HEBEREY 1:3 - Bible en langue guiziga

³ Mangal nah na, i wucuɗ ngi dudok ngi Buymisemuŋ, Buymisemuŋ, naŋ kahana kahana na, a bugo di le wãˀ. Yo majaha gwatay gar na, i naŋ ti mingiɓi naŋ migidaŋ. A dirba naŋ mubuna mungra ngi mizli avra na, a cifi a muŋ tir vay hazum ngi Buymisemuŋ migidaŋ wãˀa.

HEBEREY 1:3 ပူးပေါင်းရင်းမြစ်များ

ƁI NGI HIN GAR MUDUMBUŊ NAŊ 29:11

Madiɗaŋ, gidaŋ, ɗuva hirngaŋ waɗ dudok, i ngi ɗik ka Bumbulvuŋ, asi gwat ngi muŋhoy ati misi a ruwuyoy gar i ngi ɗikey. Asi ki buy madiɗaŋ, ka a hirnga gwatay gar.

Ɗerewol JOP 37:22

Li minjahha, gingiliw gingiliw ka ɓiri tapasl tapasl, a go tir vay muŋ, Li mawucuɗ magi zluwun, gun hirnga ngi Buymisemuŋ.

DIMISEY 110:1

Dimis ngi wuzla dimis ngi Davitey. Bumbulvuŋ, Buymisemuŋ a ɓa buy madiɗa ɗu ani: «Cifi joˀ tir vay hazum ɗu, ɓa mesene ɗikeye, i tiri taŋ li ɗuva sar ɗiki.»

DIMISEY 75:3

Buymisemuŋ a ɓi: «Ar hin ya muɗuva le na, yi gi kiita mijeŋŋe.

TILA MI 8:4

Asi mingiɓi ngi buyo naŋ ti dudoko. Maɓaŋ: «Ki gi mike» na, i waka?

LEVIHEY 15:15

Ɗiyuw pal mekeleme, masay a gi di mikuli ngi pula mungra, yo mipal numuŋ kwana, a gi di mikuli mizlam zlam wãˀ. Dar masay a ga mezegwel ngi vula jiviɗ ngi pula mungra ngi mbur tuwa, a mbuŋ ɗu.

MISE 5:4

Masa so ti zuy asi ruwuyo i naŋ vuna. Da mizli Asirihey misa coko le asi hirwuy ndra, ara zumaka hay ndraˀahaya na, i sa cicam mijiginey tarnaˀ, waɗ buy ngi mizli dangafaɗa, ɓa a zliram dibiɗ ati taŋ.

Matiye 22:24

«Kumani, Moyis a ɓi na: «Da mbur a muc le, a pul zuŋ ta na, sey sukum naŋ a ngila ngwasa, ɓa a yi ziri da vagay sukum naŋ na.»

Mark 16:19

A dirba Buy Yesu miɓa taŋ kahana na, a zuɓakaŋ nga muŋ, ara cifi tir vay hazum ngi Buymisemuŋ.

Ɓimezle ngi Yesu Kristu ZAŊ mitil di mi 1:14

Yo Mingiɓi tuwa a tiri mbur titra le. A cifi a wuzla ndra ti gimezle ati ɓi ɓi mikaslsla haɗa. I puraka dudok naŋ le. I dudok ngi Mangal kirmalay mulumo di avu Cine.

Ɓimezle ngi Yesu Kristu ZAŊ mitil di mi 1:29

Li naŋ muwun na, Zaŋ a pura Yesu ara sawa ng'avaŋ, dar a ɓi: «Puraka, tumuŋ ngi Buymisemuŋ mazuɓa mungra ngi duniya.

Ɓimezle ngi Yesu Kristu ZAŊ mitil di mi 1:4

Siifa a bo ti vaŋ, yo siifa i li minjahha ngi mizli.

