HEBEREY 3:5 - Bible en langue guiziga

⁵ Moyise, naŋ a gi gawla miteŋteŋ ar hay Buymisemuŋ gar na, ɓa ngi ga sedewo ngi ɓi masa ɓaka nga mbuŋ gar.

HEBEREY 3:5 ပူးပေါင်းရင်းမြစ်များ

NEHEMI 9:14

Sabat ngi ɗik mipal na, ki biga taŋ di le. Ɓi miɗaˀ le, ɓi micica waɗ Ɓimujuwa, ki vula taŋ di le tisi gawla ɗik Moyise.

DIMISEY 105:26

Buymisemuŋ a slin gawla naŋ Moyis nga Ezipte, waɗ Aroŋ, mbur naŋ muwunaŋ.

BI NGI ISRAYELEY 14:31

Israyeley a puraka gidaŋ Bumbulvuŋ mikiɗ di Eziptehey na le. Dar a zluwunam ti Bumbulvuŋ, a pulaka mevel taŋ da Bumbulvuŋ waɗ da gawla naŋ Moyise.

BI NGI ISRAYELEY 40:16

Moyis a ga slra le heˀ kaɓa Bumbulvuŋ miɓaŋ di ɗaˀ le na:

SLUFA VU 12:7

Amma ngi gawla ɗu Moyise naŋ kanah ta, naŋ i mbur magi welele ti mevel purla vur mizli ngi sukwi ɗuwoy gar.

Matiye 24:45

«Gawla miteŋteŋ misi lesl i wana ska? I mbur, buy ngi hay mupulaŋ mizli ngi hay naŋhay asi haŋ naŋ, ɓa a vula taŋ gwat ngi zumo kasl kasl angi pas taŋ muwuɗam le.

Matiye 25:21

Buy naŋ a ɓaŋ: ‹Naŋ kuy, gawla mezle miteŋteŋ, ki gi teŋteŋ le ti gwat neˀkini. I sa puluw gwatay haɗi asi haŋ ɗike. Sawa i mumulom bumoˀ ati ya buy ɗike.›

Ɓimezle ngi Yesu Kristu LUK mitil di mi 12:42

Buy Yesu a ɓaŋ: «Gawla miteŋteŋ misi lesl i wana ska? I mbur, buy ngi hay masa pula hay naŋ gar asi haŋ naŋ, ɓa a wunka dawa da mizli ngi hayaya kaslsla angi pas taŋ muwuɗam le gar.

Ɓimezle ngi Yesu Kristu LUK mitil di mi 24:27

Dar a biga taŋ wala ngi Ɓimutoho miɓi vur naŋ gar. A zlo di avu ɗerewol ngi Moyis, hã bal bal ti ɗerewol ngi mijiviɗeye gar.

Ɓimezle ngi Yesu Kristu LUK mitil di mi 24:44

Dar a ɓa taŋ: «Puraka, ti ya misi zleˀe ati kumo, yi ɓukum na: ‹Anja ɓi mutohoko ar ya gar ar ɓimuɗuva ngi Moyis ati ngi mijiviɗey waɗ ar ɗerewol Dimis na, sey a gi muduba.›»

Ɓimezle ngi Yesu Kristu ZAŊ mitil di mi 5:39

Ki ra wunjilaka Ɓimutoho, asi ki ra wulkam kaɓa kisa lumam siifa ngi sete angaŋ. Dambalaka i Ɓimutoho nah vuna magi sedewo ar ya!

SLRA 28:23

A ɗuvam hin pal, mizli haɗi fineˀ misi zleˀe, a soko lumakaŋ a hay naŋ. Zle ngi miprik hã pastaˀa, Pol a biga taŋ gwatay: a tila taŋ mi ti ɓi ngi zumabuy ngi Buymisemuŋ, a cik vu ɓa a mbiɗaka mevele. A ɓa taŋ ɓimujuwa ngi Moyis waɗ ɓi ngi mijiviɗey miɓaka vur Yesu.

SLRA 7:37

I Moyis nah miɓa zir Israyeley zleˀe: ‹Buymisemuŋ a sa slinukum mijiviɗ misi kaɓa ya, masa bo ti wuzla kum tuwa.›

ROMAHAY 3:21

Amma wurenna, Buymisemuŋ a biga ndra di le, a ɗiya mizli jeŋŋe manja ɓimujuwa. Ɓimujuwa ati mijiviɗeye, a gaka sedewo naŋ anihĩ:

KORENTIHEY MUDUMBUŊ 4:2

Dambalaka, gwat mawuɗam avu mizli mijikaway na, sey a bigaka vu taŋ i mizli miteŋteŋhey.

Slu cuw 3:24

«Aw Bumbulvuŋ Buymisemuŋ ɗu, madiɗa ɗik ati gidaŋ ngi zumabuy ɗike, ki biga le da gawla ɗike. Buymisemuŋ mekelem ada muŋ malla ada a ruwuyo, mindila gi slra ɗik mezle na kwa?

Slu cuw 34:5

Dar Moyis, gawla ngi Bumbulvuŋ a muc a diga, a ruwuy Moˀap, ka Bumbulvuŋ miɓa tuwa.

