FILIPIHEY 4:9 - Bible en langue guiziga

⁹ Gwat kum mudubunaka avu ya ati kum mulumaka avu ya, ɓi kum micinaka avu ya, waɗ gwat kum mupuraka avu ya gar na, gam taŋ slra. Dar Buymisemuŋ mavul zuyo, a sa ndir avu kumo.

FILIPIHEY 4:9 ပူးပေါင်းရင်းမြစ်များ

EZAYI 41:10

Ki zluwunam ta, asi y'ada avu kum, ki puram a ciki kumo ti zluwun ta, asi yi Buymisemuŋ kum. Yi tiri ti kum gboŋgboŋ, naŋ kanah, i ra jiniˀis asi kum. Gisiŋ, i ra jiniˀis asi kumo ti gidaŋ ɗu ngi luuma bugawla na.

EZAYI 8:10

Da ko ki juwam vu le ngi gi gwat nga mbuŋ kwana, a sa hiryi loɗoy loɗoy. Da ko ki ɓam ɓi le kwana, gwat nah anta sa gi ta. Asi Buymisemuŋ naŋ da ati ndra.

Matiye 1:23

«Ani zuŋ diili mungbuˀo kine a sa gi hur, a sa yi mangal mizile. A sa zilaka Emanuyel.» Mbiɗeˀvra: «Buymisemuŋ naŋ da ati ndra.»

Matiye 28:20

Dubunaka taŋ ɓi ya muɓukum di ɗaˀ le na gar, ɓa a jaka a hirnga. Yo ya, y'ada ati kumo vur hin gar hã avu kiɗa mi ngi duniya.»

Matiye 7:21

«Mizli gar maɓikiy: ‹Buy, Buy› tewle na, masa cam ar Zumabuy misi a muŋ, i taŋ ta, amma sey mizli magam gwat Baha misi a muŋ mawuɗo.

Ɓimezle ngi Yesu Kristu LUK mitil di mi 6:46

Kum anta ki gaka gwat ya maɓukum di na ta, na ki zilikiy «Buy, Buy» vur mike?

Ɓimezle ngi Yesu Kristu LUK mitil di mi 8:21

A mbiɗa taŋ di: «Maha ati sukum ɗuwoy, i mizli macinam mingiɓi ngi Buymisemuŋ, yo majaka a hirnga.»

Ɓimezle ngi Yesu Kristu ZAŊ mitil di mi 13:17

Da ki sinaka hana le, yo da ki ra gaka so na, kisa mumulom!

Ɓimezle ngi Yesu Kristu ZAŊ mitil di mi 15:14

Gwat ya maɓukum di ɗaˀ le na, da ki ra gaka na, naɓa kum i ngama ɗuwoy.

Ɓimezle ngi Yesu Kristu ZAŊ mitil di mi 2:5

Mumuŋ ngi Yesu a ɓa gawlahaya: «Gwat naŋ maɓukum di gar na, gaka si.»

SLRA 9:6

Amma slikiɗ so, walahaya, yo a sa ɓukuw ɓi ngi gwat ka masa gaŋ.»

ROMAHAY 15:33

Anja Buymisemuŋ mavul zuyo, a ndir ati kum gar. Amin.

ROMAHAY 16:20

Buymisemuŋ mavul zuyo, a sa njirsla Satana asi sar kumo gweˀe. Anja gimezle ngi Buy ndra Yesu a ndir ati kum.

KORENTIHEY MUDUMBUŊ 10:31

Na so na, da ki zumam i mi, da kisam i mi, malla ko da ki gam i mi gar na, gaka ngi ga dudok da Buymisemuŋ.

KORENTIHEY MUDUMBUŊ 14:33

Asi Buymisemuŋ a zila ndra ɓa i gam biyãˀ biyãˀ lambaˀ ta, amma ɓa i cifam zuy zuy. Kaɓa magi ar Cikil ngi misikristuhoy gar na.

KORENTIHEY MUDUMBUŊ 4:16

I ra gukum ambuh ambuh haɗa, sipaka sar ɗu.

