HEBEREY 1:4 - Bible en langue guiziga

⁴ Mangal ngi Buymisemuŋ, a tiri madiɗa le fineˀ modrohoyo wãˀ. Vurˀe, Buymisemuŋ a caŋ slimiɗ mupuɗaw haɗi fineˀ nga taŋ.

HEBEREY 1:4 ပူးပေါင်းရင်းမြစ်များ

EFESEY 1:21

Buymisemuŋ a cifa Kristu le, naŋ dum hirnga ngi gwat misi gidaŋhay gar, ngi gwat mazumam buyoy gar, naŋ dum hirnga ngi gidaŋ ngi wi mizli gar, ngi buy mimadiɗahay gar, ngi slimiɗey macaka taŋ angi duniya hana tew ta ma, amma angi duniya misi ti mbuŋ ma.

KOLOSOY 1:18

Cikil ngi misikristuhoy i dumvu, naŋ i hirnga naŋ. I zli virzi ngi gwat, i modogom mislikiɗ dumbuŋ ti wuzla mumucahay, ɓa a cifi, naŋ i mudumbuŋ a hirnga gwatay gar.

KOLOSOY 2:10

Yo kumo, ki jumom le wãˀ ati Kristu. Gi madiɗa ati zuma buyoy gar na, i naŋ miwa taŋ.

TESALONIKEY MUCUW NAŊ 1:7

Tapas Buy ndra Yesu masa bugo vu ti muŋ ati modro naŋ migidaŋhay na, kum masam bonoy na, a sa cufukum ɓa ki muskam vu ati ndra ya.

HEBEREY 1:9

Ki wuɗ ɓi mijeŋŋe, ki hirsa ɓi malambaˀa. Aw Buymisemuŋ, Buymisemuŋ ɗike, mupuw mal ngi vula slra na vurˀe. A puw mumul kaɓa mal a hirnga ɗike. I mal mavul mumul, fineˀ ngi cil ɗikeye.»

HEBEREY 12:17

Ki sinaka le, a dirba nah, a wuɗ ɓa cine a ɗuwulaŋ mi, amma a bakaŋ le avra. Ɓa a mbiɗa gwat naŋ miga na, ko ti naŋ mutumbulo cine ti tuwuy kwana, a gi mata.

HEBEREY 2:9

Amma ndra mapurama, i Yesu mima hirnga naŋ nga ruwuy ngi hin neˀ avu modrohoyo, ɓa a si bonoy, a muc vur mizli gar tisi gimezle ngi Buymisemuŋ. Vurˀe, Buymisemuŋ a tuwuɗaŋ gi dudok ati gi ɗongoro le ka loppol.

PIYER MUDUMBUŊ NAŊ 3:22

Yesu Kristu muru nga muŋ, naŋ mujoˀ tir vay hazum ngi Buymisemuŋ na, ara zum buy ar modrohoy, yo ar gwat madiɗahay waɗ ar gwat misi gidaŋ ngi muŋhoy gar.