SLRA 2:33

Buymisemuŋ a ga Yesu le ɗongor tir vay hazum naŋ. ˀUf naŋ Mipal, naŋ miɓa ɓi naŋ ɗaˀ le tuwa, a lumo di le tivi Cine, naŋ kwana a slino di le nga hirnga ndra. Kum mapuraka ati kum macinaka wurenna na, i nah.

SLRA 7:56

Dar a ɓi: «Ani, i ra singila muŋ, a wucuh le wucah, waɗ Mangal ngi mbur deŋ tir vay hazum ngi Buymisemuŋ.»

ROMAHAY 1:16

Y'anta gi mesem ngi tila mi ti Ɓimezle ta, asi i gidaŋ ngi Buymisemuŋ malaha ko wa mitiɓi le gar, Yudehey dumbuŋ waɗ sukwi mekelemey gar.

ROMAHAY 8:34

Mbur maga taŋ kiita gu, i waka? Anta wãˀ! Asi Yesu Kristu a muc le, yo mukuy wãˀ ma na, a slikiɗ le, naŋ da tir vay hazum ngi Buymisemuŋ, ara dir dibiɗ ar deɗe ndra.

KORENTIHEY MUCUW NAŊ 4:4

Mizli misi hirnga gidaŋhay anta tiɓaka Ɓimezle ta, asi Satan, taŋ madilkam a mbuŋ naŋ ar duniya hana na, a digisla taŋ lesle le, ɓa li minjahha ngi Ɓimezle, ngi ga dudok da Kristu na, a puraka ta. Kristu i foto ngi Bumbulvuŋ vuna.

KOLOSOY 3:1

Ki slikiɗam le jom ati Kristu tir muco, da kine na, sipam gwat ngi muŋhoy, ar li Kristu mujoˀ tir vay hazum ngi Buymisemuŋ.

Ɗerewol TIT 2:14

Kristu a vula hirnga naŋ le ti haŋ naŋ vur ndra, ɓa ngi mbuɗo hirnga ndra tir gi gwat lambaˀ gar, yo ɓa a buna ndra celelle da naŋ, ndra mihirdam hirdam ngi gi gwat mezlehey na.

HEBEREY 1:13

Buymisemuŋ ɓa a ɓi: «Cifi joˀ tir vay hazum ɗu, hã ɓa yi hina mesene ɗikey asi sar ɗike, ar deɗe ngi gwat ngi ɗuva sar» na, ko a ɓi vur modro naŋhaya kahana ɗaˀ ta ndiɗaˀ.

HEBEREY 10:12

Kristu miga mikuli vur mungra ngi mizli is purla na, a dirba nah, a cifi tir vay hazum ngi Buymisemuŋ hã ngi sete.

HEBEREY 12:2

Ɗuvukum hiri taˀ angi Yesu, maga ɓa i tiɓam na, zle avu zli virzi naŋ hã vu kiɗa mi naŋ. A ɓusa le ɓa a dirakaŋ angi dum mizliraŋ, manja mesem. Vur a ɗuva dibiɗ naŋ le taˀ angi mumul, muwakaŋ di vu, yo a cifi le joˀ tir vay hazum ngi janga ngi Buymisemuŋ.

HEBEREY 4:14

Tiɓi ndra matilam di mi na, sey i jaka gidaŋ gidaŋ. Vur ndr'ada ti masay madiɗa a mbuŋ Buymisemuŋ, i Yesu Mangal ngi Buymisemuŋ. Naŋ a ngira muŋ le ŋcaht sesẽŋ avu Buymisemuŋ.

HEBEREY 7:27

N'anta kaɓa masay madiɗa a mbuŋ Buymisemuŋ mekelemey na ta. Gi mikuli vur hin gar, dumbuŋ vur mungra ngi hirnga naŋ, yo vur ngi mizli gar na, naŋ anta ti may ngi gi naŋ ta. A ga nga naŋ le is purla tewle, ti naŋ muvula hirnga naŋ tehhe a muŋ.

