HEBEREY 1:2 - Bible en langue guiziga

² Amma angi hin ngi dirba muwãˀ ndra misi anga hana na, mingiɓi ngi Buymisemuŋ, i cinaka baɗ avu Mangal naŋ. Buymisemuŋ a cifaŋ i buy ngi gwatay gar, yo a ga duniya ti seˀe ma.

HEBEREY 1:2 ပူးပေါင်းရင်းမြစ်များ

ZLI VIRZI 49:1

Zakop a zila ziri naŋhaya, a ɓa taŋ: «Cikilam hirnga ɓa yi ɓukum ɓi ngi gwat masa gi avu kum tumbuŋ.

EZAYI 2:2

Hin a sa sawa, muwã, hay ngi Bumbulvuŋ misi anga na, a sa gi dum hirnga muwãhay gar, yo a sa funa li miɗigireye gar. Sukwi ngi mizli gar a sa ram nga diga.

EZAYI 44:24

Israyeley, Bumbulvuŋ mimbiɗi hirnga kum, yo mukicuwukum zle a kwacay mumuŋ kumoyo, a ɓukum na: «Gwatay misi ada gar na, i ya Bumbulvuŋ miga taŋ. Minjira muŋ bilir i ya pal ɗu, i ciya hirwuyo cay pal ɗu, mijiniy i waka?

EZAYI 45:12

Miga hirwuy i ya, yo miga mizli titira ngi raˀahay, i ya. I ya ti haŋ ɗu minjira muŋ bilirre, yo wurzlaŋ ngi muŋhoyo, i ya muwa taŋ.

EZAYI 45:18

Bumbulvuŋ, i naŋ miga muŋ, naŋ i Buymisemuŋ, mukutumo hirwuy, naŋ mitiri di gidaŋ gidaŋ. A ga hirwuyo ɓa a ndir njoŋ kine ta, amma a ɓa mizli a pam ara. A ɓi na: «Bumbulvuŋ i ya, ko mekelem anta.

ZEREMI 30:24

Bumbulvuŋ, mevele mufõh fõh, ɓa a sa tisle na, gwat naŋ ɓi micica ɓi nah wãˀ ngi gi ngi gi gar na, sey da naŋ miga taŋ le gar far. Nga mbuŋ, kisa slaka wala nah ɓula.

ZEREMI 48:47

Amma nga mbuŋ na, i sa ɗiya Moˀapa hiri naŋ a muŋ I ya Bumbulvuŋ maɓi.» Kiita ngi Moˀap a kiɗ mi aka.

EZEKIYEL 38:16

Ki sa ra luuma Israyel, mizli ɗuwoyo, hã hirwuyo sirit wãˀ kaɓa gazlavay masirta li. Hana a sa gi sey hin naŋ mindila le. Ka Gok, ti ya misa biga ya mipal na le a mihiri mizli tisi ka na, i sa puluw jiviɗ ɓa ki ra zuma hirwuy ɗu, ɓa sukwi mekelemey a sinaka, yi Buymisemuŋ gisiŋ.

DANIYEL 10:14

Yi so na, ɓa ngi ɓuw ɓi ngi gwat masa gi tumbuŋ avu mizli ɗikey, asi ar hin masa gam tayna na, gwat ngi pur ti kleŋ ada pal aruŋ.›

DANIYEL 2:28

Amma Buymuŋ ada, a njik gwat mufuna wuluk ngi mbur, yo gwat masa gi ti mbuŋ na, i naŋ mabuguw di da ka buy madiɗa Nabukodonozoro. Musuwun ɗik ati gwat ka mupura ti kleŋ, ti ka mutup na, n'ani.

Ɗerewol OZE 3:5

A dirba nah, Israyeley a sa sipaka Bumbulvuŋ Buymisemuŋ taŋ a muŋ, ati Buy taŋ Davit. Nga mbuŋ a sa mam ti jijik ng'avu Bumbulvuŋ waɗ ng'avu gwat ngi lum naŋ mavula taŋ di.

MISE 4:1

«Tumbuŋ na, gwat masa gi ani: muwã misi hay ngi Bumbulvuŋ anga na, a sa ɗuvaka a hirnga muwãhay gar, a sa gi subur fineˀ li miɗingireye gar, joˀ mizli a sa mbizlam ciɗngim ciɗngim ng'avaŋ.

SLUFA VU 24:14

Yo wurenna, i mi le ng'avi mizli ɗuwoy. Amma so kwaɗay, i ɓuw ɓi ngi gwat Israyeley masa gaka tumbuŋ da sukwi ɗike.»

