HEBEREY 1:9 - Bible en langue guiziga

⁹ Ki wuɗ ɓi mijeŋŋe, ki hirsa ɓi malambaˀa. Aw Buymisemuŋ, Buymisemuŋ ɗike, mupuw mal ngi vula slra na vurˀe. A puw mumul kaɓa mal a hirnga ɗike. I mal mavul mumul, fineˀ ngi cil ɗikeye.»

HEBEREY 1:9 ပူးပေါင်းရင်းမြစ်များ

DIMISEY 119:104

Ya masla wala ngi ɓi na, mbele ya masipa gwat ka mawuɗ na, yo ya mahirsa ɓi ngi slir gar na, vurˀe ma.

DIMISEY 119:128

Ar ɓi wanaka cek na, i luuma gwat ka wawuɗ gar na, taŋ jeŋŋe, ɓi ngi slir gar na, yi ra hirsaŋ.

DIMISEY 2:2

Buy madiɗa ngi si ruwuyoyo, ara slikiɗam ɓi ngi gi vurum. yo mizli micawwahaya, ara gam gidiɓi ar Bumbulvuŋ waɗ ar mbur naŋ muwunaŋ na.

DIMISEY 2:6

A ɓi: «Ya i ca buy ɗu madiɗa le a Siyoŋ, Siyoŋ, muwã ɗu mipal.»

DIMISEY 23:5

Ki vuliy ɗaf ngi muguzlum taˀ a mbuŋ ɗu, a mihiri ngi mesene ɗuwoy. Ki piy mal mazĩˀĩ ndum nga hirngaŋ. Ki nihiy sikiɗ ɗu le peɗe peɗe ti mbaazla.

DIMISEY 33:5

A wuɗ ɓi mijeŋŋe waɗ minjah, gi teŋteŋ ngi Bumbulvuŋ, a naha ruwuyo le.

DIMISEY 37:28

Asi Bumbulvuŋ a wuɗ gi gwat misi ti jiviɗ naŋ, anta pula mizli miteŋteŋ naŋhaya zlaɗ ta. A ra wi taŋ vu ndrehhe, amma a sa ngizla sukwi ngi mizli maziriɗakaŋ miheye.

DIMISEY 40:8

Joˀ yi ɓi na: «Pura, y'ani i ra ru ng'avi ka ti ɗerewol mufuɗa, misi mingiɓi mutoho ara vur ya.

DIMISEY 45:6

Luvut ɗikeye taŋ piyeŋ piyeŋ, ka masa mula mesene ɗikeye jeŋŋe a mevel dar dar na, mizli a sa ndilam saɓaɓaɓa asi sar ɗike.

DIMISEY 45:7

Haˀaw Buymisemuŋ ɗu, gidaŋ ngi zumabuy ɗike naŋ hã ngi sete. Ki jigina mizli kasl kasl ti ganday ngi ɗik ka buyo.

DIMISEY 89:20

Ti di numuŋ ada, angi ka mibiga vu da mizli miteŋteŋ ɗikey na, ki ɓa t'ani: i jini mbur gambara le, i ga ɗongor le da mangal gawla a wuzla mizli ɗuwoyo.

DIMISEY 89:26

I sa vulaŋ gidaŋ ngi zuma buyo hã sesẽŋ a mubuliy Meditarane, waɗ sesẽŋ a mizaw Efrat.

MIKUCUWULOY 8:13

Zluwun ti Bumbulvuŋ na, i hirsa gi malambaˀa. Huhumo vu, njuro vu, jiviɗ ngi gi malambaˀ ati ɓi ɓi muslurkoɗ gar na, yi pura taŋ hiris le.

