HEBEREY 5:3 - Bible en langue guiziga

³ Asi naŋ misi ti hĩhĩy tuwa na, sey a gi mikuli a mbuŋ Buymisemuŋ vur mungra ngi hirnga naŋ waɗ vur mungra ngi mizli ma.

HEBEREY 5:3 ပူးပေါင်းရင်းမြစ်များ

LEVIHEY 16:15

Akẽh na, a slaˀay ngi bazuway ngi gi mikuli ngi pula mungra ngi mizli, aru ti pumbus naŋ nga duba zana minjar tuwa, waɗ a gi ti pumbus ngi bazuway hana kaɓa naŋ mi gi ti ngi gusoŋ tuwa ma, a kuca a hirnga mi ngi akoti ngi jumoˀaya waɗ ti mbuŋ naŋ.

LEVIHEY 16:6

Akẽh na, Aroŋ a vul gusoŋ hĩˀĩ ngi gi mikuli ngi pula mungra ngi hirnga naŋ, yo a ga mezegwel ngi vula jiviɗ ngi pula mungra nga naŋ vuna waɗ ngi mizli ngi hay naŋhaya.

LEVIHEY 9:7

Akẽh na, Moyis a ɓa Aroŋ: «Kirih ng'avi li gi mikuli, ga mikuli ɗik ngi pula mungra, yo mikuli ngi zlum ti zlumo, ɓa ngi gi mezegwel ngi pula mungra ɗik ati ngi mizli. Yo gwat mizli muvulaka na, gi taŋ mikuli, ɓa ngi gi mezegwel ngi pula mungra taŋ, kaɓa Bumbulvuŋ miɓa ɓi nah ɗaˀ le.»

KORENTIHEY MUDUMBUŊ 15:3

Ɓi ya muɓukum di dumbuŋ na, i ɓi ya mitiɓa ti hirnga ɗu vuna, n'anihĩ: Kristu a muc vur mungra ndrahay, kaɓa Ɓimutoho miɓa.

HEBEREY 10:12

Kristu miga mikuli vur mungra ngi mizli is purla na, a dirba nah, a cifi tir vay hazum ngi Buymisemuŋ hã ngi sete.

HEBEREY 7:27

N'anta kaɓa masay madiɗa a mbuŋ Buymisemuŋ mekelemey na ta. Gi mikuli vur hin gar, dumbuŋ vur mungra ngi hirnga naŋ, yo vur ngi mizli gar na, naŋ anta ti may ngi gi naŋ ta. A ga nga naŋ le is purla tewle, ti naŋ muvula hirnga naŋ tehhe a muŋ.

HEBEREY 9:7

Amma guɗuk mucuw naŋ na, sey masay madiɗa maci ng'ara is purla vur vi gar, yo sey a ci vuna ma na, ti pumbus ngi ginew a haŋ ngi gi mikuli, mikuli vur mungra ngi hirnga naŋ waɗ vur mungra ngi mizli gar.