HEBEREY 3:8 - Bible en langue guiziga

⁸ anja ki tiram ti hirnga kumo gidaŋ, kaɓa ti hin kum mislikiɗam ɓi ava zleˀe, a wuzlaɓuh mikirɗak kirɗak, ɓa ki cam a kwacay naŋ na ta.»

HEBEREY 3:8 ပူးပေါင်းရင်းမြစ်များ

BUYOY MUCUW NAŊ 17:14

Amma taŋ a ngumam cine nah ta. A tiram ti hirnga taŋ gidaŋ kaɓa dideˀ taŋhay mitiram ti hirnga taŋ gidaŋ, yo taŋ mungumam tiɓa Bumbulvuŋ Buymisemuŋ, taŋ ta na ya.

ƁI NGI HINEY MUCUW NAŊ 30:8

Wurenna so na, ki cinam takaɓa cine kumoy na mata. Vulam haŋ ng'avu Bumbulvuŋ, a ram ng'ar hay naŋ, naŋ mitiri di pal ngi caˀa na, yo gam gawla ngi Bumbulvuŋ Buymisemuŋ kumo, ɓa mevele mufõh fõh ar kum na, a tisli.

ƁI NGI HINEY MUCUW NAŊ 36:13

Nabukodonozor muhudumoŋ ti slimiɗ ngi Bumbulvuŋ tuwa ma na, a sli himaˀ, hirnga gidaŋ, mbak mo ng'avu Bumbulvuŋ Buymisemuŋ ngi Israyele jak ma.

NEHEMI 9:16

Amma dideˀ ndrahay vuna, i mizli muhuhumo vuhoy, hirnga taŋ gidaŋ, a tiɓaka ɓi ka miɓa taŋ di ɗaˀ le na ta.

Ɗerewol JOP 9:4

Buymisemuŋ naŋ ti sinmijileŋ, yo naŋ gidaŋ haɗa wãˀ, macici kaŋ kaŋ gu ava, manja a gaŋ kiita na, i waka?

DIMISEY 106:14

A wuzlaɓuh mikirɗak kirɗaka, a hĩyãm gwat misi anta avu taŋ ta, ar li papala, a zlaka a cam a kwacay Buymisemuŋ.

DIMISEY 78:18

A cam a kwacay Buymisemuŋ waˀwaˀa, a cufuɗakaŋ ɓa a zumam avu may taŋ.

DIMISEY 78:56

Amma Israyeley a slikiɗam ɓi, a cam a kwacay Buymisemuŋ Mimadiɗa, ɓimuɗuva naŋhay na, a jaka taŋ a hirnga ta.

DIMISEY 95:8

«Ki gam hirnga gidaŋ kaɓa dideˀ kumoy a Meriba na ta, waɗ a Masa a wuzlaɓuh mikirɗak kirɗak na ta.

BI NGI ISRAYELEY 17:7

A zilaka li nah Masa waɗ Meriba, mbiɗeˀvra ‹Ci a kwacay, yo tiri›, asi Israyeley mitiraka Moyis, yo micam a kwacay Bumbulvuŋ na, a ɓam: «Bumbulvuŋ naŋ da a wuzla ndra kwa malla naŋ anta?»

BI NGI ISRAYELEY 8:15

Misi sin ngi gi cekenehey tuwa, a ɓaka buy Ezipte na: «Hana i haŋ ngi Buymisemuŋ.» Amma hirnga ngi buy Ezipte aro gidaŋ na si. Buy Ezipte a ngum cine mi da Moyis ati Aroŋ ta, kaɓa Bumbulvuŋ miɓa tuwa.

MIKUCUWULOY 28:14

Mbur maji lesl ar gwat ngi gi naŋ ndrehhe na, a mumul, amma mbur macici kaŋ kaŋ na, a sa lum hiryi.

MIKUCUWULOY 29:1

Mbur mimbiɗakaŋ hirnga le, amma naŋ anta cin ta na, a sa hiryi gurjik, ko slalak naŋ anta.

ZEREMI 7:26

Amma ko a cinikiy di ta, a jikam slimiɗ ta: a ndiram hirnga gidaŋ, i misi moˀorehey fineˀ dideˀ taŋhay tuwa ma jak.

DANIYEL 5:20

Joˀ a huhum, hirnga naŋ a tiri gidaŋ haɗa. Dar a putukusokoŋ tir janga naŋ ngi buyo, a tiɓaka dudok naŋ.

SLUFA VU 14:11

Bumbulvuŋ a ɓa Moyise na: «Mizli tayna a sa pulaka hiris ɗu hã ti vunaka? Gar ti gwat migam ɗaˀ tahay, ya miga taŋ a wuzla taŋ na kwana, a ngumam pulikiy mevel taŋ ta na si.

Matiye 13:15

Asi hirnga ngi mizli tayna naŋ gidaŋ, a dislaka slimiɗeye le, a tiɗaka hiriheye le, ɓa hiri taŋ a pur ta, ɓa slimiɗ taŋ a cin ta, ɓa a slaka wala nah a mevel taŋ ta, ɓa a mbiɗaka mevel taŋ ta, vur taŋ masa moko ng'avi ya, ɓa i mbulo taŋ!»

SLRA 19:9

Amma mizli mekelemey a ngumam cin ta, hirnga taŋ gidaŋ, a ɓam ɓi malambaˀ njah njah a mbuŋ mizli gar vur jiviɗ ngi Buymisemuŋ. Dar Pol a wunkam ati taŋ, a hila mitiɓiheye pal taŋ, a dubuna taŋ gwat vur hin gar ar hay ngi lekol ngi Tiranus.

SLRA 7:36

I naŋ vuna mubo ti taŋ ti hirwuy Ezipte, ti naŋ miga gwat migam ɗaˀ tahay ati gwat ngi zuma hirngahay angi hirwuy Ezipte, a mubuliy gaza, waɗ a wuzlaɓuh mikirɗak kirɗak hã vi kukur mufaɗa.

KORENTIHEY MUDUMBUŊ 10:9

Anja ko i cam a kwacay Bumbulvuŋ kaɓa mizli mekelemey a wuzla taŋ micam na ta ma. Kaw a humbiɗa taŋ, dar a micam.

Slu cuw 6:16

Ki cam a kwacay Bumbulvuŋ Buymisemuŋ kumo, kaɓa kum micam a Masa na ta.

SAMUYEL MUDUMBUŊ NAŊ 6:6

Buy madiɗa ngi Ezipte ati Eziptehey zleˀe a cifam le hirnga gidaŋ, ki gam ka taŋ vur mike? Kum ada wulkaka ya, Buymisemuŋ a ga taŋ bonoy, ɓa hã a sa pulaka jiviɗ da Israyeley a cohom.