EZAYI 61:1

ˀUf ngi Bumbulvuŋ Buymisemuŋ naŋ da ar ya. Naŋ kine, Bumbulvuŋ a tiri ti ya mbur, naŋ muwuna le. A slino ya ɓa ngi so ti ɓi mezle da misi murgahay, ɓa ngi tisla mevel da mizli malikam, ɓa ngi tila mi ti ɓi ngi pula mizli mijahay le, ɓa ngi cuko celelu ngi dangayay avra,

EZAYI 61:3

ɓa i tuwuɗa loppol a hirnga mizli mutuwa Siyoŋhoyo. Haˀaw, i sa tuwuɗa taŋ di i loppol gisiŋ, i pa taŋ fucu a hirnga ta, i sa pa taŋ urdi mimezle haɗa ngi vula mumul, i urdi ngi tuwa vagay ta, i sa vula taŋ zana ngi muguzlum, ar deɗe ngi ndurɓo hiri taŋ. Hana gar na, ɓa mizli a sa zilaka taŋ ‹Widis ngi ɗuva hirnga da Buymisemuŋ, yo guva ngi Bumbulvuŋ, mihĩˀĩ ngi biga dudok naŋ›.

EZAYI 61:8

Asi ya Bumbulvuŋ, gwat ngi gi zuy na, yi wuɗ di i naŋ, amma gwat ngi tiɓi ti gidaŋ na, yi pura ɓi nah hiris le. I sa vulukum migir kumo ti jiviɗ naŋ kaslsla, yo i sa jumˀay ati kumo ngi wãˀa.»

AMOS 5:15

Puraka ɓi malambaˀa hiris le, wuɗam gi mezle. Ar kiita na, cicaka ɓi kaslsla, asinta, Bumbulvuŋ Buymisemuŋ misi gidaŋ wãˀa, a sa pura ircece da dideˀ ngi Zozefey mindirama.

ZAKARI 8:17

Anja mbur a ja cil naŋ a kwacay, ɓa ngi gaŋ malambaˀ ta. Ki wuɗam hudum ti slire ta. Asi gwat tayna gar na, yi ra pura taŋ hiris le. I ya Bumbulvuŋ misi gidaŋ wãˀ maɓi.»

SLUFA VU 7:43

A so ti taasa mipitikayya ngi ɓiri bara, dudok naŋ, gram durmuk ti skat skat makir, zuŋ sikiɗ ngi ɓiri bara ngi kuca li, dudok naŋ gram skat skat tarnaˀ, a waka taŋ ti kilo mawam di gwat ar hay ngi Buymisemuŋ, sikiɗ ngi ɓiri mucuw tayna, taŋ mbaf mbaf ti hapa mufukuɗa ti mal, i ngi gi sedege.

Ɓimezle ngi Yesu Kristu LUK mitil di mi 4:18

«ˀUf ngi Bumbulvuŋ naŋ da angi ya. Asi a winiy le ngi tila mi ti Ɓimezle da misi murgahay. A slino ya ɓa ngi tila mi ti ɓi ngi laha dangayay, ngi tila mi ti ɓi ngi wuna hiri ngi dangaray, ɓa ngi pula mizli masam bonoyo, ɓa a lumam hirnga taŋ,

Ɓimezle ngi Yesu Kristu ZAŊ mitil di mi 1:41

Andre ara luuma Simoŋ, sukum naŋ migisiŋ gisiŋ dumbuŋ kwaɗay, a ɓaŋ: «I lumaka Mesi le.» Mesi, mbiɗeˀvra: ‹Kristu.›

Ɓimezle ngi Yesu Kristu ZAŊ mitil di mi 10:17

Baha a wuɗiy, asi ya mavula siifa ɗu, ɓa i sa luuma a muŋ.

Ɓimezle ngi Yesu Kristu ZAŊ mitil di mi 20:17

Yesu a ɓaŋ: «Ki tikiy ta, asi yi ru ng'avi Baha t'aruŋ. Amma ka, ara luuma sukum ɗuwoyo, ɓa taŋ na: i ra ru le ng'avi Baha, Cine kum, ng'avu Buymisemuŋ ɗu, Buymisemuŋ kum.»

Ɓimezle ngi Yesu Kristu ZAŊ mitil di mi 3:34

Naŋ kine, mbur Buymisemuŋ mislino di le na, a ɓi di i ɓi ngi Buymisemuŋ, asi Buymisemuŋ ara nahaŋ haɗa ti ˀUf naŋ.

SLRA 10:38

Ki sinaka le, Yesu ngi Nazarete, Buymisemuŋ a vulaŋ gidaŋ ngi ˀUf Mipala le, a liˀi ti gimezle ar lihey gar, a mbulo mizli muroko asi haŋ ngi Satanaya le gar, asi Buymisemuŋ naŋ da ati naŋ.