Matiye 13:39

Mesene mizliɗa birngezleŋ na, i Satan. Sifi i duniya masa kiɗ mi, misli alkamarihey i modro ngi Buymisemuŋhoy.

Matiye 17:5

Hirak ti naŋ maɓi aruŋ vuna si na, keɗ na, gazlavay minjazlazla a so sirta taŋ. Yo ay a cino tir gazlavay tuwa: «Mbur hana i Mangal ɗu ya mawuɗaŋ haɗa, ya hĩhĩyaŋ ɓa yi winaŋ! Cinaka mingiɓi naŋ!»

Matiye 21:38

Amma migi slraˀahaya mupuraka mangal naŋ tuwa, a ɓam ar wala taŋ na: «Puraka, ngi diga na, i muzuma hay vuna. Akum, kuɗukum di vagay ɓa masa zumaka haya i ndra!»

Matiye 26:63

Amma Yesu naŋ teˀteˀe. Joˀ masay madiɗa a ɓaŋ: «I cufuɗuw ti slimiɗ ngi Buymisemuŋ misi ti siifa, ɓa ndra di njah si: Ki Kristu, Mangal ngi Buymisemuŋ kwa?»

Matiye 28:18

Joˀ Yesu a kirih ng'avi taŋ, a ɓa taŋ: «A vulikiy madiɗa le ngi wa muŋ ati hirwuyo gar.

Matiye 3:17

Dar ˀay a cino baɗ a muŋ: «Hana i mangal ɗu, ya mawuɗ haɗa, ya hĩhĩyaŋ ɓa i winaŋ.»

Mark 1:1

Ɓi mezle ngi Yesu Kristu, Mangal ngi Buymisemuŋ, a zli anihĩ:

Mark 12:6

Mindiraŋ na, sey mangal naŋ miteŋteŋ na tewle. Ar kiɗa mi naŋ na, a slinaŋ ng'avi migi slra ngir guvahay tuwa, a ɓi a kwacay naŋ na: ‹Ko mbrike na, a sa kilam mesem ngi mangal ɗu.›

Mark 12:7

Amma migi slra ngir guvahaya a ɓam ar wala taŋ: ‹Puraka, ngi diga na, i muzuma hay naŋ. Akum, kuɗukum di, ɓa guva ngi gudubuno, a ndir da ndra.›

Ɓimezle ngi Yesu Kristu ZAŊ mitil di mi 1:10

Mingiɓi, naŋ da zleˀe angi duniya, Buymisemuŋ miga duniya na, ti naŋ, amma mizli ngi ruwuyoy a sinakaŋ ta.

Ɓimezle ngi Yesu Kristu ZAŊ mitil di mi 1:14

Yo Mingiɓi tuwa a tiri mbur titra le. A cifi a wuzla ndra ti gimezle ati ɓi ɓi mikaslsla haɗa. I puraka dudok naŋ le. I dudok ngi Mangal kirmalay mulumo di avu Cine.

Ɓimezle ngi Yesu Kristu ZAŊ mitil di mi 1:3

Buymisemuŋ miga gwatay gar na, ti naŋ. Gwat migi manja naŋ na, ko anta loŋ ta.

Ɓimezle ngi Yesu Kristu ZAŊ mitil di mi 13:3

Yesu a si na le, Cine a pulaŋ gwataya le gar asi haŋ naŋ, a si na le ma, a bo ti vu Buymisemuŋ, yo a mi ng'avi Buymisemuŋ.

Ɓimezle ngi Yesu Kristu ZAŊ mitil di mi 13:32

I Buymisemuŋ vuna masa biga dudok ngi Mangala, yo a sa gaŋ di wurenna vuna si.

Ɓimezle ngi Yesu Kristu ZAŊ mitil di mi 15:15

Y'anta zulukum gawla ɗuwoy mata, asi gawla ngi mburo, gwat buy naŋ maga na, naŋ anta si na ta. Amma yi zulukum ngama ɗuwoy, asi mingiɓi ya micino di avu Baha gar na, yi ɓukum di le.

Ɓimezle ngi Yesu Kristu ZAŊ mitil di mi 16:15

Gwat Baha misi ti naŋ gar na, inga yahay. Ya muɓukum a sa ɓukum di i ɓi naŋ mulumo di avu ya na vurˀeŋ.

Ɓimezle ngi Yesu Kristu ZAŊ mitil di mi 17:2

yo ɓa a vula siifa ngi sete da mizli, ka muvulaŋ taŋ gar na, kaɓa ka muvulaŋ madiɗa a hirnga mizli titirahay gar.