TIMOTE MUDUMBUŊ NAŊ 1:12

I ra ga sise da Yesu Kristu, Buy ndra muvuliy gidaŋ ngi gi slra na. A zuɓiy ngi gi slra, asi a puriy, i ndila le.

HEBEREY 1:1

Zleˀe na, Buymisemuŋ a ɓa dideˀ ndraˀahaya le, is mbeˀ mbeˀe, ti jiviɗ wal wal haɗi, a cinaka ɓi nah baɗ avu mijiviɗ naŋhay.

HEBEREY 3:2

Naŋ kine, Yesu, naŋ a gi teŋteŋ wãˀ avu Buymisemuŋ micifaŋ na, kaɓa Moyis migi teŋteŋ ar hay ngi Buymisemuŋ gar na ya.

HEBEREY 3:4

Naŋ kine, hay gar na, mindir naŋ ada. Amma gwatay gar na, mindira taŋ i Buymisemuŋ.

HEBEREY 8:5

Amma masay tayna madilkam na, avu fotohoy, avu susuɗuk ngi gwat migisiŋ gisiŋhey a muŋ, kaɓa Buymiemuŋ miɓa ɗaˀ ɗaˀ le da Moyis ti di naŋ muwuɗ ɓa a ɗiy guɗuk mipal na. Buymisemuŋ a ɓaŋ: «Pura ɗi, ki ɗiya heˀ ka ya mubuguw di a muwã.»

HEBEREY 9:24

Vur mike na, hay ngi Bumbulvuŋ, Kristu mici anga na, i hay mizli miɗiyaka ti haŋ, yo i foto ngi hay migisiŋ gisiŋ naŋ na ta. Amma Kristu a ci nga muŋ vuna, ɓa a cici deŋ wurenna ar deɗe ndra a mbuŋ Buymisemuŋ.

ZOZUWE 1:15

sey da Bumbulvuŋ muvula musuka vu le da sukum kumoyo, kaɓa naŋ muvulukum di da kum na ya, yo sey da taŋ kwana, a tiɓaka hirwuy Bumbulvuŋ Buymisemuŋ kum, mavula taŋ di na le ya. A dirba nah, kumo, kisa mam ng'ar hirwuy ngi kumo, kisa tiɓaka hirwuy, Moyis gawla ngi Bumbulvuŋ muvulukum di a dubazaw Zurdeŋ, tisi pas ngi miprik na.»

ZOZUWE 1:2

«Ani gawla ɗu Moyis a muc le so. Wurenna, ka Zozuwe, slikiɗi, tuwuɗaka dubazaw Zurdeŋ ati mizli hanayna gar nga hirwuy ya mavula da Israyeleye.

ZOZUWE 1:7

Naŋ kanah, sey ki mbur mbar, tum vu tam. Ɓimujuwa, gawla ɗu Moyis muɓuw di ɗaˀ le gar na, ki slimiɗ ar taŋ cineˀe, ko ki ngizli ava ta ndiɗaˀ. Naɓa ko da ka amaka gar na, gwat ka mawuɗ gi naŋ gara, ki ga gu.

ZOZUWE 8:31

A ndira li gi mikuli na, kaɓa Moyis, gawla ngi Bumbulvuŋ muɗuva ɓi nah da Israyeley, kaɓa mutohoko ɓi naŋ angi ɓimujuwa ngi Moyis: li gi mikuli ti ɗugur miɓaˀ kine, mubuslaka ɗaˀ ti ɓiri ta. Dar a gam mikuli mizlam zlam wãˀ anga da Bumbulvuŋ, waɗ mikuli ngi ngiɓiˀay ma.

ZOZUWE 8:33

Israyeley cek ati mizli micawwa taŋhaya, buyɓi ngi wuzla mizli taŋhay waɗ migi kiita taŋhaya, t'ada deŋ deŋ puyõˀ a ciki akoti, ti ka ti ka gar, a mbuŋ masayay majijiraka akoti ngi jumoˀay ngi Bumbulvuŋ. Moholoyoy ati mizli ngi hayaya, t'ada: reta ngi mizli, taŋ a mbuŋ muwã Garizim, yo reta numuŋ kwana, a mbuŋ muwã Ebal, kaɓa Moyis, gawla ngi Bumbulvuŋ miɓa ɗaˀ le tuwa, ɓa a ɗuwulaka mi dumbuŋ dumbuŋ da mizli Israyeley kwaɗay.

ƁIMUNJUYO 15:3

A ra zlam dimis ngi Moyis, gawla ngi Buymisemuŋ, waɗ dimis ngi tumuŋ. A zlaka na: «Bumbulvuŋ Buymisemuŋ, misi gidaŋ wãˀ, slra ɗike naŋ haɗa, i ngi pur hiri ngal ngal. Aw Buy madiɗa ngi sukwi ngi mizli ngi si ruwuyoy gar, gwat ɗikey, ka miɗiya jiviɗ taŋ gar na, taŋ kasl kasl, taŋ jeŋŋe.