HEBEREY 8:1

Gwat mupuɗaw haɗa angi ɓi ndra muboko di na, anihĩ: ndr'ada ti masay madiɗa a mbuŋ Buymisemuŋ ka ndra mawuɗama. N'ada joˀ tir vay hazum ngi Buymisemuŋ Mimadiɗa misi ar janga naŋ a muŋ.

HEBEREY 9:16

Da mi ngi mbur vagay toh toh ada akẽh na, naŋ kuy ngi si na sin le, mbur mutoho ɓi nah vuna a muc le.

HEBEREY 9:26

Da Kristu a ga kanah zleˀe ta na, zle avu ɗuva virzi ngi duniya na, anja a si bonoy le is mbeˀ mbeˀe. Amma naŋ a bugo vu is purla tewle, gweˀ avu kiɗa mi ngi hin, ɓa a susuymo mungra ngi mizli ti gi mikuli a mbuŋ Buymisemuŋ ti hirnga naŋ tehhe a muŋ.

PIYER MUDUMBUŊ NAŊ 1:21

Kum matiɓaka Buymisemuŋ na, mbele naŋ, naŋ mislikiɗaŋ ti wuzla mumucahay, yo muvulaŋ dudok, hã tiɓi kum ati njaha hiri kum, a cici angi Buymisemuŋ.

PIYER MUDUMBUŊ NAŊ 3:22

Yesu Kristu muru nga muŋ, naŋ mujoˀ tir vay hazum ngi Buymisemuŋ na, ara zum buy ar modrohoy, yo ar gwat madiɗahay waɗ ar gwat misi gidaŋ ngi muŋhoy gar.

PIYER MUCUW NAŊ 1:16

Naŋ kine, ndra mubugukum gidaŋ ati so ngi Buy ndra Yesu Kristu na, i slufukum di i mambaˀ mukuyoy kilaw kilaw ta. Amma i puraka dudok naŋ le ti hiri ndra.

PIYER MUCUW NAŊ 1:17

Asi ti ˀay ngi Buymisemuŋ mifineˀ gwat gar micino, naŋ miɓaŋ: «Mbur hana, i mangal ɗu, ya mawuɗaŋ, i mbur ya hĩhĩyaŋ ɓa yi winaŋ» na, a lum ɗuva hirnga, waɗ dudok tivu Buymisemuŋ Cine ndra.

ZAŊ MUDUMBUŊ NAŊ 1:7

Amma da i ra ram angi li minjahha kaɓa naŋ vuna misi angi li minjahha na, naɓa jumoˀay ada ar wala ndra, yo pumbus ngi Yesu Kristu, Mangal ngi Buymisemuŋ, a buna mungra ndraˀahaya gar avra.

ZAŊ MUDUMBUŊ NAŊ 3:5

Na, ki sinaka le, Yesu a so ngi zuɓa mungra ngi mizli avra, amma naŋ, ko mungra anta ava ta.

ZUDE 1:25

yo Buymisemuŋ mupurla tew, Milih ndra tisi Buy ndra Yesu Kristu na, anja hunum, dudok, madiɗa waɗ gidaŋ gar a ndir da naŋ zle dumbuŋ angi naŋ miga gwatay gar, zle wurenna hã ngi sete. Amin.

ƁIMUNJUYO 3:21

Mbur mulum bugawla le na, i sa vulaŋ jiviɗ ɓa a cifi aciki ɗu angi li zumabuy ɗu, kaɓa ya mulum bugawla, ya mura cifi aciki Baha, ar janga nga naŋ buy na ya.

ƁIMUNJUYO 4:11

«Aw Bumbulvuŋ, Buymisemuŋ ndra, ki ndila le ter ɓa mizli a gukuw dudok, a ɗuvukuw hirnga, yo ɓa a sinaka, ka gidaŋ. Asi miga gwatay gar, i ka. Ki wuɗ le anja t'ada, yo a gam le.»