HEBEREY 2:3 - Bible en langue guiziga

³ Na, da ndra vuna, i ra gam ti ɓi madiɗa ngi lahavu hana kaɓa ɓi ngi sefel na, i sa laham avu kiita ngi Buymisemuŋ mbri mbrike? I Bumbulvuŋ ti haŋ naŋ vuna mitil mi ti ɓi ngi lahavu hana dumbuŋ. Dar mizli micinaka na kwana, a ɓam ndra ɓi nah kasl kasla.

HEBEREY 2:3 ပူးပေါင်းရင်းမြစ်များ

EZAYI 12:2

Buymisemuŋ Milih ndra n'ani, i vulakaŋ mevel ndra le, yo ndr'anta zluwunam mata. Haˀaw, gidaŋ ndra ati dimis ndra, i ka Bumbulvuŋ! I ka milih ndra.»

EZAYI 20:6

Akẽh na, mizli ngir li vay tayna, a sa ɓam: «Puraka taŋ so, mizli ndra manjaham hiri asi taŋ, ɓa i ra ɗumom a hay taŋ, ɓa i lumam jiniˀis, yo ɓa i laham avu buy Asiri tuwa. Ani ndr'i sa laham mbri mbri maska?»

EZAYI 51:5

Kiita ya masa ga na, naŋ gweˀe, laha vu a sa bugo vu gweˀ, a ndir mata. I sa ga, ɓa gwat ngi gi zuyo, a gi ti gidaŋ a wuzla mizli. Mizli mikileŋ kileŋhey a sa njaham hiri vur ya, yo a sa kutukom gidaŋ ɗu.

EZAYI 51:8

Asi tuˀuf a sa zuma taŋ kaɓa zana, mumuyuŋ a sa zuma taŋ kaɓa gugumay mislirkeɗ. Amma gi jeŋŋe ɗu a sa ndir ngi set, gi bugawla ɗu a sa ndir vur dideˀ vur dideˀ.

EZAYI 62:11

Bumbulvuŋ ara ɓa mingiɓi naŋ ani ɗaˀ le, da mizli, zle a mi vay ngi ruwuy, hã ar kiɗa mi naŋ vay mekelem. Ɓaka walahay Siyoŋ na: «Milih ɗik ani ara sawa, ara sawa jom ti gwat muwurkakaŋ di, kaw a haŋ, waɗ migir naŋ, naŋ muluma na, ɓaˀ a mbuŋ.»

EZEKIYEL 17:15

Na ma na, buy nawaya tuwa, a slikiɗ ɓi ava, a slin mizli nga Ezipte, ɓa a vulakaŋ pilisey ati sojehey haɗa. Mbur magi kahana na, a sa lum gidaŋ, yo a sa lih gu vurˀe sukwa? Naŋ mingila ɓi ngi jumoˀay na, ɓa a lih sukwa?

EZEKIYEL 17:18

A gi slir le, naŋ mingila ɓi ngi jumoˀay na. A vulaŋ haŋ le ngbaŋ, amma ti nah gar na, a ga gwat malambaˀ tayna le gbaˀ na si: kay, naŋ anta sa lih gu ta.

Matiye 23:33

Kum kaway, sukwi ngi kwecesley, kisa laham tir bonoy ngi vu gu mbri mbrike?

Matiye 4:17

Zle ti nah na, Yesu a zla a til mi, a ɓi: «Mbiɗaka mevel kumoyo, asi Zumabuy ngi muŋ a ndilo le gweˀe.»

Mark 1:14

A dirba taŋ mijaka Zaŋ ng'ar dangay na, Yesu aru nga Galile, ara til mi ti Ɓimezle ngi Buymisemuŋ, a ɓi na:

Ɓimezle ngi Yesu Kristu LUK mitil di mi 1:2

A tohoko kaɓa mizli mupuraka ti hiri taŋ, muslufam ndra di, zle angi zli virzi naŋ. Mizli tayna a tiram le i gawla ngi tila mi ti ɓi ngi Buymisemuŋ.

Ɓimezle ngi Yesu Kristu LUK mitil di mi 1:69

A bo ti ndra Milahavu migidaŋ le, a hay gawla naŋ Davite.

Ɓimezle ngi Yesu Kristu LUK mitil di mi 24:19

A ɓa taŋ: «I gwat mihey migam ska?» A mbiɗakaŋ di: «Gwat migi avu Yesu mbur Nazarete! Naŋ i mijiviɗ migidaŋ ngi gi slra ati ngi ɓi ɓi a mbuŋ Buymisemuŋ waɗ a mbuŋ mizli gar.

Ɓimezle ngi Yesu Kristu ZAŊ mitil di mi 15:27

Yo kumo kwana, kisa gaka sedewo ɗu ya, vur kum ada ati ya zle angi zlivirzi naŋ.»

SLRA 1:22

zle avu hin ngi Zaŋ mici mizli ar yam, hã a ndila hin muzuɓaka Yesu nga muŋ ti wuzla ndra. Anja mbur purla a wuzla taŋ, a jumo ng'avi ndra, ɓa i gaka sedewo ngi slikiɗ ngi Yesu ti wuzla mumucahaya.»

