HEBEREY 11:4 - Bible en langue guiziga

⁴ Abel a ga mikuli mezle da Buymisemuŋ fineˀ ngi Kayẽ na, asi tiɓi. Buymisemuŋ miɓi, Abele, naŋ jeŋŋe, a hĩyã mikuli naŋ migaŋ di na, asi tiɓi. Ko da Abel a muc le tekeɗe kwana, kite ara ɓi ɓi aruŋ na, asi tiɓi.

HEBEREY 11:4 ပူးပေါင်းရင်းမြစ်များ

ZLI VIRZI 4:10

Bumbulvuŋ a mbiɗaŋ di ma: «Ki gi di mi hanaka? Pumbus ngi sukum ɗik macufuɗ pula cuwal naŋ baɗ a ruwuyo na, cine.

ZLI VIRZI 4:15

Amma Bumbulvuŋ a mbiɗaŋ di: «Da kine na! mbur mikiɗa Kayẽ le vagay na, a sa pulaka cuwal naŋ is tarnaˀ.» Bumbulvuŋ a ɗuva lammba da Kayẽ, ɓa ko wa misa zlir di le gar na, anta sa kiɗa vagay mata.

ZLI VIRZI 4:25

Adamu a jumom ati ngwas naŋ ma, a yi mangal mizile. Hawa a zila Sete, asi a ɓi na: «Buymisemuŋ a vuliy mangal mekelem le ar deɗe ngi Abel, Kayẽ mikiɗa vagay tuwa.»

ZLI VIRZI 4:8

Kayẽ a ɓa sukum naŋ Abele na: «Akum» nga duba gala, ti taŋ mindilam a duba gala na, Kayẽ a jiɗ bir ar sukum naŋ Abele, a kiɗa vagay.

BUYOY MUDUMBUŊ NAŊ 18:38

Ar nah na, Bumbulvuŋ a bulo vu, a zluma useˀ ngi zlum ti zlumo, dumo, ɗuguroyo hirwuyo waɗ a hila yam misi angi vigiɗ mugun hirnga li gi mikuli tuwa ŋsoht.

Ɗerewol JOP 8:10

Amma taŋ misi zleˀeheye, a dubunukuw gwata, a sa ɓukuw ɓi ma, yo tir wuluk taŋ, a sa boko ti ɓi ngi siney ani:

MIKUCUWULOY 15:8

Mikuli ngi misi moˀoreheye, a ga Bumbulvuŋ kuyta wãˀ, amma diradibiɗ ngi mizli mikaslslahaya, a hĩyã teˀe.

MIKUCUWULOY 21:27

Mikuli ngi mbur misi moˀore i gwat mukuyta wãˀ, sokkota naŋ maga ti wuluk malambaˀ na jak ma.

LEVIHEY 9:24

Vu a bo ti mbuŋ Bumbulvuŋ, a zluma mikuli ngi zlum ti zlum ati munguloy tuwa, zlam zlam ar li gi mikuli. Mizli gar mupuraka kanah na, a jam salalay, a hurukom huruk huruk a ruwuy.

Matiye 23:35

ɓa pumbus ngi mizli mijeŋŋehey mipi a ruwuy gar na, a sa mbuɗo nga hirnga kum, zle avu pumbus ngi Abel, mbur mijeŋŋe, hã avu pumbus ngi Zakari, mangal ngi Baraki, kum mikiɗaka vagay ar wala ngi hay ngi Bumbulvuŋ ati li gi mikuli a mbuŋ Buymisemuŋ na.

Ɓimezle ngi Yesu Kristu LUK mitil di mi 11:51

zle avu pumbus ngi Abel, hã avu pumbus ngi Zakari, mizizakaŋ ar wala ngi li gi mikuli a mbuŋ Buymisemuŋ ati hay ngi Bumbulvuŋ na. Haˀaw, yi ɓukum na: A sa pulaka cuwal taŋ avu mizli migwenehey!

Ɗerewol TIT 1:16

A gam kaɓa a sinaka Buymisemuŋ le, amma avu gwat ngi gi taŋ na, ko a sinakaŋ ta. Taŋ i malambaˀhay wãˀ, i mislikiɗa ɓihey, gwat mezle gar na, a ndilaka gi nah ta.

HEBEREY 11:2

Buymisemuŋ mingilwuy ti mizli misi zleˀehey na, asi tiɓi taŋ.

HEBEREY 12:1

Naŋ kine so, ndra kwana, migi sedewohoy haɗi a gunom ndra hirnga le gun. Gwat ndra majijiraka gar ati mungra maja ndra kutum kutom kutom na, hizigukum taŋ avra. Kulukum mi humbaɗ, i kiɗaka mi ngi pi mi ndra.

HEBEREY 12:24

yo ki kiraham ng'avu Yesu misi ar wala ngi jumoˀay manawaya, waɗ ng'avu pumbus naŋ mipa, pumbus maɓi ɓi fineˀ pumbus ngi Abel ma.

HEBEREY 5:1

Naŋ kine, masay madiɗa a mbuŋ Buymisemuŋ gar na, a winakaŋ ti wini a wuzla mizli, ɓa ngi gi slra ngi jumo taŋ ˀay ati Buymisemuŋ. Slra naŋ i gi sedege waɗ gi mikuli a mbuŋ Buymisemuŋ ngi zuɓa mungra ngi mizli avra.

HEBEREY 9:22

Avu ɓimujuwa mawuɗ na, vendeke ngi gwat gar na, a zuɓaka hiryi naŋ avra ti pumbusu, da pumbus a pi sek le ta na, naɓa pula mungra anta.

PIYER MUCUW NAŊ 2:8

Asi naŋ, mbur mijeŋŋe na, a cifi le a wuzla taŋ. Gwat ngi ji mevel, taŋ magaka, Lot mapura ati naŋ macina vur hin gar na, ɓi naŋ a giraŋ a mevele mezle tuwa.

ZUDE 1:11

Kay! Taŋ ar bonoy, asi a sipam di i jiviɗ ngi Kayẽ. A pulaka vu taŋ da slir, ɓa ngi luuma dala kaɓa Balaˀam, yo a zizam kap kap wãˀ, asi a slam himaˀ le avu Buymisemuŋ kaɓa Kore.