HEBEREY 2:2 - Bible en langue guiziga

² Asi mingiɓi ngi Buymisemuŋ, modro naŋhay mitilam di mi na, a ga slra naŋ le, yo mbur mingila ɓi nah, micin mi ta gar na, Buymisemuŋ a kutaŋ le weˀe avu malambaˀ naŋ.

HEBEREY 2:2 ပူးပေါင်းရင်းမြစ်များ

DIMISEY 68:17

Muwã misi mesengel mbeˀmbeˀe, muwã Buymisemuŋ muwuɗ ɓa a cifi ara na, a guw hiri vur mike? Haˀaw! Bumbulvuŋ a cifi ara ngi sete.

SLUFA VU 11:33

A tikaka useˀ vuna ta, ara zumaka ti zum aruŋ sina, Bumbulvuŋ a ji mevel ar taŋ, a ca taŋ ar bonoy madiɗaŋ.

SLUFA VU 21:6

Akẽh na, Bumbulvuŋ a slino taŋ kaw mihimaˀhay, a humbuɗaka Israyeleye, mizli a micam haɗi asi taŋ.

SLUFA VU 25:9

Naɓa masay Pinas vuna a kiɗ mizli le durmuk kukur cuw nga mufaɗ si.

SLRA 7:53

Ɓimuɗuva, kum mulumaka ti vu modro ngi Bumbulvuŋhoy na, ko ki jaka ɓi nah a hirnga ta!»

GALATAY 3:19

Na, Buymisemuŋ a vulo ɓimujuwa naŋ, vur mi ska? A ko di a meˀe, ɓa a njika gwat naŋ mawuɗ ta na cici, ɓa hã dideˀ ngi Abraham, naŋ miɓi a sa vulaŋ gwat tuwa, a so ɗagay. Ɓimujuwa nah na, i modro ngi Bumbulvuŋhoy musoko di, waɗ mbur deŋ ar wala.

Slu cuw 17:12

Amma mbur mahuhumo vu naŋ, a ga gwata manja cine mi da masay maga slra naŋ a mbuŋ Bumbulvuŋ Buymisemuŋ kumo, yo a cine mi da migi kiita ta na, kiɗaka mbur nah vagay. Naɓa ki zuɓaka mungra ngi wuzla Israyele le avra.

Slu cuw 17:2

Gwat asinta, pas mekeleme, ar walahay Bumbulvuŋ Buymisemuŋ kumo muvulukum taŋ na, ar pal asi taŋ, mbur zil malla ngwasa, ara gi gwat macira hiri da Bumbulvuŋ ta, ara ngila ɓi ngi jumoˀay naŋ,

Slu cuw 17:5

ko da i mbur zil, ko da i ngwas miga gwat nah na, kisa bam di nga mizlingre ngi walahay, joˀ kisa kuyupoko ti ɗugur.

Slu cuw 27:26

«Mbur macina mingiɓi ngir ɓimujuwa hana, a ja taŋ a hirnga ta na, i minisa le.» Mizli gar sa a mbiɗaka: «Amin.»

Slu cuw 32:2

Anja gwat ya madubunukum di, a ɓul kaɓa vuŋ magi ar guvahay, anja mingiɓi ɗu, a cifi kaɓa wulngar macifi avu giziŋ.

HEBEREY 1:1

Zleˀe na, Buymisemuŋ a ɓa dideˀ ndraˀahaya le, is mbeˀ mbeˀe, ti jiviɗ wal wal haɗi, a cinaka ɓi nah baɗ avu mijiviɗ naŋhay.

HEBEREY 10:28

Ɓimujuwa ngi Moyise, da mbur mingila le, yo da mizli cuw malla makir a gam sedewo le na, a kiɗaka mbur nah vagay, manja puraŋ ˀircece.

HEBEREY 10:35

Cici kum mizlak gidaŋ gidaŋ na, ki pulaka ta, kisa lumam migir haɗa aseˀeŋ.

HEBEREY 11:26

A pura hina hirnga ngi Mesi na, i zlili mifineˀ zlili ngi Ezipte, asi a ro hiri taˀ ar migir ngi mbuŋ.

HEBEREY 11:6

Dambalaka, da tiɓi anta na, ɓa Buymisemuŋ a hĩyã mburo na, a gi ta. Asi mbur makirih ng'avu Buymisemuŋ na, sey a tiɓa le, Buymisemuŋ naŋ da, yo ara wurka mizli masipakaŋ.

HEBEREY 12:25

Jam lesl so, mbur maɓukum na, ki cinakaŋ di, ki slam himaˀ ta. Mizli mislam himaˀ ngi cine mi ngi mbur miɓa taŋ ɗaˀ ɗaˀ le a ruwuy aka, da a laham avu kuti ti bonoyo ta na, ndra, da i ra mbiɗam duba avu mbur maɓo ndra paɗ ti muŋ na, i sa laham ava gu mbri mbri jak ka?

PIYER MUCUW NAŊ 1:19

Anga ma na, mingiɓi ngi mijiviɗey a jaha ndra le jah gidaŋ gidaŋ ma. Kum misi hiri ngrimme, kaɓa mapuram lampe mapusluɗ caray caray angi luvuŋ na, naŋ kaslsla, ngrimme hã li a wun, yo hã bangay ngi wuna li a pusluɗ a mevel kumo.

ZUDE 1:5

Ko da ki sinaka ɓi hana le gar tekeɗe kwana, i ra mukum hiri naŋ ava, asi ti Bumbulvuŋ muloho mizli naŋhay gar ti ngi hirwuy Ezipte na, a dirba nah, mizli mungumam tiɓi ta gar na, a ziza taŋ le.