HEBEREY 4:2 - Bible en langue guiziga

² Asi i cinam di i Ɓimezle mupurla ka nga taŋ na ya. Amma mingiɓi, taŋ micinaka na, a jina taŋ ko neˀ ta wãˀ. Vur ti taŋ micinaka na, a tiɓaka ta.

HEBEREY 4:2 ပူးပေါင်းရင်းမြစ်များ

SLRA 13:46

Joˀ Pol ati Barnabas a ɓaka taŋ manja zluwun: «Anja a tilam mi ngi ɓi ngi Buymisemuŋ zleˀe dumbuŋ da kum jaka. Amma ani, ki ngumam ta, kum ti haŋ kumo, ki slaka kiita ngi hirnga kumo le, ki ndilaka ngi luuma siifa ngi sete ta. Na ndr'i mbiɗam hiri ng'avi mizli Yudehey ta na so.

SLRA 3:26

Buymisemuŋ mubo ti Gawla naŋ na, a slino di dumbuŋ da kum, ɓa a ɗuwulukum mi, a mbuɗo hiri kum tivu mungraˀahaya, purla purla gar ng'avaŋ.»

ROMAHAY 2:25

Gisiŋ, da ki ra ga gwat ɓimujuwa maɓa na, ci mizaw i gwat mupuɗaw avu ka gwaɗ naŋ. Amma da ki ra ngila ɓimujuwa na, kite ki ci a mizawa ta.

ROMAHAY 3:3

Na, mbri ska? Da mekelemey a wuzla taŋ, t'anta teŋteŋ ta na, gi teŋteŋ ta na, a sa tika Buymisemuŋ ɓa a ndir teŋteŋ ta ya kwa?

KORENTIHEY MUDUMBUŊ 13:3

Da ko i wunka zlili ɗu le gar da mizli muroko ar may, malla da ko i vula vu ɗu le ngi wur ar vu tekeɗe kwana, amma da y'anta wuɗ vu ta na, ko y'anta lum migir ɗu aseˀe ta.

GALATAY 3:2

Ɓi purla ani, mbiɗikiy di: Kum mulumam ˀUf ngi Buymisemuŋ na, asi kum magam slra ti ɓimujuwa kwa, malla asi kum micinam Ɓimezle ngi tiɓi a mevel na kwa mbrike?

GALATAY 3:8

Na zle, Buymisemuŋ masa ɗiya mizli Yudehey ta jeŋŋe a mbuŋ naŋ, asi tiɓi taŋ, Ɓimutoho a ɓa ɓimezle hana le daf dumbuŋ da Abrahama zleˀe si: «Buymisemuŋ a sa ɗuwula mi da sukwi ngi mizli gar tisi ka.»

GALATAY 4:13

Ki sinaka le kuy kuy, ya mutulukum mi ti Ɓimezle dumbuŋ dumbuŋ zleˀe na, naɓa tapasa ya ti jiji.

Slu cuw 1:32

Gar ti nah kwana, ki pulaka mevel kumo da Bumbulvuŋ Buymisemuŋ kumo ta na si.

TESALONIKEY MUDUMBUŊ NAŊ 1:5

Naŋ kine, Ɓimezle ndra matilam di mi na, i mingiɓi ɗaˀ ɗaˀ tewle kanah ta, amma a biga gidaŋ naŋ le ti jini ngi ˀUf Mipal. Ki sinaka le, gwat mezle ndra migam vur kum a wuzla kumo na, i nah so.

TESALONIKEY MUDUMBUŊ NAŊ 2:13

I ra gaka sise da Buymisemuŋ hõyyõ ma, asi ti ndra mutulukum mi ti ɓi Ɓimezle naŋ na, ki tiɓaka kaɓa i mingiɓi ngi mbur titra ta, amma kaɓa i mingiɓi ngi Buymisemuŋ. Gisiŋ i mingiɓi ngi Buymisemuŋ, ara gi slra a hur kum mitiɓiheye.

TIMOTE MUDUMBUŊ NAŊ 4:8

Asi mike na, sirka dumvu ti gi gwat na, naŋ kuy vur gwat neˀkini si. Amma sipa jiviɗ ngi Buymisemuŋ na, naŋ kuy vur gwat gar, asi a biga ndra ɓi miɓa ɗaˀ le ngi luuma siifa wurenna waɗ nga mbuŋ ma.

HEBEREY 11:6

Dambalaka, da tiɓi anta na, ɓa Buymisemuŋ a hĩyã mburo na, a gi ta. Asi mbur makirih ng'avu Buymisemuŋ na, sey a tiɓa le, Buymisemuŋ naŋ da, yo ara wurka mizli masipakaŋ.

HEBEREY 3:12

Vurˀe, sukum ɗuwoy, jam lesl, anja mbur a wuzla kum a ndir ti mevel malambaˀ ta, yo anja a ndir hirnga gidaŋ, ɓa a gwahakaŋ avu Buymisemuŋ misi ti siifa na ta.

HEBEREY 4:6

Vurˀe, mizli mudumbuŋhoy micinaka Ɓimezle na, a cam ng'ar li muskavu ta, asi a cinaka mi da Buymisemuŋ ta. Na kwana, jiviɗe, naŋ da baŋ aruŋ vur mizli mekelemeye, ɓa a cam.

Ɗerewol ZAK 1:21

Vurˀe, kiraham avu ɓi ngi dili ati gi moˀore mifineˀ gidaŋhay gar. Mingiɓi Buymisemuŋ mica a hur kum na, tiɓaka ti hina hirnga. I mingiɓi misi ti gidaŋ ngi luhukum.

PIYER MUDUMBUŊ NAŊ 1:12

Mijiviɗeye, ɓi taŋ matilam di mi, Buymisemuŋ minjika taŋ di na, vur taŋ tehhe a muŋ ta, amma vur kum. Wurenna mizli matilam mi ti Ɓimezle na, a tulukum di le muduba ti gidaŋ ngi ˀUf Mipal muso paɗ ti muŋ. Yo ko modro ngi Buymisemuŋhoy kwana, a wuɗam sli wala naŋ le ya.