HEBEREY 13:3 - Bible en langue guiziga

³ Wulkam angi mizli muroko angi dangaya, kaɓa kum angi dangay ati taŋ ya. Wulkam ar mizli muroko sam bonoyo, kaɓa ki ra sam bonoy ati taŋ ya.

HEBEREY 13:3 ပူးပေါင်းရင်းမြစ်များ

ZLI VIRZI 40:23

Amma madiɗa ngi migi gwat ngi sihey tuwa, anta ɓa ɓi ngi Zozefe mata, a puyuk di hirnga le.

Matiye 25:36

Ya gulndiŋ kine, ki kikiy zana le. Ya gu ta, ki soko le jinikiy. Ya ar dangay, ki soko le purikiy.›

Matiye 25:43

Yi ru mulak na, ki tiɓikiy mulaka ta. Ya gulndiŋ kine, ko ki kikiy zana avu vu ta. Ya gu ta, yo ya ar dangay, ki ram a purikiy ta.›

SLRA 24:23

Dar a ɓa soje madiɗa mijigina Polo, ɓa a jiginaŋ kuy kuy, a pulaŋ a pul vu neˀe, anja a tika ngama naŋhay ma kam slimiɗ anga na ta.

SLRA 27:3

Li naŋ muwun na, i ndilam a Sidoŋ. Zuliyus ada ga mezle da Polo haɗa, vurˀe a vulaŋ jiviɗ ɓa aru ng'avi ngama naŋhaya, ɓa a lum gwat avu taŋ.

ROMAHAY 12:15

Mumulom ati mizli muroko mumulomo, tuwam ati mizli muroko tuwama.

KORENTIHEY MUDUMBUŊ 12:26

Da hirzlik ngi dumvu purla ara si bonoy na, hirzlik mekelemey gar a sam bonoy aseˀe ya. Da ara ɗuvaka hirnga da hirzlik ngi dumvu purla na, naɓa mekelemey gar a mumulom aseˀe ya.

EFESEY 4:1

Ya mbur dangay asi ya mujom ati Bumbulvuŋ na, i ra tumbulu kum so: sipaka jiviɗ ngi Buymisemuŋ kasl kasl ka naŋ muzulukum na.

KOLOSOY 4:18

Ji haŋ, ya mutuhukum di ti haŋ ɗu, anihĩ: Ya Polo, i ro angi dangay, anja ki puykam hirnga ta. Anja Buymisemuŋ a gukum mezle.

HEBEREY 10:34

Asi mike na, kisam bonoy le jom ati mizli mijaka taŋ ng'ar dangay na, yo ki tiɓaka le ti mumul, ɓa a tiɓaka zlili kumoyo gar. Vur ki sinaka le, kum ada ti zlili mimezle mazik hã ngi sete.

HEBEREY 11:37

Mekelemeye ma na, a kuypaka taŋ ti ɗugur, a bukoko taŋ wurasl wurasl. A kiɗaka numuŋhoyo vagay vagay ti maslalam. A lumam cifi ar li purla ta. A kam zana ngi garak ngi tumuŋhoy malla zana mijaka ti ngwic ngi ˀaway. A tiram misi murgahay, a guzuvuraka taŋ, a gaka taŋ bonoy.

PIYER MUDUMBUŊ NAŊ 3:8

Mindir wurenna, sey ki ndiram ti wuluk misi purla, sam bonoy jom ati mizli mekelemeye. Wuɗam vu kaɓa sukumuŋhoy, puram ˀircece, hinam hirnga ar wala kumo.