Ɓimezle ngi Yesu Kristu ZAŊ mitil di mi 3:16

«Naŋ kine, Buymisemuŋ a wuɗ duniya le haɗi, hã a vulo Mangal naŋ kirmalay, ɓa mbur gar mitiɓaŋ le na, a zizi ta, amma a lum siifa ngi sete.

Ɓimezle ngi Yesu Kristu ZAŊ mitil di mi 3:25

Dar mekelemey a wuzla mizli ngi si Zaŋhay a zlaka tiri ati mbur Yude, asi ɓi ngi mezegwel taŋ ngi buna haŋ ati saray.

Ɓimezle ngi Yesu Kristu ZAŊ mitil di mi 5:26

Cine naŋ ti gidaŋ ngi vula siifa da mizli, naŋ kanah ya, a vula gidaŋ da Mangala ɓa a vula siifa da mizli.

Ɓimezle ngi Yesu Kristu ZAŊ mitil di mi 5:27

A vulaŋ gidaŋ ngi gi kiita, asi i Mangal ngi mburu.

Ɓimezle ngi Yesu Kristu ZAŊ mitil di mi 9:29

Ndr'i sinaka le, Buymisemuŋ a ɓi ɓi le da Moyise, amma mbur nah a so ti damaka na, i si na ka ta»

SLRA 10:36

A slino mingiɓi naŋ da Israyeley, a sa taŋ ti Ɓimezle ngi vula zuyo, tisi Yesu Kristu, naŋ Bumbulvuŋ ngi mizli gar.

SLRA 2:17

«Buymisemuŋ a ɓi: ‹Gwat masa gi angi hin ngi dirbahay ani: I sa slino ˀUf ɗu a hirnga mizli gar: Ziri kum mizilehey ati mongosohoy, a sa tiram mijiviɗ ɗuwoy, ziri gawla ati diili kumoy, a sa puram gwat ti kleŋ, mizli midigila kumoy a sa musuwunam.

ROMAHAY 1:4

Amma ti naŋ mislikiɗ ti wuzla mumucahay na, ˀUf Mipal a biga le ti gidaŋ, naŋ i Mangal ngi Buymisemuŋ.

ROMAHAY 8:17

Ndr'i ziri naŋhay, yo ndr'i muzuma hayay, muzuma hay ngi Buymisemuŋ jom ati Kristu ya. Asi da i ra sam bonoy jom ati Kristu na, i sa lumam dudok mupurla ka nga naŋ na ya.

KORENTIHEY MUDUMBUŊ 2:7

I tilam di i mi ti sinmijileŋ ngi Buymisemuŋ, sinmijileŋ mufuna wuluk ngi mbur, miyaŋ, ɗum zleˀe. Dumbuŋ angi Buymisemuŋ miga duniya t'aruŋ, a wi di vu le, ɓa a sa vula ndra dudok naŋ ti naŋ.

KORENTIHEY MUDUMBUŊ 8:6

Amma ngi ndra, Buymisemuŋ naŋ purla si. I Cine ndra miga gwatay gar, ndra maram kini ng'avaŋ. Yo ndra ti Buy purla si, i Yesu Kristu. Gwatay migam gar, yo ndra misi ti siifa na, mbele naŋ.

GALATAY 4:4

Amma hin Buymisemuŋ misla, mindila na, Buymisemuŋ a slino Mangal naŋ, i ngwas miyaŋ. Joˀ a hin hirnga a mbuŋ ɓimujuwa,

EFESEY 1:10

Ɓi Buymisemuŋ mujuwa a mevele, ɓa a sa ga wãˀ ar kiɗa mi ngi hin na, i naŋ muwuɗ ɓa a jumo gwat ngi muŋhoy ati ngi ruwuyoy kurzluˀ gar arleˀe, ɓa Kristu pal naŋ macifi buy a hirnga taŋ.

EFESEY 3:9

Yo miga gwatay gar i Buymisemuŋ, ɓi naŋ mufuna wuluk ngi mbur, muɗum zlezle zleˀe na, ɓa i njika da mizli, a slaka wala naŋ kwaŋ kwaŋ.

Slu cuw 18:15

Bumbulvuŋ Buymisemuŋ kumo a sa slinukum ti mijiviɗ misi kaɓa ya Moyis, mbur ngi wuzla kum, kisa cinakaŋ mi da naŋ so.

Slu cuw 31:29

Asi a dirba muc ɗu, yi si na le, Israyeley a sa hiryam wãˀ, joˀ kisa cohom kileŋ avu jiviɗ ya mubugukum di na. Nga mbuŋ so na, kisa jam hirnga ti mendere, asi ki gam malambaˀ le a mihiri ngi Bumbulvuŋ, dar kisa slikiɗaka mevel da Bumbulvuŋ ti gwat ngi gi kumo.»

