FILIPIHEY 4:3 - Bible en langue guiziga

³ Yo ka kwana, cil ɗu miteŋteŋ, i cufuɗuw ɓa ki jina taŋ, asi a cikam vu le ati ya ngi tila mi ti Ɓimezle. Taŋ ati Klemaŋ waɗ cil ɗu mekelemey, ndra migam slra bumoˀ ati taŋ gar na, a tohoko slimiɗ taŋhaya le angi ɗerewol ngi siifa.

FILIPIHEY 4:3 ပူးပေါင်းရင်းမြစ်များ

DIMISEY 69:28

Mbuɗa mungra taŋhaya cek nga hirnga taŋ, anja ki ga taŋ jeŋŋe ɗike mata!

BI NGI ISRAYELEY 32:32

Amma wurenna, ambuh takwa, pula taŋ mungra taŋhaya! Da kine ta na, slimiɗ ɗu ka mutoho ar ɗerewol ngi siifa na, vuvuyo avra.»

EZAYI 4:3

Dar is ngi mizli Siyoŋhoy, mindiram ti siifa a Zeruzaleme, a sa zilaka taŋ mizli muvuku vu taŋ: i mizli Zeruzalemey, Bumbulvuŋ mutoho slimiɗ taŋhaya le ar ɗerewol naŋ, ɓa a ndiram ti siifa.

EZEKIYEL 13:9

Mijiviɗ mupura gwat ti kleŋ ngatara lambaˀhay ati minjika ɓi ngi gi gilaw da mizli na, i sa biga gidaŋ ɗu ar taŋ. Tˀanta sa cifam ar li ngilawuy ngi mizli ɗuwoyo ta, anta sa tohoko slimiɗ taŋ ar ɗerewol ngi Israyeleye ta, yo t'anta sa cam sar kulaˀ le asi ruwuy Israyele ta ma. Dar kisa sinaka, yi Bumbulvuŋ, Buymisemuŋ.

DANIYEL 12:1

«Modro ngi Bumbulvuŋ a ɓiy na: ‹Ti hin tayna, Misel madiɗa ngi vurum ngi muŋhoyo naŋ macici zlak ar mizli ɗikey na, a sa bugo vu. A sa tiri i hin ngi muɗa didakay, zle ar zli virzi ngi ruwuy, hã dana, ko gwat ngi muɗa didak kanah, a gi ɗaˀ ta. Ti hin tayna, mizli ɗikey a sa laham, ko wa gar a wuzla taŋ, misi slimiɗ naŋ i mutoho le ar ɗerewol ngi siifa na, a sa lihi.

Ɓimezle ngi Yesu Kristu LUK mitil di mi 10:20

Na so na, ki mumulom asi setenehey mihinam hirnga a mbuŋ kum na ta jaka, amma mumulom asi a tohoko slimiɗ kumoyo le a muŋ.»

ROMAHAY 12:1

Sukum ɗu misikristuhoy, ambuh ambuh kum ti slimiɗ ngi Buymisemuŋ mapur ˀircece haɗa na so, ɓa ki vulakaŋ vu kumo wãˀ ti haŋ kumo, kaɓa gwat misi titiri ngi gi mikuli a mbuŋ Buymisemuŋ, mihĩˀĩ da Buymisemuŋ, maciraŋ hiri. Dilik kum mikaslsla ti jiviɗ naŋ a mbuŋ Buymisemuŋ, i nah so.

ROMAHAY 16:12

Jaka haŋ da Trifen ati Trifosa, micikam vu haɗa ti slra ngi Bumbulvuŋ. Jaka haŋ da mular ɗu Persis, sukum ɗu mongoso micici zlak ti slra ngi Bumbulvuŋ.

ROMAHAY 16:9

Jaka haŋ da Urbeŋ, mbur migi slra ngi Kristu jom ati ndra, waɗ da yeme ɗu Istakis.

FILIPIHEY 1:12

Sukum ɗu misikristuhoy, i wuɗ anja ki sinaka gwat mindilo avu ya na, a gi ngi jina Ɓimezle, ɓa aru nga mbuŋ nga mbuŋ jaka.