KORENTIHEY MUCUW NAŊ 13:11

Sukum ɗu misikristuhoy, wurenna, ndiram ti mumul, gam slra ɓa ki tiram mizli mindilaka le kaslsla wãˀ. Vulam gidaŋ ar wala kumo, jumom ˀay kuy kuy, cifam zuy zuy ɓa Buymisemuŋ ngi wuɗavu ati ngi zuyo, a sa ndir ati kum.

Slu cuw 5:1

Moyis a zila Israyeley gar, a ɓa taŋ na: «Israyeley, cinaka ɓimujuwa ati sirikey ya mawuɗ i ɓukum di dana. Ki sa dubunaka taŋ, yo ki kam slimiɗ kuy kuy ar taŋ, ɓa ki gam taŋ slra.

FILIPIHEY 3:17

Sukum ɗuwoy, kum jom gar kumo, sipaka sar ɗu. I bugukum gwat ngi gi le. Na so na, ɗuvaka hiri kumo taˀ ar mizli masipaka sar ndra na.

FILIPIHEY 4:7

Yo zuy ngi Buymisemuŋ mafuna lesl ngi mbur gar na, a sa jigina mevel kum ati lesl kum mujom ati Yesu Kristu.

TESALONIKEY MUDUMBUŊ NAŊ 1:6

Ki sipaka sar ndra le, waɗ ki sipaka ngi Bumbulvuŋ le ma. Ko ti kum mira sam bonoy na kwana, ki tiɓaka ɓi naŋ le ti mumul haɗi, mumul ngi ˀUf Mipal mavula.

TESALONIKEY MUDUMBUŊ NAŊ 2:14

Naŋ kine, sukum ɗuwoy, gwat migi avu Cikil ngi misikristuhoy a Yude, mbiɗeˀvra: mizli mujumom ati Yesu Kristu na, gwat misi purla nah, a ndilo le avu kum aya. Ki ɓusakaa bonoyo le kaɓa taŋ na ya. Ki sam bonoy le a haŋ sukwi kumoy tehhe a muŋ, kaɓa taŋ misam bonoy a haŋ Yudehey na ya.

TESALONIKEY MUDUMBUŊ NAŊ 5:23

Anja Buymisemuŋ mavul zuyo, naŋ ti hirnga naŋ, a ga ɓa ki ndiram kum inga naŋhay wãˀ. Anja a jigina lesl kum, membezleŋ ngi vu kum ati dumvu kum gar kuy kuy, ɓa hã tapas Buy ndra Yesu Kristu masa mawa na, ɓi ngi mbiɗa ndra hirnga aseˀe, anta.

TESALONIKEY MUCUW NAŊ 3:4

Asi ndra mujom ati Buymisemuŋ na, kumo, i sinukum le njah, gwat ndra muɓukum di le ngi gi gar na, ki ra gakaŋ, yo kisa gaka nga mbuŋ ava na si.

TIMOTE MUCUW NAŊ 4:22

Anja Bumbulvuŋ a ndir avu ka. Anja a gukum mezle gar kumo.

Ɗerewol ZAK 1:22

Ki gam gilaw da vu kum tehhe a muŋ ta. Anja ki cinaka mingiɓi ngi Buymisemuŋ ti cin tew ta, amma gaka gwat naŋ maɓa vuna.

PIYER MUCUW NAŊ 1:10

Sukum ɗuwoy, Buymisemuŋ a zulukum le, yo a wunukum le. Vurˀe, tusom mevel tos, ɓa ki jaka ɓi nah gidaŋ gidaŋ fineˀ misi zleˀe. Da ki ra gam kanah na, naɓa kum anta ndilam ar mungra ta ndiɗaˀ wãˀ.

ZAŊ MUDUMBUŊ NAŊ 3:22

Yo ko mike gar, ndra mucufuɗam le ava na, a vula ndra di, asi i ra jaka ɓimuɗuva ngi Buymisemuŋ a hirnga, yo i ra gam gwat maciraŋ hiri.