FILIPIHEY 3:9 - Bible en langue guiziga

⁹ I ndir jom ati naŋ wãˀ, anta asi gi jeŋŋe ɗu, ya maluma tisi ɓimujuwa na ta. Amma asi gi jeŋŋe, mbur maluma ti tiɓi Kristu na, i gi jeŋŋe maso ti vu Buymisemuŋ, yo naŋ maɗiya mburo jeŋŋe a mbuŋ naŋ tiɓi na.

FILIPIHEY 3:9 ပူးပေါင်းရင်းမြစ်များ

ZLI VIRZI 7:23

Bumbulvuŋ mingizla gwat misi titiri ngi ruwuyoy gar na, naŋ kahana. Zle avu mizli titrahay, gwat madiɗa misãmihey, mislireɓ slireɓey hã avu ɗiyuwoy. A ngizlam leɗeɗ wãˀ asi ruwuyo. Sey Nowe pal naŋ mindir waɗ mizli misi ati naŋhay bummoˀ a hur palalama.

BUYOY MUDUMBUŊ NAŊ 8:46

Ani mbur, ɓa a gi mungra ta na, anta ndiɗaˀ wãˀ. Da kaɓa Israyeley a sa ngilam ɓi le avu ka, yo da ka misa ji mevel le ar taŋ, ka misa vula taŋ le asi haŋ ngi mesene taŋhay, yo mesene taŋhay a sa jaka taŋ, a cohom taŋ le ng'ar beke ar hirwuy ngi mesene taŋhay kileŋ malla gweˀe na,

ƁI NGI HINEY MUCUW NAŊ 32:25

Amma Ezekiyas a si na gi mezle ngi Buymisemuŋ na ta, naŋ mahuhum vu a mevele tuwa na, Buymisemuŋ a slikiɗ himaˀ ar naŋ, ar Zudahay waɗ ar Zeruzalemeye.

ƁI NGI HINEY MUCUW NAŊ 32:31

Vurˀe, ti di mislinoko mizli hirnga ngi Babiloŋhoy ngi so purakaŋ, ɓa a cufuɗakaŋ vur gwat migam ɗaˀ tahay migam asi ruwuy naŋ na, Buymisemuŋ a pulaŋ mbak, a ci a kwacay naŋ, ɓa a si na gwat ngir mevele wãˀ.

DIMISEY 143:2

Yi gawla ɗiki, ki giy kiita ta, asi ko mbur mijeŋŋe a mbuŋ ɗik anta.

TILA MI 7:20

Vur a ruwuy aka na, mbur mindila le, naŋ jeŋŋe, a gi mezle, manja a gi mungra na, anta ko loŋ ta.

EZAYI 46:13

Gi jeŋŋe ɗu, naŋ gweˀe, naŋ anta kileŋ ta, ɓi ngi ya malih vu na, naŋ anta mur mata. I sa vulo ɓi ngi laha vu da mizli Siyoŋhoyo, i sa ga ɓa Israyeley a lumam dudok ɗu.

EZAYI 53:11

Ya Buymisemuŋ i ɓi na: Naŋ misi bonoy haɗa tuwa na, a sa pura dideˀ naŋhaya, hin ngi siifa naŋ a sa giɗi. Naŋ gawla ɗu, mizli a sa sinakaŋ, naŋ jeŋŋe, akẽh, a sa dubuna gi jeŋŋe da zigiduw haɗa, joˀ naŋ vuna a sa ɓusa jijira malambaˀ taŋ.

EZAYI 53:6

Ndra gar zleˀe, zlaɗ lambaˀ kaɓa tumuŋhoy, mbur gar aru ti sipi jiviɗ naŋ, malambaˀ ndra gar migaka na, Bumbulvuŋ a paŋ di nga hirnga naŋ.

EZAYI 6:5

Dar yi ɓi: «Kay, ya ar bonoy! Yi zizi le, asi mi ɗu ya mazum, di gwata, i malambaˀa, ya a wuzla mizli misi mi taŋ i malambaˀ vuna ya. Ani Buy madiɗa, Bumbulvuŋ misi gidaŋ wãˀa, hiri ɗu a pura le.»

ZEREMI 23:6

Ar hin ngi zumabuy naŋ na, kite Zuda a lih le, Israyel a sa cifi setete. A sa cakaŋ slimiɗ ani: ‹Bumbulvuŋ i milih ndra.›

ZEREMI 33:16

Tapasa, Zuda a sa luuma hirnga naŋ, yo Zeruzalem a sa cifi manja zluwun. Slimiɗ masa cakaŋ di ani: «Bumbulvuŋ, gi jeŋŋe ndra i naŋ.»

DANIYEL 9:24

A ɗuvam vihey le tarnaˀ tarnaˀ makaw kukur tarnaˀ, vur mizli ɗikey ati walahay ka misi ara na, ɓa ngi kiɗa mi ngi moˀore ati mungra, ɓa ngi pula mungra, ngi so ti gi jeŋŋe ngi sete. Ɓa pura gwat ti kleŋ ati ɓi ngi mijiviɗey a gam muduba, yo ɓa a pam mal ngi vula li mihĩˀĩ da Buymisemuŋ a muŋ.

Matiye 9:13

A ram, dubunaka mbiɗeˀvra ngi ɓi miɓi: «Yi wuɗ di i pura ircece, mbak gi mikuli a mbuŋ Buymisemuŋ ti ginewey na le.» Vur yi so zila mizli mijeŋŋehey ta, amma migi mungrahay.»

ROMAHAY 1:17

Naŋ kine, Ɓimezle a biga gwat ani: Buymisemuŋ a si na mizli, taŋ jeŋŋe na, asi tiɓi taŋ tewle. Kaɓa mutohoko ɓi naŋ: «Mbur mijeŋŋe a sa ndir ti siifa tisi tiɓi.»