FILIPIHEY 1:16

Mizli, a gaka ti wuɗavu. A sinaka le, ya misi aka na, ngi cika vu asi Ɓimezle ngi Kristu vuna.

FILIPIHEY 1:27

Amma sey da gwat ngi gi kumo, a ndila le kaɓa Ɓimezle ngi Kristu mawuɗo. Naŋ kine, da ko i ru le nga purukum, malla i ru ta kwana, i sa cine ɓi kumo, ki roko cicam zlak kuy kuy ar wuluk misi purla. Ki roko cikam vu jom arleˀe ti mevel purla, ka tiɓi Ɓimezle mawuɗo.

FILIPIHEY 1:5

asi kum mijinikiy ngi njaha Ɓimezle, zle angi hin mudumbuŋ naŋ, hã wurenna na.

FILIPIHEY 1:7

Ya mawulkukum gar ar mevel ɗu kahana na, naŋ kaslsla wãˀ. Asi gimezle Buymisemuŋ migiy di, ko angi dangay, ko angi ya macik vu, yo ya mawuɗ ɓa Ɓimezle a cici kuy kuy na, kum gar, ki jumom le ati ya anga.

FILIPIHEY 4:2

Ewodi ati Sintike, i ra ga taŋ ambuh ambuh, ɓa a cifam ti ngiɓi ˀay kuy kuy ar taŋ mujom Buymisemuŋ.

KOLOSOY 1:7

kaɓa Epafras, ngama ndra, cil ndra, ndra magam slra bumoˀ mudubunukum di na. Epafras ara gi slra ar deɗe ndra, ka mbur miteŋteŋ migi slra ngi Kristu.

ƁIMUNJUYO 13:8

Mizli ngisi ruwuyoy gar, misi slimiɗ taŋ manja tuh angi ɗerewol ngi siifa ngi tumuŋ mikiɗaka vagay tuwa, waɗ mizli, slimiɗ taŋ manja tuh zle ti ɗuva virzi ngi duniya na, a sa dilkam a mbuŋ naŋ.

ƁIMUNJUYO 17:8

Gwat misããmi ka mupura na, naŋ da zleˀe, amma naŋ anta mata. A sa bo tir vigiɗ mijileŋ ɓa aru nga zizi. Mizli ngi ruwuyoy, misi slimiɗ taŋ manja tuh angi ɗerewol ngi siifa, zle ti ɗuvavirzi ngi duniya na, taŋ masa puraka gwat misããmi na, a sa zuma taŋ hirnga, asi naŋ da zleˀe, ani naŋ anta mata, amma a sa mawa a muŋ ma.

ƁIMUNJUYO 20:12

Waɗ ma na, i pur mumucahay, mizli madiɗahay ati mizlewey deŋ deŋ a mbuŋ janga ngi buy tuwaŋ, waɗ ɗerewol muwunahay wun wun. A wunam ɗerewol mekelem ma na, i ɗerewol ngi siifa. Dar a gaka kiita da mumucahaya weˀe avu gwat ngi gi taŋ, kaslsla avu taŋ mutohoko ɓi naŋ angi ɗerewoloy vuna.

ƁIMUNJUYO 20:15

Yo ko wa gar misi slimiɗ naŋ manja tuh angi ɗerewol ngi siifa gar na, a hizigiɗakaŋ ng'ar mubuliy ngi vu.

ƁIMUNJUYO 21:27

Gwat misi dili anta sa ci angi walahay nah ta wãˀ. Ko mbur magi gwat ngi hirya li, magi slir gar na, anta sa ci anga ta. Masa cama, sey i mizli misi slimiɗ taŋ i mutoho le angi ɗerewol ngi siifa, ɗerewol ngi tumuŋ tuwa.

ƁIMUNJUYO 3:5

Ɓa kanah na, mbur mulum bugawla le na, a sa kakaŋ zana babaraŋ. Y'anta sa kiɗa slimiɗ naŋ tir ɗerewol ngi siifa ta. I sa biga slimiɗ naŋ njah a mbuŋ Baha ati modro naŋhaya.