwana, a vula hirnga naŋ ngi gi mikuli a mbuŋ Buymisemuŋ is purla, ɓa ngi zuɓa mungra ngi zigiduw haɗi avra, yo a sa bugo vu is purla sar mucuw naŋ ma, anta ngi zuɓa mungra mata, amma ngi laha mizli makutukokoŋ.

PIYER MUDUMBUŊ NAŊ 1:22

Kum magaka gwat, ɓi mikaslsla maɓa na, kite ki ɗiyaka musuɗuk ngi vu kumoyo le, ɓa ki wuɗam sukum kumoyo ti kwacay cuw cuw ta. Hurdumom ngi wuɗavu ar wala kumo ti mevel purla so.

ZAŊ MUDUMBUŊ NAŊ 5:20

I sinaka le, Mangal ngi Buymisemuŋ a so le, a vula ndra lesl le ɓa i sinaka Buymisemuŋ migisiŋ gisiŋ. Ndra mujom ati Buymisemuŋ migisiŋ gisiŋ na, mbele Mangal naŋ Yesu Kristu. Naŋ i Buymisemuŋ migisiŋ gisiŋ, yo i siifa ngi sete ma gar.

ZUDE 1:21

Cicam ar wuɗavu ngi Buymisemuŋ, kutukoko gimezle ngi Buy ndra Yesu Kristu masa vulukum siifa ngi set na.