SLRA 2:22

«Kum Israyeley, cinaka mingiɓi ɗu ani: Yesu ngi Nazarete, i mbur Buymisemuŋ mibiga gidaŋ naŋ le ti naŋ. Buymisemuŋ miga cekenehey, gwat migam ɗa tahay ati gwat ngi zuma hirngahay wuzla kum na, mbele naŋ. Kum ti hirnga kumo, ki sinaka le.

SLRA 4:12

Milaha vu, i naŋ pal naŋ tewle. Asi gazlavay kurzluˀ gar na, Buymisemuŋ a vul slimiɗ mekelem da mizli, ɓa i laham ti naŋ na, anta.»

ROMAHAY 11:14

I wuluk kanah ɓa yi slikiɗa suloŋ da muy ɗuwoyo, ɓa yi lih cah asi taŋ.

ROMAHAY 2:3

Amma ka maɓa mbur mekeleme: «Ki zluɓa le» tuwa, da ki ra gi ka naŋ vuna ya na, Buymisemuŋ masa ga kiita da mizli na, ki pura kaɓa kisa lih gu sukwani?

KORENTIHEY MUDUMBUŊ 1:21

Asi duniya ti sinmijileŋ nga naŋ na, a si na Buymisemuŋ ar sinmijileŋ nga naŋ, naŋ minjikaŋ di na ta. Vurˀe, ɓi ngi mibirngahay ndra matilam di mi, mizli matiɓaka gar na, Buymisemuŋ a hĩyã le, ɓa a laha taŋ ti naŋ.

TESALONIKEY MUDUMBUŊ NAŊ 5:3

Tapas mizli masa ɓam: «Ndra zuy zuy, ko zluwun anta» na, gir madiɗa a sa diɗ ar taŋ gurjik, ka kwacay maja ngwas ngi yi, a sa ngizlam kuɗup.

TIMOTE MUDUMBUŊ NAŊ 1:15

Yesu Kristu a so a ruwuyo, ɓa ngi laha migi mungrahay, yi madiɗa ngi migi mungrahay gar. Mingiɓi hana i gisiŋ, a ndila le ɓa mizli gar a tiɓakaŋ.

Ɗerewol TIT 2:11

Asi Buymisemuŋ a njika gimezle naŋ le, miviɗi viɗi ngi laha vu naŋ ar gimezle nah vuna.

HEBEREY 1:1

Zleˀe na, Buymisemuŋ a ɓa dideˀ ndraˀahaya le, is mbeˀ mbeˀe, ti jiviɗ wal wal haɗi, a cinaka ɓi nah baɗ avu mijiviɗ naŋhay.

HEBEREY 1:14

Modrohoy vuna gar i musuɗukoy, yo a gam slra ngi Buymisemuŋ maslina taŋ ngi jina mizli masa lumam lih na ta kwa?

HEBEREY 1:2

Amma angi hin ngi dirba muwãˀ ndra misi anga hana na, mingiɓi ngi Buymisemuŋ, i cinaka baɗ avu Mangal naŋ. Buymisemuŋ a cifaŋ i buy ngi gwatay gar, yo a ga duniya ti seˀe ma.

HEBEREY 12:25

Jam lesl so, mbur maɓukum na, ki cinakaŋ di, ki slam himaˀ ta. Mizli mislam himaˀ ngi cine mi ngi mbur miɓa taŋ ɗaˀ ɗaˀ le a ruwuy aka, da a laham avu kuti ti bonoyo ta na, ndra, da i ra mbiɗam duba avu mbur maɓo ndra paɗ ti muŋ na, i sa laham ava gu mbri mbri jak ka?

HEBEREY 4:1

Buymisemuŋ a ɓa ndra le ɗaˀ le, i sa cam ng'ar li muskavu naŋ. Jukum lesl so, anja ko mbur pal a wuzla kum a ɓi: a ndila ngi ci ng'ara ta na, anta.

HEBEREY 4:11

Da kine na, tumukum vu so, ɓa i cam ng'ar li muskavu nah, ɓa cine mi taŋ ta nah na, a hizigiɗ mbur purla ng'ar mungra ka taŋ vuna ya ta.

HEBEREY 5:9

Naŋ mitiri manja hereweɗ so na, mizli macinakaŋ mi gar na, a tiri le i buy milih taŋ hã ngi sete.

HEBEREY 9:28

Naŋ kine, Kristu kwana, a vula hirnga naŋ ngi gi mikuli a mbuŋ Buymisemuŋ is purla, ɓa ngi zuɓa mungra ngi zigiduw haɗi avra, yo a sa bugo vu is purla sar mucuw naŋ ma, anta ngi zuɓa mungra mata, amma ngi laha mizli makutukokoŋ.

ZAŊ MUDUMBUŊ NAŊ 1:1

Ndr'i ra tuhukum ɓi vur mingiɓi mavul siifa. N'ada zle ti gwatay gar muɗuvam virzi na. I cinaka le, i puraka le ti hiri ndra. I singilaka le singal singal, yo i tutumaka le ti haŋ ndraˀahaya.

ZUDE 1:17

Ngama ɗuwoy, kumo na, ɓi ngi mislin ngi Buy ndra Yesu Kristuhoy muɓukum di zleˀe daf dumbuŋ na, wulkaka keŋ.

ƁIMUNJUYO 7:10

A tilam mi ti gidaŋ, a ɓam: «Buymisemuŋ ndra, muangi janga ngi buyo, malaha ndra, i naŋ ati tumuŋ.»