SLRA 4:26

Buy madiɗa ngi ruwuyoy, a juwam vu le, yo madiɗa ngi mizli, a jumom ˀay le, ɓa a gam vurum ati Bumbulvuŋ waɗ avu mbur naŋ muwunaŋ.›

SLRA 4:27

«Kanah, Herod, Pons Pilat ati sukwi ngi mizli mekelemey waɗ mizli Israyeley a jumom ˀay le gisiŋ ar walahay madiɗa hana vur Yesu, gawla ɗik mipal, ka muwunaŋ na.

ROMAHAY 12:9

Anja ki wuɗam vu ti kwacay purla. Hirsaka gi malambaˀa, ki pulaka gimezle ta.

ROMAHAY 15:13

Anja Buymisemuŋ magukum ɓa ki njaham hiri njah na, a nihikum mevele ti mumul ati zuy ar kum mitiɓam na, ɓa njaha hiri kum na, a gi haɗa ti gidaŋ ngi ˀUf Mipal.

KORENTIHEY MUDUMBUŊ 1:9

Bumbulvuŋ muzulukum ɓa ki ndiram jom ati Mangal naŋ Yesu Kristu, Buy ndra na, gwat naŋ miɓa le na, a ga cummo.

KORENTIHEY MUCUW NAŊ 11:31

Buymisemuŋ, Cine ngi Buy Yesu, maɗuwulam di mi hã ngi set na, a si na le, y'anta gi slir ta.

GALATAY 5:22

Amma gwat ˀUf Mipal maya a hur mburo n'anihĩ: wuɗavu, mumul, zuy zuy, ɓusa ɓi, gimezle, mevel mezle, gi teŋteŋ,

EFESEY 1:3

Hunumukum Buymisemuŋ, Cine ngi Buy ndra Yesu Kristu. A ɗuwula ndra mi le haɗi ar ndra mujom ati Kristu, a vula ndra gwat ngi muŋhoy gar.

FILIPIHEY 2:9

Vurˀe, Buymisemuŋ a cifaŋ ar li ngi dudok miwãˀ naŋ, yo a caŋ slimiɗ mifineˀ slimiɗey gar,

HEBEREY 2:11

Asi mike na, Yesu, naŋ mbur migi mikuli a mbuŋ Buymisemuŋ ati mizli, naŋ muvula taŋ le da Buymisemuŋ vuna na, taŋ gar a boko ti vu Cine purla. Vurˀe, naŋ anta gi mesem ngi zila taŋ sukum naŋhaya ta.

HEBEREY 2:9

Amma ndra mapurama, i Yesu mima hirnga naŋ nga ruwuy ngi hin neˀ avu modrohoyo, ɓa a si bonoy, a muc vur mizli gar tisi gimezle ngi Buymisemuŋ. Vurˀe, Buymisemuŋ a tuwuɗaŋ gi dudok ati gi ɗongoro le ka loppol.

HEBEREY 7:26

Yesu i masay madiɗa a mbuŋ Buymisemuŋ, ka ndra mawuɗam. Naŋ pal, malambaˀ ati mungra anta ava ta, naŋ wal avu migi mungraˀahaya. Buymisemuŋ a zuɓa le hã nga duba muŋ.

PIYER MUDUMBUŊ NAŊ 1:3

Hunumukum Buymisemuŋ, Cine ngi Buy ndra Yesu Kristu. Ar pura ˀircece naŋ mihaɗi na, a ya ndra le sar mucuw naŋ ma ti naŋ mislikiɗa Yesu Kristu ti wuzla mumucahay na, ɓa njaha hiri ndra ar gwat mezlehey, naŋ masa vula ndra taŋ na, a muc ta,

ZAŊ MUDUMBUŊ NAŊ 1:3

Gwat ndra mupuraka ati ndra micinaka na, i ra tulukum di mi ya, ɓa kumo kwana, ki ndiram jom ati ndra. Jum ndra na, i jum ati Cine, waɗ ati Mangal naŋ Yesu Kristu.

ƁIMUNJUYO 2:15

A hay ɗik vuna ma na, mudubuna ɓi ngi Nikolasay ada ma.