HEBEREY 2:9 - Bible en langue guiziga

⁹ Amma ndra mapurama, i Yesu mima hirnga naŋ nga ruwuy ngi hin neˀ avu modrohoyo, ɓa a si bonoy, a muc vur mizli gar tisi gimezle ngi Buymisemuŋ. Vurˀe, Buymisemuŋ a tuwuɗaŋ gi dudok ati gi ɗongoro le ka loppol.

HEBEREY 2:9 ပူးပေါင်းရင်းမြစ်များ

ZLI VIRZI 3:15

I sa ga, ɓa ka ati ngwasa, ki gam mesene, ɓa dideˀ naŋhay ati dideˀ ɗikey a gam mesene. Naŋ a sa njirsluw hirnga, yo ka kwana, kisa humbuɗaŋ avu duɓuk sar.

EZAYI 11:1

Mangal mizile a sa bawa ar sukwi ngi Zese, mihaŋ ngi widis a sa bawa avu slaslalak.

EZAYI 7:14

Bumbulvuŋ vuna tihaŋ naŋ ara vulukum gwat mabigi gwat ani: Puraka, zuŋ diili a sa gi hur, a sa yi mangal mizile, dar a sa zila Emanuwel.

Matiye 16:28

Gisiŋ, yi ɓukum na, mizli mekelemey a wuzla kum aka anta sa micam ta, sey da a puraka Mangal ngi mbur masa so ngi zuma buyo le far.»

Matiye 6:28

Ki likaka zana ngi ki vur mike? Puraka matayay mafuyukom na, anta gam slra ta, anta siram gugumay ta ma.

Mark 9:1

Yesu a ɓa taŋ ma: «Gisiŋ yi ɓu kum na: mekelemey a wuzla mizli misi aka na, anta sa micam dumbuŋ angi zumabuy ngi muŋ masa so ti gidaŋ naŋ na ta.»

Ɓimezle ngi Yesu Kristu LUK mitil di mi 9:27

Gisiŋ, yi ɓukum na: A wuzla mizli misi akahay na, cah mekelemey anta sa micam ta, sey da a puraka Zumabuy ngi Buymisemuŋ le far.»

Ɓimezle ngi Yesu Kristu ZAŊ mitil di mi 1:29

Li naŋ muwun na, Zaŋ a pura Yesu ara sawa ng'avaŋ, dar a ɓi: «Puraka, tumuŋ ngi Buymisemuŋ mazuɓa mungra ngi duniya.

Ɓimezle ngi Yesu Kristu ZAŊ mitil di mi 10:17

Baha a wuɗiy, asi ya mavula siifa ɗu, ɓa i sa luuma a muŋ.

Ɓimezle ngi Yesu Kristu ZAŊ mitil di mi 12:32

Nga ya na, da a sa zuɓikiy le baɗ ti ruwuyo nga muŋ na, i sa ɗiɗa mizli gar ng'avi ya.»

Ɓimezle ngi Yesu Kristu ZAŊ mitil di mi 3:16

«Naŋ kine, Buymisemuŋ a wuɗ duniya le haɗi, hã a vulo Mangal naŋ kirmalay, ɓa mbur gar mitiɓaŋ le na, a zizi ta, amma a lum siifa ngi sete.

Ɓimezle ngi Yesu Kristu ZAŊ mitil di mi 8:51

Gisiŋ gisiŋ, yi ɓukum na: Da mbur a ja mingiɓi ɗu le a hirnga na, anta sa muc ta ndiɗaˀ wãˀ.»

Ɓimezle ngi Yesu Kristu ZAŊ mitil di mi 8:52

Dar Yudehey a ɓakaŋ: «I sinaka le wurenna muduba, setene ada a hirnga ɗike! Abraham a muc le, yo mijiviɗey kwana, a micam le. Na, ka ki ɓi ani: ‹Da mbur a ja mingiɓi ɗu le a hirnga na, anta sa muc pam le ta.›

SLRA 2:33

Buymisemuŋ a ga Yesu le ɗongor tir vay hazum naŋ. ˀUf naŋ Mipal, naŋ miɓa ɓi naŋ ɗaˀ le tuwa, a lumo di le tivi Cine, naŋ kwana a slino di le nga hirnga ndra. Kum mapuraka ati kum macinaka wurenna na, i nah.

SLRA 3:13

Buymisemuŋ ngi Abraham, ngi Izak, ngi Zakop, Buymisemuŋ ngi dideˀ ndraˀahaya, a ga Gawla naŋ Yesu le ɗongor. Kum vuna, ki vulakaŋ da mizli madiɗahay ɓa a jakaŋ. Pilat a wuɗ pul naŋ le, amma kumo, ki wuɗakaŋ ta daˀ a mbuŋ naŋ vuna si.

ROMAHAY 5:18

Naŋ kine, Buymisemuŋ a ga kiita ngi muc da mizli gar asi mbur pal migi mungra. Naŋ kanah ya, slra mijeŋŋe ngi mbur pal, Yesu Kristu na, a ɗiya mizli le jeŋŋe ɓa a lumam siifa.

ROMAHAY 5:8

Amma Buymisemuŋ mibiga ndra di, naŋ muwuɗ ndra haɗa na, ti Kristu mumuc vur ndra, ti ndra misi ar mungra ndrahay aruŋ na.

