HEBEREY 11:9 - Bible en langue guiziga

⁹ Abraham a ru, ara cifi moholoy angi hirwuy Buymisemuŋ miɓaŋ di ɗaˀ le tuwa na, asi tiɓi. A cifi ar guɗukoy, naŋ ati Izak waɗ Zakop, mizli mulumam gwat mupurla nah Buymisemuŋ miɓa le ɗaˀ le tuwa.

HEBEREY 11:9 ပူးပေါင်းရင်းမြစ်များ

ZLI VIRZI 12:8

A cuh ti kẽh, aru kini nga sarmuwã tisi pas ngi miprik ngi walahay Betel. A ɗiya guɗuk naŋ a diga, ar wala ngi Betel tisi pas ngi pastaˀ waɗ Aya tisi pas ngi miprik. A ɗiyi li gi mikuli da Bumbulvuŋ a diga ma, a tumbuloŋ, a zilaŋ ti slimiɗ naŋ Bumbulvuŋ.

ZLI VIRZI 13:18

Abram a kiroho guɗuk naŋhaya, a so cifi asi widis madiɗa a Mamre, gweˀ avu Hebroŋ. A ɗiyi li gi mikuli da Bumbulvuŋ a diga.

ZLI VIRZI 13:3

A slikiɗ nga mbuŋ neˀneˀ, hã sesẽŋ a Betel, ar li naŋ micifi dumbuŋ, ar wala ngi Betel ati Ay tuwa.

ZLI VIRZI 17:8

Hirwuy mulak ka misi anga wurenna na, i sa vuluw di, a ndir da ka ati dideˀ ɗikey a dirba ɗike. Hirwuy Kanaˀan gar a sa ndir da taŋ ngi set, joˀ yi sa tiri Buymisemuŋ taŋ.»

ZLI VIRZI 18:6

Akẽh na, Abraham a wus vu kutum ng'ar guɗuko, a ɓa Sara na: «Kutum! Hiric hapa mimezle kurkwasl makir, fukuɗaŋ, do di helelem mikefer kefer.»

ZLI VIRZI 18:9

A ɓaka Abraham tuwa: «ngwas ɗik Sara naŋ amaka?» A mbiɗa taŋ di: «N'ada ar guɗuku.»

ZLI VIRZI 21:34

Abraham a cifi, a zik haɗi angi hirwuy Filistiheye.

ZLI VIRZI 23:4

«Ani ya a wuzla kumo, yi mulak, yi moholoy. Vulikiy li ngi dika vu, i hiɗikaŋ, a ndir wãˀ da ya, ɓa i dika ngwas ɗu angaŋ.»

ZLI VIRZI 25:27

Ziri mizilehey tuwa, a gilam. Esaw a tiri gaw mawi haŋ kuy kuy wãˀ, i mbur mawuɗ ɓuh. Amma Zakopo, i mangal misi lesl, a ndir kulaˀ a hay.

ZLI VIRZI 28:4

Anja a ɗuwuluw mi, da ka ati dideˀ ɗikeye, kaɓa naŋ miga da Abraham na ya, ɓa hirwuy mulak ka misi anga hana, a ndir da ka, i hirwuy Buymisemuŋ muvula da Abraham.»

ZLI VIRZI 31:25

Labaŋ mija is da Zakop na, naɓa Zacop a ɗiya guɗuk naŋ le a muwã Galaˀat, Labaŋ ati mizli ngi hay naŋhaya, a ɗiyaka nga taŋ a diga ya.

ZLI VIRZI 35:27

Zakop a ndil a hay cine naŋ Izak a Mamre, a Kiriyat-Arba, i Hebroŋ misi Abraham ati Izak micifam zleˀe anga na.

ZLI VIRZI 36:7

Naŋ kine, zlili taŋhay a gam le haɗi, a cifam arleˀe gu ta, yo hirwuy taŋ misi anga vuna, a ndila ɓa a kiɗa taŋ may wãˀ ta, asi ginew taŋhaya taŋ haɗi.

ZLI VIRZI 47:9

Zakop a mbiɗaŋ di: «Ya maru ti slikiɗ aka akaka na, vi ɗu ani skat ti kukur makir. Vi ɗu a cuh kutum, yo i vi mutuwaˀhay ma, a ndila vi ngi dideˀ ɗuwoy mizikam ar li slikiɗ aka akaka na ta.»

DIMISEY 105:12

Ti nah zleˀe na, dideˀ ndraˀahaya taŋ haɗi ta, i moholoyoy njiraˀ kini si.

ZEREMI 35:7

Ki ndiram hay ta, ki huvam ta, ki hirvam widis ngi zumoy ta, ko ki wuɗam gwat loŋ ta si. Amma angi siifa kum gar na, kisa hinam angi guɗukoy, ɓa ki zikam haɗa angi hirwuy mulak kum misi anga na.

HEBEREY 6:17

Mizli masa lumam zlili naŋ miɓa le ɗaˀ le nah, Buymisemuŋ muhudum hidam le na, dambalaka a wuɗ a biga taŋ di njah na, gwat naŋ mujuwa le a mevele na, anta mbiɗa mata si.