ROMAHAY 10:10

Vur mike na, mbur matiɓi ti mevel purla na, Buymisemuŋ a ɗiyaŋ jeŋŋe, yo mbur maɓi njah ti mi naŋ kwana, Buymisemuŋ a lahaŋ.

ROMAHAY 16:7

Jaka haŋ da Andronikus ati Zuniyas, muy ɗuwoy, yo ndra bumoˀ ati taŋ zleˀe angi dangaya. Mislin ngi Kristuhoy a sinaka taŋ le kuy kuy, yo taŋ i misikristuhoy dumbuŋ angi ya.

ROMAHAY 5:21

Kaɓa mungra muzum buy tisi muc na kwana, gimezle ngi Buymisemuŋ a zum buy tisi siifa ngi sete, mbele Buy ndra Yesu Kristu.

ROMAHAY 8:1

Wurenna, mizli mujumom le ati Yesu Kristu na, Buymisemuŋ anta ga taŋ kiita mata.

ROMAHAY 8:3

Gwat ɓimujuwa ngi Moyis maga gu ta, asi kpak ngi vu ngi mbur mavuso na, Buymisemuŋ a ga le, a ga kiita le da mungra misi avu kpak ngi vu ngi mburo, ti naŋ mislino Mangal nga naŋ na. Mangala, naŋ ti kpak ngi vu mupurla ati ngi ndra magam di mungra na. A so ɓa ngi zuɓa mungra avra,

KORENTIHEY MUDUMBUŊ 1:30

Kum misi jom ati Yesu Kristu na aseˀeŋ, naŋ a tiri le i sin ndra mijileŋ muso ti vu Buymisemuŋ, miɗiy ndra jeŋŋe a mbuŋ Bumbulvuŋ, mitiri ti ndra mizli nga naŋhay, yo mucuko ndra tir mungra ndrahay.

KORENTIHEY MUCUW NAŊ 5:17

Yo ma na, da mbur mujum le ati Kristu na, a tiri mbur nawaya le. Gwat magala a cuh le, puraka, gwat nawaya naŋ da.

KORENTIHEY MUCUW NAŊ 5:21

Kristu a gi mungra ɗaˀ ta. Amma Buymisemuŋ a tiri di misi purla ati ndra migi mungrahay, ɓa Buymisemuŋ a ɗiya ndra jeŋŋe a mbuŋ naŋ, ti seˀeŋ.

GALATAY 2:16

Amma i sinaka le, Buymisemuŋ mapura mburo jeŋŋe a mbuŋ naŋ na, asi naŋ matiɓa Yesu Kristu, anta asi naŋ maga gwat ɓimujuwa mawuɗ na ta. Ndra kwana, i tiɓaka Kristu le, ndra jeŋŋe a mbuŋ Buymisemuŋ aseˀe ya, anta asi ndra magaka gwat ɓimujuwa mawuɗ na ta. Da vur gi gwat ɓimujuwa mawuɗ na, mbur mandir naŋ jeŋŋe a mbuŋ Buymisemuŋ aseˀe, ko loŋ anta.

Slu cuw 27:26

«Mbur macina mingiɓi ngir ɓimujuwa hana, a ja taŋ a hirnga ta na, i minisa le.» Mizli gar sa a mbiɗaka: «Amin.»

FILIPIHEY 3:6

Yi hurdum le hirdam ngi sipa cikil ngi misikristuhoyo nder nder. Vur gi jeŋŋe mbur maluma tisi ɓimujuwa na, ko mbur mambiɗiy hirnga aseˀe gu, anta.

TIMOTE MUCUW NAŊ 1:9

I naŋ milaha ndra, a zila ndra ɓa i tiram mizli naŋhay. Anta asi gwat ngi gi ndra ta, amma asi wuluk naŋ mujuwa a mevele, waɗ asi gimezle naŋ. I gimezle naŋ miga ndra di dumbuŋ angi hin ngi sete, tisi Yesu Kristu.

Ɗerewol TIT 3:5

a laha ndra le, anta asi i gam gwat mijeŋŋe le ti haŋ ndra ta, amma asi naŋ mapura ndra ˀircece tewle. A laha ndra ti taŋ mubunam ndra, ɓa ngi ya ndra sar mucuw naŋ, yo waɗ tisi ˀUf Mipal matiri ti ndra mizli nawayahay na.

HEBEREY 6:18

Vurˀe, gwatay ada cuw, anta mbiɗam ta wãˀ, Buymisemuŋ, gwat naŋ miɓal le ɗaˀ le ati hudum naŋ na, naŋ anta gi slir ar taŋ ta. Naŋ kine, ndra mizli mupulaka gwatay gar, ɓa i njaham hiri njah ar taŋ na, gwat tayna ara vulam ndra gidaŋ haɗa wãˀ.

Ɗerewol ZAK 3:2

Ndra gar, i ra zluɓam ɓi haɗa. Da mbur anta zluɓ ar mingiɓi naŋ ta na, naɓa i mbur manja hereweɗe. A jigina dumvu naŋ gara gu.

PIYER MUCUW NAŊ 1:1

I ya Simoŋ Piyer, gawla ngi Yesu Kristu, yo mislin naŋ, matuhukum ɗerewol hana da kum mulumam tiɓi mupuɗaw ka ngi ndra, tisi jeŋŋe ngi Buymisemuŋ ndra ati ngi Milih ndra Yesu Kristu na.

ZAŊ MUDUMBUŊ NAŊ 3:4

Mbur magi mungra na, kite ara gi gwat mijeŋ ta avu Buymisemuŋ. Asi mike na, mungra i mbiɗi duba avu ɓimujuwa.