ROMAHAY 8:3

Gwat ɓimujuwa ngi Moyis maga gu ta, asi kpak ngi vu ngi mbur mavuso na, Buymisemuŋ a ga le, a ga kiita le da mungra misi avu kpak ngi vu ngi mburo, ti naŋ mislino Mangal nga naŋ na. Mangala, naŋ ti kpak ngi vu mupurla ati ngi ndra magam di mungra na. A so ɓa ngi zuɓa mungra avra,

ROMAHAY 8:32

Ko Buymisemuŋ a sli himaˀ ti Mangal nga naŋ ta, amma a vula, a gi di mikuli vur ndra gar. A sa gi mbri ɓa a sa vula ndra gwat gar tisi Mangal naŋ ta ka?

KORENTIHEY MUCUW NAŊ 5:15

Kristu a muc le vur mizli gar, ɓa mizli misi ti siifahay a ndiram ti siifa vur hirnga taŋ mata, amma vur Kristu mumuc, yo mislikiɗ tir muc vur taŋ na.

KORENTIHEY MUCUW NAŊ 5:21

Kristu a gi mungra ɗaˀ ta. Amma Buymisemuŋ a tiri di misi purla ati ndra migi mungrahay, ɓa Buymisemuŋ a ɗiya ndra jeŋŋe a mbuŋ naŋ, ti seˀeŋ.

GALATAY 4:4

Amma hin Buymisemuŋ misla, mindila na, Buymisemuŋ a slino Mangal naŋ, i ngwas miyaŋ. Joˀ a hin hirnga a mbuŋ ɓimujuwa,

TIMOTE MUDUMBUŊ NAŊ 2:6

Naŋ, a vula hirnga naŋ le, ɓa ngi mbuɗo hirnga ngi mizli gar. Naŋ kine, Buymisemuŋ a wuɗ ɓa mizli gar a laham. A biga tisi Yesu Kristu muvula hirnga naŋ angi hin Buymisemuŋ misla na.

HEBEREY 1:9

Ki wuɗ ɓi mijeŋŋe, ki hirsa ɓi malambaˀa. Aw Buymisemuŋ, Buymisemuŋ ɗike, mupuw mal ngi vula slra na vurˀe. A puw mumul kaɓa mal a hirnga ɗike. I mal mavul mumul, fineˀ ngi cil ɗikeye.»

HEBEREY 10:5

Vurˀe, hirak ɓa Kristu maco ng'ar duniya na, a ɓa Buymisemuŋ: «Mikuli ti ginewey ati sedegehey na, ki wuɗ taŋ ta, dar ki ndiriy dumvu.

HEBEREY 11:5

Buymisemuŋ muzuɓa Henok nga cikeˀe, manja a mucu, ko mbur mulumaŋ, anta mata, asi Buymisemuŋ a zuɓaŋ le tuwa na, asi tiɓi. Asi mike na, Ɓimutoho a ɓi: Dumbuŋ ar muzuɓaka Henoko t'aruŋ na, Buymisemuŋ a hĩyãŋ le.

HEBEREY 12:2

Ɗuvukum hiri taˀ angi Yesu, maga ɓa i tiɓam na, zle avu zli virzi naŋ hã vu kiɗa mi naŋ. A ɓusa le ɓa a dirakaŋ angi dum mizliraŋ, manja mesem. Vur a ɗuva dibiɗ naŋ le taˀ angi mumul, muwakaŋ di vu, yo a cifi le joˀ tir vay hazum ngi janga ngi Buymisemuŋ.

HEBEREY 2:7

Ki ma mburo le nga ruwuy ngi hin neˀ, avu modrohoyo. Ki tuwuɗaŋ dudok ati gi ɗongoro, ka loppol.

HEBEREY 7:25

Vurˀe, Yesu, mizli makiraham ng'avu Buymisemuŋ tiseˀe na, a ndila le ngi laha taŋ wãˀ ngi sete, asi naŋ da ti siifa ndrehhe ngi tumbulo Buymisemuŋ ar deɗe taŋ.

HEBEREY 8:3

Masay madiɗa gar na, a cifakaŋ ngi gi sedege ti gwat mavulaka taŋ ti vul waɗ ngi gi mikuli a mbuŋ Buymisemuŋ da Buymisemuŋ. Anja masay madiɗa ndra kwana, a lum gwat ngi gi sedege ya.

PIYER MUDUMBUŊ NAŊ 1:21

Kum matiɓaka Buymisemuŋ na, mbele naŋ, naŋ mislikiɗaŋ ti wuzla mumucahay, yo muvulaŋ dudok, hã tiɓi kum ati njaha hiri kum, a cici angi Buymisemuŋ.

ZAŊ MUDUMBUŊ NAŊ 2:2

Asi naŋ, i mbur muvula hirnga naŋ ngi gi mikuli a mbuŋ Buymisemuŋ ɓa ngi zuɓa mungra ndrahay avra. I mungra ngi ndrahay tew ta, amma vur mungra ngi mizli ngi duniya gar.

ƁIMUNJUYO 19:12

Hiri naŋhaya, njilim njilim kaɓa irne ngi vu madiɗa. Loppoloy mbeˀ mbeˀ a hirnga, yo slimiɗ toh toh a hirnga, sey naŋ pal naŋ misinaŋ.

ƁIMUNJUYO 5:9

A zlam dimis nawaya ani: «Ki ndila le ter ngi tiɓa ɗerewolo, ɓa ngi turo sluruɓoyo. Asi a kuɗukuw le vagay zleˀe, yo ki mbiɗa hirnga ngi mizli le ti pumbus ɗiki, ɓa a ndiram da Buymisemuŋ. Mizli muboko tisi sukwi mitaˀ taˀ gar, maɓam mi wal wal ngi wuzla mizli, waɗ ngi wuzla sukwi ngi ruwuy gar.