Slu cuw 4:30

Nga mbuŋ, da gwat ya muɓukum t'ani na gar, a gam le, ki roko ar bonoy so na, kisa moko ng'avu Bumbulvuŋ Buymisemuŋ kumo, joˀ kisa cinakaŋ mi a muŋ.

HEBEREY 1:5

Asi mike na, Buymisemuŋ miɓi angi Ɓimutoho: «Ki Mangal ɗu, i yuw le dana» na, Ko a ɓi vur modrohoyo ɗaˀ kahana ta. «I sa tiri Cine naŋ, naŋ kwana, a sa tiri Mangal ɗu» na, a ɓa taŋ ɗaˀ ta ma.

HEBEREY 1:8

Amma a ɓi vur Mangal naŋ na: «Aw Buymisemuŋ, janga ngi Zumabuy ɗike, a ndir hã ngi samadin. Ki sa Zumabuy ɗike ti gi kiita jeŋ jeŋ.

HEBEREY 11:3

Buymisemuŋ miga si gazlavay gar ti mingiɓi naŋ, ndra maslaka wala nah, naŋ kanah gisiŋ na, asi tiɓi. Naŋ kine, gwat, mizli mapuraka taŋ gar na, a boko ti vu gwat mizli mapuraka taŋ gu ta.

HEBEREY 2:3

Na, da ndra vuna, i ra gam ti ɓi madiɗa ngi lahavu hana kaɓa ɓi ngi sefel na, i sa laham avu kiita ngi Buymisemuŋ mbri mbrike? I Bumbulvuŋ ti haŋ naŋ vuna mitil mi ti ɓi ngi lahavu hana dumbuŋ. Dar mizli micinaka na kwana, a ɓam ndra ɓi nah kasl kasla.

HEBEREY 3:6

Amma Kristu, naŋ i Mangal miteŋteŋ ar hay ngi Buymisemuŋ gar. Da ndr'anta zluwunam ta, yo da i ra jijaham asi gwat ndra manjaham hiri aseˀe na, naɓa ndr'i hay naŋ.

HEBEREY 4:14

Tiɓi ndra matilam di mi na, sey i jaka gidaŋ gidaŋ. Vur ndr'ada ti masay madiɗa a mbuŋ Buymisemuŋ, i Yesu Mangal ngi Buymisemuŋ. Naŋ a ngira muŋ le ŋcaht sesẽŋ avu Buymisemuŋ.

HEBEREY 5:8

I Mangal ngi Buymisemuŋ ngbaŋ, ko ti nah gar kwana, a sirka cinami le ti bonoy naŋ misa gar.

HEBEREY 7:28

Bimujuwa ngi Moyise, a cifi masay madiɗahay i mizli hĩhĩyahay. Amma mingiɓi ngi Buymisemuŋ miɓa ti hudum, a dirba ɓimujuwa na, a cifi masay madiɗa, i Mangal mindila le kaslsla wãˀ hã ngi sete.

HEBEREY 7:3

A sinaka cine ati mumuŋ naŋ ta, ko a sinaka tizer naŋ ta ma. A ɓaka ɓi ngi yi naŋ ati muc naŋ ɗaˀ ta wãˀ si. Naŋ a bam vu ati Mangal ngi Buymisemuŋ. Naŋ a ndir i masay hã ngi sete.

HEBEREY 9:26

Da Kristu a ga kanah zleˀe ta na, zle avu ɗuva virzi ngi duniya na, anja a si bonoy le is mbeˀ mbeˀe. Amma naŋ a bugo vu is purla tewle, gweˀ avu kiɗa mi ngi hin, ɓa a susuymo mungra ngi mizli ti gi mikuli a mbuŋ Buymisemuŋ ti hirnga naŋ tehhe a muŋ.

PIYER MUDUMBUŊ NAŊ 1:20

Buymisemuŋ, ti naŋ miga duniya taruŋ na, a wina Kristu le dumbuŋ si. Angi kiɗa mi ngi hin ngi dirba hanayna, a biga le njoy wãˀ vur kumo.

PIYER MUCUW NAŊ 3:3

Sinaka sin le, angi hin ngi dirbahay na, mizli mingila mihey, macifam vur kiɗa may ngi dumvu taŋ, a sa soko, a sa singiram ar kum,

ZUDE 1:18

A ɓukum na, angi hin ngi dirbahay na, mizli mekelemey a sa singiram ar kum, a sa gam may gwat ngi dumvu taŋ mahĩyã.